السلام عليكم ورحمة الله وبركاته …

أحبابى معشر الصيادين .على حد فهمى المتواضع فى إختلاف كمية الطعم وده بيكون حسب الأتي :_

1- المكان

بحر أحمر /شمال غير جنوب أو بحر متوسط

2- الزمان

صيف غير شتاء وحالات القمر المختلفة – فمثلا هناك آراء معتبرة بأن أفضل أوقات للصيد من يوم 5وحتى 10 ومن يوم 20 وحتى 25 فى كل شهر عربى

3- السمك المستهدف والفرشة أو الطرحة

فالمرجان والدنيس غير الكوشر والشعور أو المحاسن أو البياض والبلاط أو الحريت…إلخ

4- طريقة الصيد

التسقيط غير الجر على سبيل المثال

أرى من وجهة نظرى المتواضعة ومن باب خير الأمور الوسط ( بين من يرى أن الطعم مبيخسرش وزيادته مفيهاش مشكلة/ وبين/ من يرى الإقتصاد وعدم التبذير والإهدار وانه ممكن أن نتبع طريقة منه فيه- وكلها أراء محترمة)

مبدئياً قبل الدخول في التفاصيل ..أرى أن تكون الكمية لتكون فى الأمان صيد الأسماك للمحترفين لكل مكان وزمان وسمك مستهدف وطريقة صيد ما يلى لكل 24 ساعة للفرد:

• نصف كيلو جمبرى أحسن نوع طازة وحجمه مناسب
• كيلو كاليمارى
• نصف كيلو سبيط
• كيلو ماكريل
• نصف كيلو باغة أو سردين
• نصف كيلو بلاميطة

وبجملة المصاريف و دوس يا ريس وش أو تصبية تسقيط أو جر إستخار واختار مقلى او مشوى أو مسلوق او صينية او طاجن

ولكن في جميع الحالات يجب أستشارة الريس في نوعية الطعم وكميته قبل القيام بالرحلة.

سمعونا الصلاة على النبى وأحنا نازلين للجد 🙂

بالنسبه للبحر الاحمر تسقيط شمال الزعفرانه حتي السويس

معظم السمك صغير الا لو سمكة كبيره معدية ماسكه وش شعبه
للـ ٢٤ ساعه كيلو جمبري للفرد و ربع كليماري و نص ماكريل ويتم ضربه في اجمالي العدد عشان في ناس مش هاتستهلك طعم و طالع يتبسط و يغير جو

الزعفرانه و جنوبا حتي القصير

للفرد في ٢٤ في الموسم صيفا ٢ كليماري ٢ ماكريل و سردين مملح قديم او جديد مش هاتفرق و ده عشان يضبط الدور و يمسمر السمكه ف مكانها .. و ممكن اتنين جمبري للرحله .. و شتاء نص الكميه

راس العش

بالنسبة ل رأس العش 36 ساعة بنعمل حسابنا في ان يكون كل واحد من 2 ماكريل وتقريبا 1/2 جمبري وكيلو الاربع كاليماري كبير او 1 كيلو سبيط احمر من العبور وده احلي بالنسبة لرأس العش او باغة بس الافضل ماكريل.

القصير ولحد الحدود مع السودان

و ديه مافيش حد طالع يهرج فيها والكميه ضعف المذكور واهم حاجه السردين المملح

ملحوظة هامة

كلما اتجهنا جنوبا يتم زياده مقاس العلب و بالتالي زياده استهلاك الطعم و زياده التنقير من السمك الصغير .. وبالنسبه للطرحات فوق ال٢٥متر التزفير لا يمكن يبقي برمي الزفاره من المركب فلازم يبقي كل هلب عليه حته من السردين و دي اول ما تنزل السمك الصغير بيهربدها تحت و يزفر الدور مضبوط و لو اتزفر صح كل شويه ممكن ما تحتاجش تتنقل كتير

انا من مدرسه اتقل علي الرز يعني زفر الدور كويس و استني رزقك ربنا يبعتهولك و مش بنقل غير لما يكون السمك حلف ميت يمين ماهو طالع

على العموم الطعم ميخسرش . يكون معايا بزياده احسن فرق التكلفه مش حيبقي كتير
يعني تحسب الطعم بتاعك مره وربع .

حنفسر شويه …… في 24 ساعه

انا عن نفسي

1- باسقط ببوصه ( طعمها كله تقطيع … مكريل .. سبيط .. سردين .. بلاميطه ) يبقي بالوزن عاوز كيلو من كل حاجه . وده لصيد البوصه

2- لشغل العوامات ( سردين كامل – باغه كامله – سبيطه كامله – ) وده غالبا بيكون بالنهار ) يبقي حوالي نص كيلو من كله

3- لشغل اللنس ( كامل وتقطيع حسب السمك )

4- للمرجان والكتارين ( نص جنبري )

5- اما الوش انا باوش بسمكه كامله او بسمكه حيه

الخلاصه كل 24 ساعه ( كيلو ونص مكريل – كيلو سبيط – نص سردين – نص جنبري – كيلو بلا ميطه لو موجود احجام صغيره )

.. و الله اعلي و اعلم

The post كيف يتم تحديد كمية و انواع الطعم قبل الرحلة appeared first on ملوك الصيد.

تعيش في البحر الاحمر بكميات كبيره…تمشي في اسراب…

تعيش في العروق الموجود داخل البحر علي ارض شبه رماليه زي سمك الحفار وابو نقطه والدنيس والنفاره… السمكه الوحيد التي تتاقلم معه في اماكن تواجدها هي سمكه النفاره…

سمكه المرجان ابو اتب سمكة ليسه دمويه كباقي الاسماك الطعم المفضل لها (الجمبري) السويسي رقم واحد (الكليماري)…

يصل وزنها الي 6و7 كليو للسمكه لكن المعتاد المقاسات المعروفه لنا في اسراب

تنشط في ايام اشهر البرد…

افضل الشهور صيد سمكة المرجان ابو أتب

بتداء من شهر 12 حتي شهر 3 وعلي حسب تغير المناخ البحري

مع العلم انه متوجده طول السنه بكميه قليله جدا…

طريق صيد سمكة المرجان ابو أتب من مركب…

اول حاجه لازم يكون ريس المركب مستهدف طرحات المرجان لابلاغك لعمل استعدات الصيد له…وتحضر العده الخاصه بيها…

السمكه دي من النوع الوعي بمعني اذا حست او وقعت في خطر ينبع منها حركات الرعب والخوف فيهرب السرب كلها…

المجموعه اللي علي المركب لازم الاتفاق قبل نزول الخيط( لم حد يلكع) مرجانه ويجي طلع بيها لازم يكون بقي الخيوط تحت علشان السرب يفضل شغل معك…

في حين ان سمكه فرغت منك وانت طلع بيها اعرف ان السرب هيرحل لان كم ذكرت انها اتعرضت للخطر فعند هروبها يلاحظه السرب فيتبعها…

بعد ساعه او اكثر ممكن يرجع السرب مره اخره… فوجب الاحتياط عدم تفريغ سمك…

اهم حاجه تظبيط السنون الخاصه بيها لعدم تفريغ السمك لو حفظت علي السرب هيفضل شغال معك ساعات متتاليه…

العده المطلوبة لصيد سمكة المرجان ابو أتب

عود صب قطعتين 180 او210
مكنه تسقيط كبيره… عليه خيط الافضل بريد 40 او50…قرمه من 3 سنون مقاس 2 او 3…رصاص مقاس 80 جرام…

The post معلومات مهمة عن || سمكة المرجان (أبو أتب) appeared first on ملوك الصيد.

ويبدأ الموسم خلال الأيام المقبلة بالتزامن مع انخفاض درجة حرارة الجو، وظهور تجمعات أسماك المرجان.

ويكون الاستعداد من خلال تجهيز أدوات الصيد والطعوم وإعداد بوكسات التخزين وألواح الثلج والاتفاق على تأجير لنشات الصيد لبدء الرحلات التي تمتد من ليلة واحدة إلى 3 ليال في سهرات خريفية وشتوية.

و المرجان أو النجار ..  سمكه موسمها فى الشتاء و لكنها موجوده طوال السنه و يمكن صيدها بس هو الموسم فى الشتاء ..

هي سمكه رمليه يعنى تواجدها فى المساحات الرمليه او مناطق الجزو .. و هى دى مشكلتها علشان المركب تقف لازم يكون فيه شعبه او صخر ممكن البروسى يمسك فيه

فعلشان كده كل فرشات المرجان المعروفه هى اللى بجانب الشعب بس فيه فرشات تانيه كتيير بس صعب الوقوف عليها نتيجه عدم وجود شعب او وجود شعب صغيره بيبقى عارف مكانها بالضبط الريس و هو ده اللى يفرق بين ريس و ريس فى صيد المرجان

يمكن صيده كمان فى الجو الحوال على الصابى و ده ممكن يوقع معاك حتت كبيره

طريقة صيد سمك المرجان

المرجان بيحب الطعم الطازه و مهم جدا انه يكون طازه كاليمارى او جمبرى

السن تحت الرصاصه و ده للسمك الكبير منه و ممكن تحط سن فوق الرصاصه لو احجام المرجان مش كبيره
بس لو كانت كبيره فلا يحبذ عمل ذلك لانه ممكن الخيط يقطع منك

المرجان سمكه قويه و معافره جدا و انت بتطلعها و حتعرف انك معاك مرجانه لانك حتلاقى الخيط عمال يدك منك على طول كل شويه و لا تتوقف الى ان تصل الى المركب

و فى اكلها للطعم فهي بتاكل بالراحه جدا لحد انك ممكن متحسش بيها فخليها تاكل منك شويه و بعدين شد عليها لانك لو فزعتها او لكعتها و فلتت فهى بتهرب على طول و بتأخد الفرشه معاها ولو حصل كده اصبر نصف ساعه و ان شاء الله حيرجعو تانى

ليه الصبر ؟

لان وقفة المركب للمرجان بتكون صعبه جدا و ممكن ميعرفش يقف تانى على فرشه تانيه او نفس الفرشه

اذا تحرك يتم صيد المرجان نهارا مع طلوع الشمس و عند الغروب و يمكن ايضا صيدها ليلا لو انت واقف فى فرشتها بس لازم يكون القمر منور جامد يعنى بدر تقريبا

أماكن تواجد سمك المرجان

• مكان الصيد وادى الجمال
• شرم اللولو قبل حماطه وخيط 90
• راس العش شتاء

The post موسم سمك المرجان || هل أنت مستعد؟ appeared first on ملوك الصيد.

المرجان أو النجار .. سمكه موسمها فى الشتاء و لكنها موجوده طوال السنه و يمكن صيدها بس هو الموسم فى الشتاء ..

هي سمكه رمليه يعنى تواجدها فى المساحات الرمليه او مناطق الجزو .. و هى دى مشكلتها علشان المركب تقف لازم يكون فيه شعبه او صخر ممكن البروسى يمسك فيه

فعلشان كده كل فرشات المرجان المعروفه هى اللى بجانب الشعب بس فيه فرشات تانيه كتيير بس صعب الوقوف عليها نتيجه عدم وجود شعب او وجود شعب صغيره بيبقى عارف مكانها بالضبط الريس و هو ده اللى يفرق بين ريس و ريس فى صيد المرجان

يمكن صيده كمان فى الجو الحوال على الصابى و ده ممكن يوقع معاك حتت كبيره

طريقة صيد سمك المرجان

المرجان بيحب الطعم الطازه و مهم جدا انه يكون طازه كاليمارى او جمبرى

السن تحت الرصاصه و ده للسمك الكبير منه و ممكن تحط سن فوق الرصاصه لو احجام المرجان مش كبيره

بس لو كانت كبيره فلا يحبذ عمل ذلك لانه ممكن الخيط يقطع منك

المرجان سمكه قويه و معافره جدا و انت بتطلعها و حتعرف انك معاك مرجانه لانك حتلاقى الخيط عمال يدك منك على طول كل شويه و لا تتوقف الى ان تصل الى المركب

و فى اكلها للطعم فهي بتاكل بالراحه جدا لحد انك ممكن متحسش بيها فخليها تاكل منك شويه و بعدين شد عليها

لانك لو فزعتها او لكعتها و فلتت فهى بتهرب على طول و بتأخد الفرشه معاها

ولو حصل كده اصبر نصف ساعه و ان شاء الله حيرجعو تانى

ليه الصبر ؟

لان وقفة المركب للمرجان بتكون صعبه جدا و ممكن ميعرفش يقف تانى على فرشه تانيه او نفس الفرشه اذا تحرك

يتم صيد المرجان نهارا مع طلوع الشمس و عند الغروب و يمكن ايضا صيدها ليلا لو انت واقف فى فرشتها بس لازم يكون القمر منور جامد يعنى بدر تقريبا

أماكن تواجد سمك المرجان

مكان الصيد وادى الجمال – شرم اللولو قبل حماطه وخيط 90 و من احسن المناطق لصيدها فى الوقت الحالى راس العش شتاء

The post افضل طريقة لصيد سمكة المرجان ( ابو اتب ) appeared first on ملوك الصيد.