السمك المستهدف قشر البياض و البياض دول اكتر نوعين مهاجمين للاسماك خاصة قشر البياض

اماكن تواجد قشر البياض

• فى الاماكن العميقة
• فى الاماكن اللى فيها تيار مياة قوى
• بالقرب من محطات المياة

دى الاماكن المفروض يتواجد فيها ولاكن ممكن تجرب فى اى مكان عادى الموضوع عايز تجارب واستمرارية يعنى لو جربت مره او اتنين او اكتر وماتوفقتش ماتيأسش وتقول مش هاينفع

• اقرأ : طرق الصيد بالجيجنج || الكاستنج || الترقيد || البوبنج

طريقة الكاست

كاست من البر ويكون اللم للمكنه منتظم غالبا مع الثبات أحجامها من صغير لمتوسط حوالى من ٥ ك الى ٦ك المعتاد فى أكبر من كدا بكتير فى مناطق معينه ودائما بطعم حى

الكلاب تحتاج لم سريع غير منتظم ويفضل تركيب سلك واير لان أسنانها تقطع اى خيط لو السمار شكم من جوه

موسم الساموس يبدا من شهر ٤ حتي نهاية يونيو…

أفضل مناطق صيدة هي منطقة جرف حسين.. حوالي ٧٠ ك من السد

عن نفسى جربت كتير جدا على ماربنا كرمنى بسمك ..

بيكتر نشاطه من اول شهر 5 لحد شهر 10 والايام الحر فى شهر 11 و 12

الربلات المستخدمه :

ياريت تكون بتغطس 2 او 3 متر او لحد 5 متر حسب المكان انا استخدمت رابلة جر ! يازورى 12 سم وكانت كويسة

بالنسبة لسمكة كلب الملوحة او التيجر فيش يفضل استخدام المعالق ذات اللمعة العالية وبتكاست بسرعة لانها سمكة مهاجمة بسرعة عالية

الالوان:

خليك فى الالوان الفاتحة زى الفضى والدهبى و الاصفر والبرتقالى و الاخضر

وينفع برده الجارينجو او الجيلى المقاسات الصغيرة منه تنفع للبياض 5 و 7 سم

والكبيرة تنفع مع القشر 12 او 15سم

العود

ياريت يكون كاربون او اى عود خفيف الكاست C.W من ٢٠ الى ٦٠

الطول 2.4 او 3 متر او 4.20

الماكينة

ياريت ماتكونش تقيلة يعنى مقاس 4000 او 6000 معقول اوى وياريت تكون الفرامل مظبوطه لان القشر بياض قوى جدا

الخيط

ياريت يكون بريدد 30 ليبره 0.28مم مع ليدر 40 او 45 مم

او خيط مونو نايليون عادى 40 او 45 يكون نوع نضيف انا بفضل البريدد على شان رفيع وقوى وسهل فى الحدف

The post الكاستنج في المياه العذبة || صيد سمك قشر البياض appeared first on ملوك الصيد.

وتعتبرمن اكتر الاسماك متعه فى صيدها على الاطلاق بلا منازع بدليل ظهور بعض ادوات الصيد التى صنعت خصيصا لتحمل الاكشن الغير عادى ليها
اسمها المنتشر فى انحاء العالم هو Giant trevally (GT)
وليها عده اسامى تانيه زى lowly trevally, barrier trevally, giant kingfish, ulua

ويرجع اصل تسميتها (جرم بياض) الى ان معنى كلمة بياض فى العلوم هو قدرة جسم ما على عكس الضوء الساقط عليه من مصدر ضوئي كالشمس وكلمه جرم بمعنى الضخم
وتجميعها الجسم اللامع الضخم والشكل ده طبعا اي صياد بيلاحظه فى لحظه اقتراب السمكه من سطح الميه

عادة ما يكون لون فضي مع بقع داكنة فى بعض الاحيان ، ولكن قد يكون الذكور لونهم أسود بمجرد النضوج. وهى أكبر الأسماك في جنسها وينمو إلى أقصى حجم معروف يبلغ 170 سم (67 بوصة) ووزن 80 كجم (176 رطل)

تفضل المعيشه فى الخلجان الضحلة والبحيرات الشاطئية كبدايه إلى أعمق الشعاب المرجانية ، والجزر المرجانية البحرية ومن المعروف أن صغاره بتعيش في مياه ذات درجة ملوحة منخفضة للغاية مثل البحيرات الساحلية والممرات العلوية للأنهار ، وتميل إلى تفضيل المياه العكرة.

وتعتبر حاسه النظر عندها من ابرز الحواس الفعاله لانها بتعتمد عليها اعتماد كللى فى الطعام بعيدا عن حاسه الشم وده لانها من الاسماك اللى نسبه خلايا ال cones عاليه داخل العين وبتساعدها على صيد الفرائس وقت المغرب ووقت الفجر.

يحدث التبويض في مراحل محددة من دورة القمر ، عندما تتجمع الاسراب الكبيرة لتفرخ فوق الشعاب والخلجان . تنمو الأسماك بسرعة نسبية ، تصل إلى مرحلة النضج الجنسي بطول حوالي 60 سم في عمر ثلاث سنوات.

جرم البياض من الاسماك المتواجد طوال السنه ولكن قمة نشاطه بتكون فى الصيف بصفه عامه وطبعا السبب معروف لان فى الوقت ده بتكتر اسراب السردين والاسماك الصغيره اللى بتجذب الجروم للانطلاق خلفها وهى من الاسماك المندفعه جدا فى اتجاه فرائسها ودايما بيكون موجود بشكل منفرد مش فى اسراب كبيره.

افضل وقت لصيد البياض

من شروق الشمس الى الساعه التاسعه صباحا ومن العصر الى المغرب
وبتتميز الجروم بان طرق صيدها متعدده وبتتميز الطرق دى فى مضمونها ان كله طريقه منهم الى حد ما بتستهدف احجام معينه منها

1– الصيد بالتشويح بيكون بعود ميديوم هيفى او هيفى والاكشن مدريت فاست او فاست بطول من 240 سم الى 330 سم حسب المرمى ونوع الشاطئ لاننا المفروض بنكون واقفين على حرف كساره او حرف ستارة شعب على الشاطىء ومكنة معقولة ٥٠٠٠ او اكبر عليها بريد ٣٠ ليبرة او مونو من ٤٠ الى ٤٥ ليبرة

وليدر او تشوك ليدر ٣٥ الى ٤٠ وممكن فلوروكاربون ورصاصة خفيفة وسلاح رقم ١ لشك الطعم الحى ، وطبعا بتشك الطعماية بطريقة تبقى عليها حية لمدة طويلة الا لو كان موجود وشغال ممكن تشكها بسرعة من ديلها من فوق سلسلة الضهر او من فمها

ويفضل انه يكون سردين او باغه لان دول معشوقين الجروم ودايما فى اغلب الاحيان صيده عن طريق الشاطىء بيستهدف احجام بين ال 2 كيلو الى ال 5 كيلو

وفيه بعض المفاجأت منه بتطلع بسردين ميت لكن مش دايما بحكم انها سمكه بتعشق القتال.

2- الصيد بالتسقيط وده بيكون بعود هيفى والاكشن سلو بطول من 180-210 سم ومكنه اكبر طبعا من بتاعت التشويح بحكم العمق وطبيعه وظيفتها وبريد 30-40 ليبره او مونو 50-55 ليبره وده لاننا بستهدف فى التسقيط احجام اكبر نسبيا من احجام الشاطىء
وسلاح رقم 1-02 لشك الطعم حى ولكن فى التسقيط بيفضل اننا نشك السمكه من ديلها عشان تاخد راحتها فى الميه والخيط ميعملهاش مشكله فى الحركه والغالب ان الطعم بيكون سردين او باغه او بونجز.

3- الصيد باللايت جيج وده بنستخدمله عود لايت جيج اكسترا هيفى واكشن سلو مع بريد من 30-40 ليبره وليدر شوك 60 ليبره وجيجات بين ال50-80 جرام ودايما الاكشن المتبع معاه فى تحريك العود هو فاست ودايما الاعماق بتكون بين ال 40-60 متر.

4- الصيد بالجيجنج وده بيكون العود بين ال 165- 180 سم هيفى الى اكسترا هيفى والاكشن سلو مع بريد 80 ليبره وليدر شوك 120 ليبره والجيجات بين ال 80-140 جرام والاعماق بتكون بين ال 50-100 متر.

وهنلاحظ ان اكتر الوان الجيجات اللى بتحبها الجروم هى الاحمر بدرجاته والبينك بدرجاته.

5- الصيد بالبوبينج وطبعا معظمنا عارف ان البوبينج بالاخص اتعمل مخصوص لجروم البياض و سمكه الماهى ماهى ( الحصان) وبنشتغل بعود طوله 210-240 سم مخصص للبوبينج ومكنه خفيفه وقويه ولازم تكون سريعه 6.2:1 مع بريد من 80-120 ليبره حسب ظروف المكان والاحجام الموجوده وطبعا البوبرات بتكون بين 40-130 جرام.

6- الصيد بالشور جيجنج وده بنعمله من الشاطىء خصوصا فى الشواطىء الصخريه على حرف الجروف الصخريه العميقه وبيكون العود بين ال 210-300 سم حسب ظروف المصيد مع مكنه مقاس 5000 وبريد بين 30-40 ليبره مع ليدر فلوروكربون 50ليبره وجيجات بين ال 30-50 جرام

The post سمك جرم البياض Giant Trevally و صيده appeared first on ملوك الصيد.

نوع الطعم

• دود الارض
• الريم الاخضر

مقاس الخيط 

• 20 او 25

رقم السنارة

• 10

2- سمك الشيلان

نوع الطعم

• دود الارض

مقاس الخيط

• 35

رقم السنارة

• 16

3- سمك البياض

نوع الطعم

• دود الارض
• مصران الفراخ الرفيعة
• حشرة الصرصار المنزلى

مقاس الخيط

• 30

رقم السنارة

• 16

4- سمك الثعبان النيلى

نوع الطعم

• دود الارض لكن يوضع كامل
• سمك الراى الصغير

مقاس الخيط

• 35

رقم السنارة

• 15

5- سمك الانومة

نوع الطعم

• دود الارض

مقاس الخيط

• 35

رقم السنارة

• 10

6- سمك البنى

نوع الطعم

• ثمار العنب البناتى لكن الصغير جدا
• العجين (خبز نصف سوى مخلوط بزيت الطعام وتكون متماسك)

مقاس الخيط

• 30

رقم السنارة

• 10

7- سمك القراميط

نوع الطعم

• مصران الفراخ
• العجينة السابق ذكرها مخلوطة بالدماء

مقاس الخيط

• حرير 4 فتلة

رقم السنارة

• 16

8- سمك الشلباية

نوع الطعم

• العجينة

مقاس الخيط

• 25

رقم السنارة

• 10

9ـ سمكة المبروكة ( الخب )

نوع الطعم

• دود الأرض
• النباتات الخضراء وخصوصاً الرخو منها مثل الأجزاء الخضراء الفاتحة بأعلى عود الذرة
• النجيلة الخضراء الرخوة

رقم السنارة

يفضل معها مقاس 7 أو 6

10ـ سمكة الكركور ( أبو ريالة )

نسبة إلى المادة المخاطية التى يفرزها بغزارة وهو من أرقى أنواع الأسماك مذاقاً

نوع الطعم

• دود الأرض

مقاس السن

• يفضل المقاسات الكبيرة مثل 7 و 6

11ـ سمكة البياض النيلي

نوع الطعم:

• دود الارض علي شكل عنكبة لا تقل عن 4 دودات للسن .
• مصران فراخ .
• سمكة صغيرة من نوعية الراي أو الأنوم , أو البلطي

مقاس الخيط

لا يقل عن 35 للترميل .

رقم السنارة

• سن كبير مقاس 1 مع المصران او السمكة .
• في حالة صيد الأنوم و البياض معا يمكنك استخدام سن7 مع العنكبة.

12ـ سمكة الرعاد

نوع الطعم:

• دود الأرض بلدى او نطاط علي شكل العنكبوت .
• مصارين الفراخ .

مقاس الخيط

• خيط ترميل مقاس 30 علي الاقل

رقم السنارة

• سن مقاس 7 او 6

13ـ سمك قشر البياض

مقاس الخيط

• 60

رقم السنارة

• مقاس 0/2 نرويجى
• عد وضع الرصاص والغماز المناسب تربط المصران وتقول بسم الله وترمى وتحاول تنزل لأبعد عمق لان القشر بيسرح فى العمق
• وأنسب صيد بيكون من بعد غروب الشمس وحتى الفجر وبين الظهر والعصر

The post الأسماك النهريه و الطعم المفضل و كذلك رقم الشعر و السنار appeared first on ملوك الصيد.

طبعا في احجام اكبر بكتير ممكن توصل 200 كيلو بس مشوفتش حد طلع الحجم دة كاستنج

الاسماك المستهدفة بالكاستنج :

• الساموس (قشر البياض )
• التايجر فيش (كلب الملوحة)
• البياض

اماكن تواجد الاسماك المهاجمة :

1- بحيرة ناصر:

نبذة مختصرة بس عشان الناس تفهم البحيرة

هي بحيرة صناعية فهي عبارة عن مياه ارتفعت منسوبها في غطت اماكن كتيرة حواليها حتي انها غطت جبال وخلتها جزر وغطت اماكن فيها صخور ضخمة بقت عاملة زي البلوكات اللي في اسكندرية وصلت لاماكن بعيدة بقت عاملة زي البحيرات الصغيرة الهادئة اللي مفيهاش حركة ف المية تماما عندنا في الصعيد بنسميها اخوار

السمك متواجد في جميع الاماكن في البحيرة دون تحديد لانه متواجد بكثرة

لكن افضل اماكن بيتكون تحت الصخور الكبيرة الغرقانة والاشجار الغرقانة ودا بيبقي موجود السمك المتوطن في المكان

و اماكن المياه المفتوحة والجارية اللي مفتوحة علي مجري النيل الاصلي دة بيبقي فيه السمك الغير متوطن ودة ممكن تلاقي فيها احجام ضخمة جدا بس مش دايما لانها بتبقي بتتنقل من مكان لمكان

2- النيل و الترع :

بيتواجد في اماكن تيار المياه القوية واغلبها عند مداخل ومخارج القناطر والهويس والسدود ومواتير دفع المياه في الترع بس لازم تكون سرعة المياة وشدتها واحدة متتغيرش لان اي تغير في شدة المياه عن طريق اغلاق منفذ من منافذ الميه في القناطر بيأثر جدا علي اكل السمك وممكن يطفش من المكان

اللورز المستخدمة في الكاستنج:

1-رابلات :

اغلبها تشتغل بجميع الوانها ومقاساتها بس الافضل للالوان اللامعة زي السيلفر والدهبي والفاتحة زي الاصفر والبرتقالي والاخضر والابيض والريد هيد بردو وانواع الكرانك بيت والاستيك بيت و المينو …الخ

2-السوفت :

ودة اقوي من الرابلات مع الساموس وبردو بيوقع كلاب وتحتاج طريقة لم اقل بطئ من الرابلات وبرده جميع الالوان بس اقواهم الي شبه الYellow Perch

3-المعالق :

ودي الاقوي مع التايجر فيش لانه بيجري ورا اي حاجة بتلمع وبرده بتوقع ساموس

4- عين كلب السمك :

ودي غريبة لناس كتير بس دي اقوي طريقة لصيد كلب السمك عن طريق اخراج عين كلب السمك بادخال صباعك من الخياشيم والضغط عالعين من جوة من غير ما تفقعها لازم تكون سليمة وتشكها في السن من الجلدة اللي خلف العين وتحدف وادعيلي

التوقيت الكاستنج :

تشتغل في جميع الاوقات نهار او ليل بس افضل وقت لنشاط السمك المهاجم من بعد العصر لحد ما الشمس تغيب والصبح من وقت الشروق لحد ما الشمس تعلي وتسخن يعني حوالي 8 صباحا

موسم الكاستنج

يبدأ من شهر مايو الي اخر شهر اكتوبر وممكن في الايام الحر في الشتاء

العدة المستخدمة في الكاستنج :

الماكينة :

ماكينة قوية وخفيفة مقاس 4000 او 5000 او 6000 بس تكون تروس قوية و دراج عالي مش اقل من 4 ك دراج

العود :

يكون قوي ومتين وخفيف يتحمل لشد السمك الغبي طول مش اقل من 240سم ومش اكتر من 350سم

الخيط :

بريد ميقلش عن 30 ليبرة و الليدر ميقلش عن 50مل او واير لان اسنان السمك ممكن تقطع الخيط

لكن انا مش بحبذ الواير لانه مكشوف وممكن استخدام المونو بس مش اقل من 50 او 60 مل علي المكنة بس البريد طبعا افضل

• اقرأ : الكاستنج في المياه العذبة || صيد سمك قشر البياض

The post الكاستنج في المياه العذبة (بحيرة ناصر) appeared first on ملوك الصيد.