ميزه هذه الانواع من الصيد الحديثة هى الوصول الي اماكن لا يمكن الوصول اليها بمختلف طرق الصيد كالجر فهى ليست نوع من انواع الجر او نوع من انواع الكاستنج او خليط بينهم

ولكن المهم انه من اكثر طرق الصيد اثاره و هذا ما يجعله مرتبط الي حد كبير بصيد الجيجنج و لتشابهه ايضا في الادوات فيما بينهما الي حد كبير مع الاختلاف انه الجيجينج طريقه من الجر تستهدف كل الاعماق

اما البوبينج مثلا يستهدف السطح فقط ولكن باسلوب مختلف عن الجر حيث ان هذا النوع من الصيد يتطلب مزيد من الاحترافيه من جانب و توجيه قائد المركب الي المكان المطلوب و ايضا احترافيه من جانب قائد المركب للوصول لهذه الاماكن دون تعريض المركب للخطر

كثيرا ما يكون ممارسه هذا النوع من الصيد بجانب الشعب المرتفعه جدا تحت سطح الماء او حروف الشعب او الشعب قليله العمق او البارزه من الماء او الصخور و الحطام ايضا الذي يكون بنفس المواصفات من ارتفاع تحت سطح الماء او اعماق متوسطه او بروزه ايضا من الماء

ولكن لا يوجد اي مانع من الصيد بهذه الطريقه في المياه العميقه اذا توفرت اسماك علي سطح الماء او قرب السطح و كان ذلك معلوم و الاسلوب المتبع 

المميز لهذا النوع من الصيد هو ايصال الطعم الي اماكن تواجد الاسماك دون دخول المركب الي هذا المكان هذا يؤدي الي نتائج اكثر وذلك لدواعي عدم قدره المركب علي الابحار في مكان تواجد الاسماك نظرا لتضاريس المكان او ايضا حتي لا تقتحم المركب تجمعات الاسماك مما قد يؤدي الي تشتيت التجمع خصوصا ان السمك المستهدف اسماك السطح و هي الاقرب تواجد بالنسبه للمركب

و بعيدا عن كل ذلك هذا النوع من الصيد يحتاج في المقام الاول الي فهم و حرفيه شديده من جانب ريس المركب و معرفته الكامله بالمكان و تقبل التوجيهات و التفاهم بينه و بين الصياد و القدره علي المناوره بالمركب و سرعه تطبيق توجهات الصياد في حاله الحاجه الي الخروج بالمركب لسحب السمكه من منطقه الشعب و غالبا مايمارس هذا النوع من الصيد من اقرب الاماكن في المركب لمكان تواجد الاسماك و غالبا ما يكون هذا في اعلي مفدمه المركب

و لدواعي السلامه لاينصح بتواجد احد بجانب من يبقوم بالصيد لمسافه امنه و من دواعي السلامه ايضا مراعه حركه الريح و التيار من جانب الريس في حاله التواجد بالقرب من الشعب و الصخور حتي لا تنجرف المركب اليها و بقا محركات المركب دائما في حاله الدوران اهم الاماكن بالنسبه لصيد فوق التضاريس المرتفعه هو مكان وجود الفوران و هو غالبا ما يكون به الاسماك المستهدفه اي المكان الذي به تضارب الامواج من اتجاه المياه العميقه او طرف الجرف

و يبدا الصياد بالحدف في اتجاه الشعب و اللم و ياتي هنا دور الطعم حيث يتميز الطعم في هذا النوع من الصيد بمميزات غير موجوده في انواع الصيد الاخري من استفزاز للسمكه باصدار اصوات في الماء و فقاقيع تستفز الاسماك و تحسها علي مهاجمتها و لذلك هذا الصيد بهذا الاسم كنايه الي ما تصدره الطعوم فيه من فقاقيع و اصوات خلفها و تلفت هذه الطريقه الاسماك في منطقه الصيد في ومحيط يصل الي 500 متر و عمق يصل الي 25 متر

و يكون الظن الغالب لدي الاسماك القادمه من مسافه انها عمليه هانتنج او قرص ايه ان هذا المكان به غزاء لها و كلنا يعرف شكل هذه الطعوم المميز بمقدمته المقعره للبوبر او الستيك بيتس التي تشبه الي حد كبير طعوم التروليج ولكن بدون دفه للغطس

الادوات المطلوبه لهذا النوع من الصيد

الفيبر (القصبه)

هو مختلف قليلا ولاكنه اقرب ما يكون بفيبر الجيجنج من حيث الخامات و الشكل ولكنه هناك اختلاف فيما بينهم من حيث الطول لان البوبيج يحتاج لفيبر طويل قليلا بالمقارنه الجيجينج و غالبا ما يكون طول الفيبر يتراوح بين 2 متر او اكثر قليلا ولابد ايضا مثله مثل الجيجنج ان يتوافر فيه عنصري القوه و خفه الوزن و يبرر هذا الطول للتمكن من ان يكون طرف الفيبر اقرب ما يكون من سطح الماء خصوصا ان مقدمه المركب و هو المكان المعتاد لهذا الصيد يكون مرتفع

لذلك لابد من فيبر طويل قليلا لتعويض هذه المسافه الي اسفل و حتي يحقق البوبر النتيجه المطلوبه و الشكل المطلوب في الماء و اثناء اللم و ايضا استهلاك اكبر مساحه ممكنه في الماء اثناء اللم و تاتي الفيبر من قتعتين في الغالب او اكثر ولكن لايفضل اكثر من قطعتين و يكون مدون عليها كل البياتان المتطلبه لاختيار الخيط و اوزان الطعوم القادره علي حدفها و بعكس الجيجينج الذي يكون مدون علي الفيبر وزن الجيج المتوافق فيبر البوبيج تاتي بوزن الكاست او الحدف المتوافق معها و ينصح بعدم مخالفته لعدم تعريض الفيبر للتلف

أهم ماركات القصبات المناسبة للبوبينج

– Daiwa Saltiga
– Souls Performance 16, 7′ 5″ pe12 rod
– OTI “Tuna Sniper”
– Lemax Popping Rod
– Ajiking “Italy Pop”

• ماذا تعرف عن قصبة البوبينج

الماكنيه

هذا النوع من الصيد يحتاج الي ماكينه سريعه الي حد كبير اي ان عدد لفات المكنه بالنسبه للفه الذراع لابد ان تكون سريعه و ذلك بعكس الجيجينج الذي يفضل ان اتكون الماكينه متوسطه السرعه و تبلغ سرعه لف الماكينه في بعض المويلات المخصصه للبوبينج 6.2 لكل لفه من الذراع

اما باقي مواصفات المكنه بعيد عن السرعه فهي متطابقه تماما مع الماكينه المطلوبه للجيجينج من حيث الحاجه لمكنه قويه و خفيفه و متزنه و قدره الفرامل عاليه جدا اما الهدف من تطلب ماكينه سريعه لهذا النوع من الصيد هو الحصول علي اكبر قدر من لفت الانتباه بواسطه الفقاقيع و الاصوات الصادره من البوبير و ايضا حتي لا تتاح الفرصه للسمكه من تامل الطعم و التعرف عليه

أمثلة للمكن المناسب للبوبينج

– Shimano “Stella”
– Daiwa “Saltiga”
– Ajiking “Wahoo”
– Van Staal VS275

https://cdn.pechextreme.com/15802-large_default/PX3597-9.jpg

البريدد لين

البريدد هو ايضا في البوبينج الاساسي لعمليه الصيد و ذلك لما يوفره من قله الحجم بالمقارنه بالقوه حيث انه يوفر اقوي و اكبر كميه خيط لاقل مساحه ولابد ايضا كما تعرفنا من قبل ان يكون الخيط المستخدم متوافق مع الفيبر

• عيوب ومميزات خيوط البريد وأهمية أستخدامه

الليدر

يفضل الليدر الفلوروكربون و هو مهم ايضا هنا و ذلك ليشكل نقطه ضعف في حاله وصوله الي اعلي الشعب و عدم استطاعه تخليصه منها و ايضا لامتصاص الضربه للسمكه بقدر الامكان و التي تكون في هذا النوع من الصيد الاقوي و الاكثر متعه علي الاطلاق و ذلك لكون السمكه بكامل طاقتها دون وجود اي عوامل من ضعط الماء و خلافه لاجهاد السمكه او التقليل من قوه الهجمه و و و اخيرا اهم الفوائد بالنسبه لوجود الليدر هو لعدم القدره علي رؤيته طبعا نقطه الوصل بين الليدر و البريدد بنفس الطرق المتبعه في الجيجينج دون اختلاف

البوبير

و هو الطعم المستخدم و الذي يميذ هذا النوع من الصيد من حيث الشكل و الوظيفه حيث انه كما ذكرنا يحدث خلفه اصوات و سرب من الفقاقيع تؤدي الي استفزاز الاسماك القريبه منه و هناك الكثير من الاشكال و الاوزان و الاحجام من هذه الطعوم وبالنسبه للبوبر كلها فلوتنج اي انها تعوم ولا تغطس

• كل ماتريد معرفته عن البوبرزPoppers

الستك بيتس

اما الستيك بيتس فيوجد منها فلوتنج يعوم و يوجد ايضا سنكينج يغطس و غالبا تكون الطعوم مصنوعه من الخشب او البلاستيك و مغطاه بالوان مختلفه و جذابه و تكون في الغالب مصحوبه بعدد 2 تريبل هوك كما في ربلات الجر و لكن لابد من ان تكون قويه جدا لذا ينصح بتغير الهوكات المصاحبه للبوبر و استخدام اخري من نوع اونر و ايضا غالبا تحتوي علي مداور مدفونه في جسم البوبر نفسه في اغلب الموديلات و عند اختيار البوبر الطعم لابد من ان يكون متوافق من حيث الوزن علي قدره الفيبر علي الحدف لتحقيق اكبر مسافه ممكنه و الحفاظ علي الفيبر

• رابلات ستيك بايتس Stick Baits

الاسماك المتوقعة من صيد البوبينج

اهم الاسماك التي يستهدفها هذا النوع من الصيد هو جرم البياض

المهتمين بهذا النوع من الصيد يجوبون البلاد بحثا عنه و ذلك للقدر الكبير جدا من المتعه التي تحدث اثناء صيده بطريقه البوبينج

الامر الذي جعله مقترن بصيد البوبينج في كثير من الاحيان

ولكن ليس الجرم بياض فقط هو الذي نستطيع الحصول عليه بهذه الطريقه هناك الكثير من الاسماك التي تصاد بالبوبينج مثل البياض و الدراك و الانش و الحصان و التونه بانوعهاو البركوده و الكثير من الاسماك خلاف ذلك

تعليمات عامه اثناء الصيد

• ارتداء جونتي و حزام جر
• تغير الاشكال و احجام البوبر في حاله عدم دخول الاسماك او التوصيل
• ضبط فرامل الماكنه و اختيار مركب تجعلك قادر علي الوقوف علي مقدمتها بامان و اخز مسافه كافيه و امنه بين الصيادين

The post كل ما تريد معرفته عن تقنية ” البوبينج Popping ” في صيد السمك appeared first on ملوك الصيد.

صيد الجيجنج

صيد الجيجنج هو طريقة صيد رأسي من علي مركب او بارجات بترول وهو يحتاج الأتي :

اولا

مكنة حديثة قوية انتي ريفرس يكون وزنها خفيف وقوية ونحط عليها بريد حوالي ٣٠٠ متر وفي نهايته حوالي ٢ متر ليدر مقاس ٨٠ او ٧٠ اصلي علشان يساعد علي عمل سوستة اثناء شد السمكة

ثانيا

علشان لون النايلون مايلفتش نظر السمكة نيجي بقي للجيجات اللي هي اساس الصيد بتبقي الجيجاية وزنها من ١٠٠ جرام الي ٣٠٠ جرام وممكن اكثر وبتتربط ربطة معينة بحلقات مخصصة ليها وبيبقي نازل من عند راسها سلاحين مقاس 0/9 مثلا او اصغر بطريقة معينة

بنربط الحلقة اعلي الجيجاية في نهاية طرف الليدر وبندأ الصيد بنسقط الجيجاية لاسفل القاع ونلم بطريقة معينة ننتش ونسيب وطبعا بنكون فاتحين الدراج بتاع المكنة علي حسب قوة البوصة والبريد ونفضل ننتش ونلم بحيث تكون حركة الجيجاية زي سمكة طالعة من القاع الي اعلي

اول مانحس بأننا مسكنا في سمكة نبدأ نتعامل معاها بطريقة صحيحة وده طبعا شرح اولي ومبسط وفيه خبرا في الجيج كتير ممكن يوضحوا زيادة عني

صيد الكاستنج

الكاستنج هو المخايلة واتسمي مخايلة لان شغل الكاستنج كله بيعتمد علي مخايلة السمك ولفت انتباهه لحركة اللور

الكاستنج وهو طريقة صيد بالسمك الصناعي بطريقة افقية

بمعني اولا يكون معاك بوصة خفيفة وقوية طولها من ٣متر الي ٤ونص وممكن ٥ حسب المرمي والبلوكات اللي انت واقف عليها

المكنة تكون قوية وخفيفة مقاس ٤٠٠٠ او اقل او اكثر المهم تكون خفيفة وعليها بريد من مقاس ١٨ الي مقاس ٢٨ حسب موسم السمك

في نهاية البريد بيبقي فيه ليدر حوالي متر ونص وفي نهايته مدور مشبك لسهولة تعليق اللور وتغييره

نبدا نرمي لابعد مسافة ونلم بطريقة مناسبة للكاستنج بحيث حركة اللور تشابه حركة الاسماك وطبعا مقاس اللور بيبقي من ٥سم حسب نوع السمك

لو قاروص صغير يبقي اللور ٥سم و٧و٩و١١سم

لو موسم مياس صغير يبقي من٩سم الي ١١سم

لو مياس كبير يبقي اللور من ١١سم الي ١٨سم

لو المكان اللي بنصطاد في عميق بتستخدم رباللات غاطسة

لو المكان مش عميق بنستخد رباللات عايمة

طبعا الشرح بيطول اكتر من كدة بكتير سواء في طرق الجيج او طرق الكاستنج ولكني اختصرت الكلام

صيد الترقيد

الترقيد ده ممكن يبقي في البحر وممكن يبقي في العزب والنيل لان كلمة ترقيد يعني برمي الطعم وبسيبه يعمي ارقده لحد مايشده سمك

طبعا ده بيعتمد علي عود قوي جدا مش مهم وزنه لاني كدة كدة برقده ومكنة قوية كبيرة عليها خيط من ٥٠ الي ٨٠ حسب نوع وحجم السمك المستهدف

لو السمك اسنانه حامية زي المياس بنحط بعد الثقل ٢٥سم واير مربوط فيه سلاح مناسب لحجم السمك مقاس من 0/4 الي 0/9

ونطعم سمك ممكن حية وممكن ميتة وساعات بيسموه تسليك علشان كان زمان بدل الواير سلك صلب بيتربط فيه السلاح ولو في النيل ممكن كركور حي او بلطية او كتكتوت حسب المكان والسمك المستهدف

الصيد بالبوبنج

البوبنج أيضا صيد افقي ولكن شكل اللور بيختلف بيبقي اللور اوزان مختلفة من ١٠ جرام الي ٦٠ جرام مقاسات من ٧سم الي ٣٠سم حسب نوع السمك المستهدف

شكل البوبرات بيختلف عن الرباللات وبيبقي كله عايم

يعتمد صيد البوبنج علي لفت انتباه السمك الهجام بالطرطشة علي الماء مع اكشن حركة البوبرات زي السمكة الدايخة بالضبط

بيحتاج مكنة تكون خفيفة وقوية وعليها بريد مقاس من ٢٥ الي ٤٠

الجير ريشيو بتاعها يكون اعلي من مكنة الكاست علشان تكون سريعة وعود يكون طول من ٢٧٠سم متر الي ٣٦٠سم ويكون قوي وخفيف

نختار مكان للصيد بالبوبرات عالاسماك العايمة مثل المياس والقاروص وجرم البياض والتونة وغيرهم من الاسماك العايمة

غالبا بيكون جنب جزيرة او صخور عالية وفيها رغوة وتقليب موج ونبدأ نرمي ونلم بدون توقف لحد ماتتمسك البوبراية وابدا اعشق الهوكات فيها بطريقة النتش بالعود

و اسف عالاطالة ويارب اكون وصلت للسائلين المعلومات المستعلم عنها

The post معني طرق الصيد بالجيجنج || الكاستنج || الترقيد || البوبنج appeared first on ملوك الصيد.

الصيد فى البحر الاحمر خصوصا الشاطىء مختلف بشكل كبير جدا عن البحر المتوسط من حيث العده المستخدمه وشكل الترميل و السمك المستهدف وان كان قريب بعض الشىء من البحر المتوسط فى انواع الطعوم

اولا :- العده المستخدمه

قبل ما نتكلم عن العده المستخدمه لازم ناخد بالنا من نقطه مهمه جدا وهى طبيعه المكان اللى هقف اصطاد منه هل هى شعب مرجانيه ولا صخور ولا ارض رمليه …

طيب كده احنا اتكلمنا عن شكل القاع

برضه لازم نعرف هل معامل المد والجزر بياثر بشكل مباشر على المكان اللى انا واقف فيه ولا لا لان فيه بعض المناطق بنلاقى ارتفاع البحر فى المد عند الشاطىء متر ونص مثلا واثناء الجزر بنلاقى قاع الارض ظهر قدامنا على مسافه ممكن تصل ل 300 متر

طيب انا كده استفدت ايه ؟؟؟؟؟

اقولك انا ..نستفيد ان لو المد و الجزر بياثر بشكل مباشر وان العمق متساوى لمسافه 300 متر مثلا حوه البحر يبقا لما اشوح على بعد 50 هىهى زى لما اشوح 200 متر لانه نفس العمق …اذا طول العود ممكن يقصر شويه ويبقا 360 متر مثلا..

اما لو الغرق قريب من الشاطىء وكل خطوه لجوه هتفرق فى العمق يبقا اشتغل باطول عود اقدر اتعامل معاه ونقول مثلا 450 متر لان ال 5 متر السيطره عليه بتبقا صعبه شويه اثناء التشويح

بالنسبه لشكل القاع بيفرق معايا اذا كان صخور او شعب او رملى فى شكل وقوه المكنه المستخدمه وطبعا ما يليها اللى هو الخيط والرصاص

طيب نقدر بعد الكلام الكتير ده كله ان العده بتكون 

ارض عمقها قليل وقاعها وعر:-

عود 360 مثلا كاست ويت من 30-80 جرام لاننا منقدر نزود وزن رصاص اكتر من كده عشان الوعر وكل ما الوعر يبقا كتير كل ما بضطر اقلل وزن الرصاصه وبستخدم رصاص بلحه رفيع عشان نسبه وعره قليله
مكنه سبيننج حله طويله ومش شرط تكون حجمها كبير لانك بتتكلم عن عمق اسر يعنى مش كبير

خيط من 30-40 اساسي ويفضل يكون مضاد للاحتكاك anti abrasion

طبعا السن حسب السمك المستهدف لكن انا عن نفسي بفضل مقاسات بين ال 5-8
شكل القرمه سهل جدا وهو رصاصه حره وتحتها مدور وخيط رمال اقل فى التخانه طبعا طوله 70 سم والسن

او مدور ثلاثى ونركب عين فى الخيط الاساسي وليكن 40 مم وعين نركب فيها رمال طوله 30 سم ويكون اقل من الاساسي 25 مم ويركب فيه الرصاصه والعين الاخيره للمدور نركب فيها رمال طوله 70 سم ويكون 30 مم للسن

والفكره هنا ان معظم التوعير بيكون سببه الرصاصه ولو صادف ووعرت منك وانت معاك سمكه لو شديت بزياده اول حاجه هتقطع هو خيط الرصاصه بحكم انه كده اضعفهم وبكده السمكه مش هتروح منك

واخر فكره دى قصتها طويله شويه واننا بنعمل قرمه عاديه جدا زى الاولى لكن بنركب سوسته قبل الرصاصه بحيث لو الرصاصه وعرت نعمل ايه .. نشد الخيط شده بسيطه ونسيب هنلاقى السوسته بعدت الرصاصه لوحدها عن الوعر

طيب ولو ارض عمقها كبير وقاعها وعر :-

كده ممكن نزود فى طول العود شويه عشان نقدر نوصل لاقصى عمق ممكن ونزود حجم المكنه لان السمك المستهدف هيبقا احجامه اكبر

ممكن نعمل اى قرمه من اللى شرحناهم وهنزود عليهم شكل اخير وهو اننا نركب الدور زى ما الصيادين المخضرمين بيقولو … طيب ازاى ؟؟

نركب فله حجمها كبير شويتين وتحتها مباشرة رصاصه 30 جرام مثلا او اكبر حسب ما الفله تقدر تشيل ونشوف العمق قد ايه ولو هو مثلا 5 متر نعمل وش تحت الرصاصه 4 متر مثلا بالسن بتاعنا بحيث لو اى سمكه اكلت نلاحظ احنا من الفله قبل هى ما تلحق تاخد الطعم وتدخل الوعر

احب اضيف اننا فى البحر الاحمر ممكن جدا نستخدم البريد فى التشويح لسببين هما ان البحر الاحمر تياراته وامواجه اقل بكتير من المتوسط والسبب التانى ان الريح بتكون اقل سرعه عن البحر المتوسط وبالتالى نسبة الكعبله للبريد او wind knots اقل

وبكده قدرنا نطلع بمعلومه مهمه جدا وهى ان الكاست ويت للعود مختلف تماما عن المستخدم فى البحر المتوسط بحكم ان البحر الاحمر معروف بكثرة الوعر والشعب المرجانيه

وان المكنه مش لازم تكون حجمها ضخم فى المقاس وان اهم شىء انها تكون قويه لان الله اعلم طبعا حجم السمك اللى ممكن يطلع

انواع الطعوم فى البحر الاحمر متشابهه بشكل كبير مع البحر المتوسط لكن بيزيد عليها ان الكاليمارى وهو ملك الطعوم فى البحر الاحمر وبيستخدم فى البحر المتوسط كطعم لكن ملوش شعبيه البحر الاحمر بين الاسماك

• بقلم كابتن / Eslam Aiop

The post معدات صيد الشاطئ في البحر الأحمر appeared first on ملوك الصيد.

1- الوزن :

وزن البوصه للزم يكون خفيف و نسبة الكاربون عاليه لأنك هتفضل ترمي البوبر طول اليوم و مع بوصه وزنها تقيل هتتعب علي طول .

2- وزن البوبر

بنحدد وزن البوبر أو ال bait cast and swim cast أللي هنستخدمها في البوبينج و لازم يكون البوصه بتكافئ الوزن ده .

بمعني أنك هتلاقي علي البوصه مكتوب lure weight 50-100 GM (وزن البوير)
بمعني أنك هتستخدم معاها بوبر في رينج الوزن ده .

3- قوة الخيط المستخدم :

مثلاً هتلاقي مكتوب علي الROD
Line Rating 80 LB أو PE4-6
بمعني أنه هيتم أستخدام خيط بقوة 80 ليبره معاها . أو الخيط ميذدش ولا يقل عن 4-6 Pe

4- الطول :

طول الrod مهم جداً في البوبينج و علي عكس الجيجنج بنفضل الrod الطويل في البوبينج و يا ريت الا يقل عن 240 سم و طبعاً

5- drag rating :

يفضل أنك تكون عارف قوة تحمل الrod عشان تكون منظومتك صح و متذودش الفرامل عن قوة تحمل الrod .. بس متلقلش من النقطه ده أوي عشان أعلب الpopping rods بتكون قوتها عاليه جداً و بالذات عن زاويه 60 درجه .

6- حلقات الROD

لأنك في البوبينج أيضاً حتماً ولابد من أستخدام البريد فلازم تكون حلقات الROD من ماده مقاومتها عاليه للبريد زي الجيجنج ..

طبعاً الموضوع ده بتعرفوا لما بتشوف موصفات العود علي الأنترنت أو يكتفي أنك تعرف أن الحلقات من نوع مشهور زي Fuji أو Alps .

7- مكان تركيب الماكينه Reel Set :

.. يفضل انه يكون قوي و يقدر يتحمل و طبعاً في بعض العيدان بتنزله من مركات مشهوره ذي Fuji شأنه شأن عيدان الجيجنج .

8-أكشن العود Rod action :

أغلب عيدان البوبينج بتكون Medium Action . لأن عيدان البوبينج طويله علي أنها تكون slow و مش هيساعد بي باور الحدف

ماركات العيدان المناسبة للبوبينج

– Daiwa Saltiga
– Souls Performance 16, 7′ 5″ pe12 rod
– OTI “Tuna Sniper”
– Lemax Popping Rod
– Ajiking “Italy Pop”
ـ sure catch

أما ماكينات البوبينج فبتكون سريعه و الفرامل دخلها واشرز كاربون و جودتها عاليه والحله بتكون مصنعه من مواد تقلل الأحتكاك بينها و بين الخيط لسهولة الرمي . غير طبعاً أنها بيكون فيها أنتي ريفيرس

أمثلة للمكن المناسب للبوبينج

– Shimano “Stella”
– Daiwa “Saltiga”
– Ajiking “Wahoo”
– Van Staal VS275
وكل هذا على سبيل المثال لا الحصر !!

The post كل شئ عن صيد البوبينج Popping || قصبة البوبينج appeared first on ملوك الصيد.