تعتبر من الأسماك ذات الأهمية الاقتصادية الكبيرة للاستهلاك المحلى والتصدير حيث تعتبر من الأطباق الفاخرة فى مصر ومن الأطباق التقليدية فى أوربا واليابان .

يعتبر ثعبان السمك الحنش من ألد أعداء استاكوزا المياه العذبة التى تصيب المزارع السمكية
وتسبب أضرار كبيرة فيقوم ثعبان السمك (الحنش) بافتراس صغارها والقضاء عليها.

الحنشان تعيش فى الطين فى قاع الأنهار والجداول والبحيرات ولكن عادة ما تكون ليلية ومدفونة في الوحل خلال النهار

• اقرأ : طرق المحترفين لصيد ثعبان السمك ( الحنشان )

درجة الحرارة المفضلة هي 19.0 ° C.

و في الشتاء تدفن نفسها في الطين

ثعبان البحر – سمكه الحنشان common eel

تعيش فى البحيرات الشماليه فى مصر و تقضى حياتها فى المياه العذبه و فى مياه البحر و تفرخ هذه الاسماك فى شهر فبراير من كل عام

وهى من الاسماك المفترسه وتأكل الكائنات الحية والقاعية والاسماك الصغيرة

موسم صيد ثعبان السمك :

يظهر ثعبان السمك او الحنش في الشتاء
ويمكن صيده ليلا في الأيام شديدة البرودة 
ويفضل فى اليالى الغير مقمرة والتى يكون فيها الظلام دامس و بها امطار غزيره

توقيت صيد الحنشان

افضل اوقات للصيد يكون من بعد غروب الشمس الى الفجر

طريقة صيد ثعبان السمك :

حداف.. غماز

الادوات المستخدمه

• الماكينة خيط 40
• الرمال 35
• الوش قصير يعني 30 او 25 سنتي
• السنار المستخدم 5-6 -7 ملوي

اغلبيه صيدة باالحداف

اماكن تواجد ثعبان السمك :

يسكن فى الأماكن التي بها حجارة وينتشر في جميع انواع المياة
ويسبح دائما فى عروق المياه
و تكون عبارة عن مياة متوسطه السرعه
ومش حامية اوي بس تلاقي زي عرق او اكتر من الميه (خطوط مياه اسرع من باقي المياه) او بمعنى اخر تيار قوي وسط تيارين هادئين

الطعم المستخدم في صيد الحنشان:

دود االارض ممكن تحط طعماية او اثنين كبار
وبيدخل احيانا على المصران
واحيانا شر البلطى الصغير

بعض اماكن صيد الثعبان

1- الرياح التوفيقى
2- بعض الاماكن فى ترعه الاسماعيليه
3- بعض الترع فى القنطرة غربا وبورسعيد
4- تحت الكبارى المعينه فى نهر النيل

The post ثعبان السمك ( الحنشان ) و طريقة صيده appeared first on ملوك الصيد.

نوع الطعم

• دود الارض
• الريم الاخضر

مقاس الخيط 

• 20 او 25

رقم السنارة

• 10

2- سمك الشيلان

نوع الطعم

• دود الارض

مقاس الخيط

• 35

رقم السنارة

• 16

3- سمك البياض

نوع الطعم

• دود الارض
• مصران الفراخ الرفيعة
• حشرة الصرصار المنزلى

مقاس الخيط

• 30

رقم السنارة

• 16

4- سمك الثعبان النيلى

نوع الطعم

• دود الارض لكن يوضع كامل
• سمك الراى الصغير

مقاس الخيط

• 35

رقم السنارة

• 15

5- سمك الانومة

نوع الطعم

• دود الارض

مقاس الخيط

• 35

رقم السنارة

• 10

6- سمك البنى

نوع الطعم

• ثمار العنب البناتى لكن الصغير جدا
• العجين (خبز نصف سوى مخلوط بزيت الطعام وتكون متماسك)

مقاس الخيط

• 30

رقم السنارة

• 10

7- سمك القراميط

نوع الطعم

• مصران الفراخ
• العجينة السابق ذكرها مخلوطة بالدماء

مقاس الخيط

• حرير 4 فتلة

رقم السنارة

• 16

8- سمك الشلباية

نوع الطعم

• العجينة

مقاس الخيط

• 25

رقم السنارة

• 10

9ـ سمكة المبروكة ( الخب )

نوع الطعم

• دود الأرض
• النباتات الخضراء وخصوصاً الرخو منها مثل الأجزاء الخضراء الفاتحة بأعلى عود الذرة
• النجيلة الخضراء الرخوة

رقم السنارة

يفضل معها مقاس 7 أو 6

10ـ سمكة الكركور ( أبو ريالة )

نسبة إلى المادة المخاطية التى يفرزها بغزارة وهو من أرقى أنواع الأسماك مذاقاً

نوع الطعم

• دود الأرض

مقاس السن

• يفضل المقاسات الكبيرة مثل 7 و 6

11ـ سمكة البياض النيلي

نوع الطعم:

• دود الارض علي شكل عنكبة لا تقل عن 4 دودات للسن .
• مصران فراخ .
• سمكة صغيرة من نوعية الراي أو الأنوم , أو البلطي

مقاس الخيط

لا يقل عن 35 للترميل .

رقم السنارة

• سن كبير مقاس 1 مع المصران او السمكة .
• في حالة صيد الأنوم و البياض معا يمكنك استخدام سن7 مع العنكبة.

12ـ سمكة الرعاد

نوع الطعم:

• دود الأرض بلدى او نطاط علي شكل العنكبوت .
• مصارين الفراخ .

مقاس الخيط

• خيط ترميل مقاس 30 علي الاقل

رقم السنارة

• سن مقاس 7 او 6

13ـ سمك قشر البياض

مقاس الخيط

• 60

رقم السنارة

• مقاس 0/2 نرويجى
• عد وضع الرصاص والغماز المناسب تربط المصران وتقول بسم الله وترمى وتحاول تنزل لأبعد عمق لان القشر بيسرح فى العمق
• وأنسب صيد بيكون من بعد غروب الشمس وحتى الفجر وبين الظهر والعصر

The post الأسماك النهريه و الطعم المفضل و كذلك رقم الشعر و السنار appeared first on ملوك الصيد.

الطلعة :

هي رحلة صيد .

الدور :-

هو مكان الصيد .

الدور شغال :-

يعني مكان الصيد السمك فيه بياكل والامور كويسه

بياكل على داير الفله :

يعني السمكه بتاكل الطعم بشراسه مع كل نزول الطعم للماء

الدور مريح / أو ممنع

عكس الدور شغال – يعنى السمك ممتنع عن الأكل

فرشه :

مكان معروف لتجمع السمك فيه .

الكنة :

هي مصطلح بحرى عن المكان الذى تكن فية المركب لفترة غالبا ما يكون خالى من الرياح والامواج و بعيدا عن ممر ملاحى للمراكب الاخرى وبيكون مناسب لتجمع الاسماك والصيد

العود :

هو البوصة / الغابة / القصبة

الترميل :

يعني ربط (السنون) هلب الصيد في في خيط

الرمال بيكون عبارة عن  ( السن + العقدة بتاعته )

يرمل السن :

يعني يربط السن في الخيط

يرصف السن:

هو مصطلح صعيدى للترميل

الوش :

يعني قطعة الخيط التي تضم السنون / أي انه أخر قطعة من الخيط حيث تضم الرصاصة و المدور و السنون

رابية سمك :

ميعاد اكل السمك

جرابندينه :

يعني شنطة كبيرة اللي بنضع فيها عدة الصيد

البِنسَة :

أداة معدنية لها فم مدبب يشبه التمساح تستخدم لتخليص السن و شد الخيط بعد ريطه و التعامل مع الأسماك الخطيرة

الواير :

هو سلك معدنى مجدول مغطى بطبقة عازلة مخصص وملائم لظروف البيئة البحرية و يستخدم للأسماك ذات الأسنان

الوجلة :

هي عصاه في نهايتها سن معدني على شكل هلب لرفع السمكة الكبيرة من الماء

الجدالة :

بتكون عبارة عن جيب شبكي على شكل حلقة أو مثلث مثبت على عصاة لرفع السمكة الكبيرة من الماء

ملقاف :

بتكون عبارة عن حلقة ذات زراع مزودة بشبكة لرفع الاسماك من الماء

التَقَل :

 وهى الرصاصة التى تساعد فى تغطيس الخيط

لبارة :

عبارة عن طعم صناعى مشابة للطبيعى

الخية :

بتكون عبارة عن عُقدة في خيط المكنة الرئيسى بعد الرصاصه يتم ربط خيط السنار فيها

المدور :

هي البديل المعدني للخية

عصفورة المكنة :

هي فرامل المكنة التي تسمح للسمكة بسحب الخيط و الجري

حداف :

بيكون عباره عن بكرة فلين أو خشب ملفوف حولها خيط سميك للتسقيط .

و يستخدم لحدف الطعم لمسافه ابعد داخل المياه للوصول الى اعماق اكبر واستهداف ألاسماك الكبيره

اللنسة :

مثل الحداف و لكنها عبارة عن حلقة بلاستيك

المشبك :

هو قطعة من الصلب القوى أو سبيكة من عدة معادن تشبه شكل مشبك الأوراق لوصل الخيوط أو المداور أو الرابلات

اللبلوب :

هو طرف البوصة او عود الصيد الدقيق

الغمازات :

هي العوامات

الفوسفورة :

هي قطعة بلاستيكية صغيرة داخلها مادة كيمائية تعطى ضوءاً عدة ساعات و لها عدة أستخدامات

الهلب:

هو سن للصيد ثلاثى او ثنائى و يستخدم كثيرا فى لطش السمكة من اى جزء اذا لم تبلع الطعم

الطراحة :

هي شبكة على شكل دائرة مثبت في محيط الدائرة رصاص لصيد من على البر أو من على ظهور القوارب و الفلايك

سبحة التسقيط  :

هى عدد السنون المربوط في العمود ، ويصل إلى 15 سن في صيد الغزيلة

مشففة :

وصف يعبر عن عدم بلع السمكة للطعم ولكنها تزال معلقة من شفتها السفلى او فى طرف الحلق العلوى بالسنار .

البوش :

هو الجزء من الخيط الغير مشدود والذي يجب لمه عشان تشعر بتنقير السمكة

مسك الفله :

ايقاف الفله فى مكان معين مع وجود تيار شديد .

البحر مِنَوْرَس :

البحر مليء بامواج صغيرة بيضاء وكأن المياه عليها طائر النورس .

المية حامية :

سرعة التيار عالية .

الميه منمله :

سرعتها ابط من المياه الحاميه وتمشى ببط

الميه مشخشخة :

تطلق على المياة عندما تتحرك خفيفا بتاثير الالريح الخفيف .

المياه واقفه :

خاليه من التيارات ولا تتحرك

بق السمكة اتشرم :

يعني فم السمكة اتشرم (اتقطع) بمعنى أن الخيط أو السن قطع فم السمكة

أشكم السمكة :

يعني جذب الخيط بقوة لضمان غرس السنار في فم السمكة .

السمكة بالعة :

السمكة واخدة السن وبلعاه . 

السمكة فرغت :

يعني كانت جيه معاك و ووقعت او تركت الطعم / يعني كانت جيه معاك و هربت في السكة.

شَرَّق السمكة :

هي عملية سحب السمكة و مراوغتها مدة طويله حتى تبتلع كثير من الماء لضمان إستسلام السمكة

اللطش – التشميط :

هو طريقة لأصطياد الأسماك بدون رغبتها فى الأكل عن طريق سن ثلاثى أو رباعى كبير مربوط بثقل ليتم غرزه فجأة فى جسم السمكة

السمك بيعَلِّم :

يعني السمكة بتظهر علامه على وجودها فى الماء (زي انها تقرب من سطح الميه)

تزفير الدور :

هو محاولة جذب الأسماك أو ضمان بقائهم فى مكان الصيد برائحة الطعم المفضل للسمك .

فترة تمنيع :

فترة الظهيرة و توسط الشمس في السماء حيث أن السمك لا يأكل في هذا الوقت .

المرايه :

وهى مخصصه للصيد بالغله.. وعبارة عن القاء قبضه او قبضتين من الغله على جرف الترعه لتجميع السمك لمكان الصيد.

• والأن :: للمحترفين || أهم مصطلحات صيد السمك

The post للمبتدئين || أهم مصطلحات صيد السمك appeared first on ملوك الصيد.

يعني الـ3فااااازززز يعني الڤولت العالي يعني كوارع البحر 💪💪😂

وبما أن موسم صيد الحنشان من الشهر القادم بإذن الله اليكم بعض المعلومات المجمعه عنه وعن صيده
( ثعبان السمك/ السمك الثعبان / الحنشان)

وهو من السمك المفترس ويأكل الديدان و الكائنات الحية والقاعية والاسماك الصغيرة يعني ممكن تجيبه بالشرايه

موسم صيد ثعبان السمك

يظهر ثعبان السمك في الشتاء وممكن يغلط في الصيف

لكن موسم الحنشان من اخر شهر 11 الى شهر 3

ويفضل صيده ليلا في الأيام شديدة البرودة يعني في النوات

ويفضل فى الليالى الغير مقمرة والتى بيكون فيها الظلام دامس

ويا سلام لو فيها امطار يبقى جو عسل وهيهدخل عليك بشراهه

العده المستخدمة لصيد الحنشان

• الماكينة عليها شعر او خيط 40 والرمال 35
• الوش قصير يعني 30 او 25 سم
• السن المستخدم 7 او 6 او 5

طريقة صيد الحنشان 

الشغل حداف و غماز

ولكن يفضل الحداف لانه بيسف من على الأرض

ولو شغال غماز اكسر الغماز يعني خلي الرصاصه على الأرض ومتمشيش الغماز يعني طول الغماز مترين وارمي جوه واسحب عليك بحيث يكون الرصاص والوش في الغويط والغماز عليك بيدخل عليك اسرع

رصاص الحداف على حسب سرعه المايه

يعني كل مايه وليها وزنها في الرصاص بس نصيحه خليك في ربع المايه اللي قريب من الشط يعني احدف في نص المايه وخلي الرصاص يركن على البر لانه معظم جحر الحنشان بين الشط والربع……..
العود……

عود قوى جبر وماكنه جيدة علشان لوحجمة كبير ممكن يكسر العود لو ضعيف ولو انت اتخاشمت عليه ونصيحه انزله باكتر من عود

اماكن تواجد سمك الثعبان :

دايما بيكون في الأماكن التي بها حجارة

وينتشر في كل انواع المياة

وافضل اماكنة في اماكن بنسميها عروق المياه و fيعرفها الصيادين بس هشرحها على قد ما أقدر لاخواتى المبتدئين:

بتكون عبارة عن المياة فيها جارية ومش حامية اوي بس تلاقي زي عرق او اكتر من المايه (يعني خطوط مياه اسرع من باقي المياه) او بمعني اخر تيار قوي وسط تيارين هادئين

وأفضل حنشان في الطعم في الميات الرمليه يعني أرضها رمله زي ميات جمصه وبلطيم والنوباريه وزايد والنصارى

الطعم المستخدم في صيد الحنشان:

دود الارض البلدي الأسمر ولازم تنعكب (يعني تحط اكثر من طعماية كبار)

والطعم البحاري

وبيدخل على المصران (بس يفضل مصران الحمام علشان زفر جدا)

وبيدخل على الرأى والشرايه بردة علشان زى مقلنا من الاسماك المفترسة المصران كويس..

ولازم نخلى بالنا كويس و احنا بنجمعة علشان سمك عفى وشديد عايز حظر فى التعامل معاة وصيدة صعب وعايز صبر جامد وطبعا ربنا الرزاق بس لية ادوار معينة بيكثر فيها ويستحسن الصيد منها و هى كالاتى:

• اقرأ : ثعبان السمك ( الحنشان ) و طريقة صيده

أماكن صيد ثعبان السمك في مصر

• الرياح التوفيقى
• ترعه الاسماعيليه
• بعض الترع فى القنطرة غربا
• بعض ترع وجه بحري خاصة الترعه النوباريه وفروعها وترعه الناصري والصحراوي خلف مطار البريجات
• بورسعيد اماكن شادر عزام
• صرف 17وترعه الرياح.
• رشيد ومصب النيل
• ترعه الماكس وترعه ال21 بالاسكندرية
• جمصه وبلطيم في الفرعيات ومصارف المزارع السمكيه

The post طرق المحترفين لصيد ثعبان السمك ( الحنشان ) appeared first on ملوك الصيد.