أولاً سيبك م الهري ال كتيييير اللي بتقراه عن فوايد أكل التونة و الإكثار منها و إنها مفيدة للجسم و أضرارها و الهبل ده كله
‏‎

ثانيا .. شيل من دماغك القناعة بتاعة إن الشركة الفلانية تونتها نضيفة عشان غالية و إسم كبير و إعلاناتها مالية التلفزيون و بلا بلا ..

دول أكذوبتين تجاريتين و هنتكلم فيهم بالتفصيل

و تعالى نشرحلك كام حاجة كده قبل ما اقولك ليه
‏

1 – سمكة التونة 8 أنواع و في أبحاث بتقسمها لـ13 نوع

أفضلها وأجودها التونة الحمراء اللحم و دي طبعاً عمرها ما بتتعمل معلبات و أغلاها نوعين

• 1..تونة بلوفاين
• 2..تونة ذات زعنفة زرقاء(بلوفاين ياباني)

و الاتنين دول الكيلو منهم بيوصل مئات الدولارات حرفياً

‏ف أوعى تصدق إنك هتروح لعم سمير البقال تشتري علبة تونة ب20 جنيه من الأنواع اللي فوق دي

2 – الأبحاث بتقول إن أرخص و أسوء سمكة تونة من حيث التشبع بالزئبق هي سكيب جاك وكاتسوانوس بيلاميس

مش محتاجة فكاكة عشان أقولك إن الإسمين دول مافيش غيرهم بيدخل مصر .. وأقسم بالله على ذلك
‏مش مصدق؟؟ طب قوم إمسك أي علبة تونة من جنبك(مصرية)
“لو لقيت إسم غير ال2 دول هنزلك إعتذار رسمي”

3.__الأبحاث توصي بالابتعاد عن 3دول عالمياً في إستيراد التونة المعلبة

• 1..تايلاند
• 2..الصين
• 3..فيتنام

وذلك لتشبع أسماكها بالزئبق .. و انخفاض معايير الرقابة على المنتجات في هذه الدول و استخدام مواد حافظه مضرة

طبعا مش محتاجة أحلفلك إن ال3دول دول هما بس اللي بنستورد منهم و إن 80%من التونة المصرية جاية من تايلاند

للتأكد .. راجع المكتوب على نفس ذات العلبة اللي ف أيدك هتتأكد من كلام

طب عشان ما نطولش عليكم

هنتكلم ف 3نقاط اخيرة مهمة جداً عن التونة ..

• 1..مشاكلها
• 2..نستخدمها إزاي
• 3..نجيب نوع ايه

مشاكلها باختصار

متشبعة بالزئبق اللي يكاد يكون من أقوى المواد السامة على وجه الأرض في جرعاته العالية

تتكون بها مادة سامة شديدة الضرر إسمها (نيترو آمين) و دي تطلقها الأحماض الأمينية في لحم التونة عند حفظها مدد طويلة

زيتها ومادتها الملحية مليئة بالمواد الحافظة الضارة والمدمرة للكبد والكلى
الكلام ده بحسب منظمة الصحة العالمية و12 بحث موثق

منهم بحث محترم جداً ل الأستاذ الدكتور محمد سعد أستاذ ومدرس الكيمياء الحيوية بجامعة القاهرة
وطبعا الكلام ده كله اتطرمخ عليه لإن السوق المصري من أعلى الأسواق عالمياً في استهلاك التونة المضروبة

و نستهلك منها سنوياً عشرات الآلاف من الأطنان
‏

طب ايه اللي بيحصل في مصر

كل واحد معاه قرشين بيدخل ع النت .. ويضرب سؤال على عم ‎جوجل كيف استورد تونه

وطبعا كل همه المكسب و بما إنه مصري .. بيختار الشركات التايلاندية خاصة أو شركات شرق آسيا عموماً
‏لان سعرها تراب .. و عندها استعداد ترضيه بأي شكل

و بيتفق على أردء نوعي سمك سكيب جاك والتانية دي اللي انا قلت أسمها المعقد ونسيته😄
واللي بيحصل من الشركة الآتي:

السمكة بتتقسم وتتقطع نصين

نص زبالة اللي هو البطن و الزعانف بالشوك بالجلد بالرأس و يتفرم ..‏ و تقدم ليك تحت أسم شيك اللي هو (تونة مفتتة داكنة اللون) وانت يا غلبان طبعاً مش عارف داكنة اللون ومفتتة ليه

أما باقي السمكة (اللي هي أصلا سمكة زبالة) الضهر بيتقسم حتت تحت مسميات شيك(قطعة واحدة_قطع_فصوص) و يتباعلك على إنه أفخم الأنواع
‏

عايز تقولي إن كل شركات التونة المصرية مضروبة؟؟

أيووون للأسف .. وهخليك بنفسك تتأكد من كده بـ3 أو 4 خطوات صغيرين

• .. اعمل بحث عن أسوء دول عالمياً في تعليب التونة وقارنها بالمنتجات المصرية
• .. اعمل بحث عن أسوء سمكتي تونة من حيث التشبع بالزئبق وقارنهم بالعلبة اللي ف أيد
• .. اعمل سيرش عن سعر كيلو سمكة التونة عالمياً وقارنه بالسعر اللي انت بتشتري بيه في

مصر(ملحوظة)سعر الكرتونة 7كيلو تقريباً 8 دولار من بلدها
منهم هامش ربح وسعر زيت وعمالة ومواد تغليف وربح

‏انت اللي بتخدع نفسك بنفس الطريقة اللي بتشتري بيها كيلو ال لانشون ب30 جنيه وتقنع نفسك إنه لحم بقرى ممتاز

يعني التونة في مصر فيها حاجات نضيفة وطعمها كويس؟؟ ولا تفرق✋

الخامة واحد .. والسمك واحد .. وبلد المنشأ واحد . و على فكرة

سيبك من موضوع انك بتاكل التونة عشان هي أعلى مصدر للأوميجا 3 … ‏لأن الاوميجا خلال أيام بيتحلل في الزيت والمادة الملحية اللي مالية العلبة

طب يعني ما ناكلش تونه خااالص؟

أنا ما قولتش كده

حابب التونة وبتتوحم عليها قدامك 3طرق
‏

1.. تجيب نوع مش مصري ( أفضلهم الأوربي والتونسي)

• و تتأكد انهم مش من الدول ولا السمك السابق ذكرهم

2.. تعملها ف البيت زي مانا باعمل وهاتكون أوفر وأنضف و أئمن بكتير

• و لو مالقيتش سمكة التونة اعملها بالماكريل و مش هتفرق
  و طرق عمايلها في البيت مالية النت‏

3.. تشتري المصري بس بمواصفات خاصة و هي :

• 1..أبعد تماما عن المفتت
• 2..أغسلها كويس بخل ومياه من زيتها ومحلولها الملحي
• 3..ماتستهلكش أكتر من الحد الأقصى منها شهريا اللي هو 300 جرام(متوسط علبتين)
• 4..أحرص على شراء صلاحيات حديثة لم تتعدي ال 6شهو
• 5..ماتأكلهاش لحوامل مطلقاً والأطفال لا تصل حتى للجرعه المسموح بيها
• 6..حاول تشتريها من تاجر الجملة مباشره بتكون صلاحيات حديثة وسعر كويس
• 7..أحكم عليها بالتجربة و أبعد عن الأسماء الغالية والرنانة في النهاية والله المصدر كله واحد ف بلاش تكلف نفسك علي الفاضي

The post احذر || قبل شراء التونة المعلبة appeared first on ملوك الصيد.

هل تعلم ان احجامها قد تصل و تزيد عما تراها في برنامج التونة العنيدة علي قناة ناشيونال جيوجرافيك

وأن سمكة التونة ذات الزعنفة الزرقاء هي اغلى سمكة في العالم حيث ان سعرها قد يصل الي 45 دولار للكيلو جرام الواحد في حين ان هذه السمكة هي ارخص سمكة في مصر حيث لا يزيد سعر الكيلو جرام منها عن 40 جنيه مصري

علشان كدة الصيادين مش بيصطادوها لأنها سمكة قوية جدا و ممكن تكسر عدة كتير و تمنها لا يعوض ثمن المعدات التي قد تتسبب في كسرها

The post معلومه على المااااااااشي || تونة الزعنفة الزرقاء appeared first on ملوك الصيد.

طول سمكة التونة يصل لمترين ووزنها لأكتر من نص طن، ولها عضلات قوية بتخليها تقدر تعيش في مياه باردة وفي ظروف بيئية سيئة.

جسمها دافئ وخياشيمها كبيرة وبتقدر تظبط درجة حرارة جسمها مع مياه المحيط، وصغارها بيعيشوا في المياه الدافئة.

تسبح سمكة التونة وهي فاتحه فمها لابتلاع الماء الغني بالأكسجين وتتغذى بشكل أساسي على سمك السردين.

طرق صيد التونة

يتم صيدها بالجر بالملاعق بسرعة كبيرة حيث أنها سمكة عايمة

وعادة ما تظهر في تجمعات على شكل حلقة حول أسراب السردين،

ويحلق فوقها طيور النورس، ويمكن صيدها أيضا بالطعم الحي على العايم وأحياناً قليله في القاع.

يتم تحضير الطعم في صورة مربعات صغيرة من سمك السردين على سبيل المثال

ويفضل استخدام المدور أو الليدر ضمن أدوات صيدها،

ويشترط وجود رمح لمنع الأسماك من المقاومة والهرب،

وبعد ذلك يتم رمي الطعم في المياه، وتبدأ عملية الصيد.

• اقرأ : صيد التونة من الألف الى الياء

يوجد أربعة أنواع من سمك التونة

• البلاميطه
• تونة الزعانف الصفراء “اليلو فين”
• الدوج توث
• تونة الزعانف الزرقاء “البلو فين”.

فوائد التونة

لأسماك التونة فؤائد صحية كتيرة فهى :

غنية بالبروتينات والأحماض الدهنية والأوميجا 3، الهامة للمحافظة على صحة القلب والأوعية الدموية،

• بتساعد على رفع نسبة الكولسترول الجيد،
• بتمنع تراكم الترسبات المسببة لانسداد الشرايين.
• تحافظ على صحة العين وعلى المعدل الطبيعي لضغط الدم،
• بها نسبة جيدة من مادة السيلينيوم وبالتالي فهو يحسّن المزاج.
  

  ---

• اقرأ : احذر || قبل شراء التونة المعلبة

The post صيد سمكة التونة “العنيفة” appeared first on ملوك الصيد.

هذا الموضوع هو من وحي التجارب و الخبرات الشخصيه للكابتن أحمد فهيم وهو كاتب الموضوع الرئيسى عن صيد التونه ذات الزعانف الزرقاء و يمكن تطبيق مابه علي بعض انواع التونه الاخري و باذن الله شامل لكل الطرق من اقلها تكلفه حتي اعلاها تكلفه نقدر نقول كده مهرجان التونه للجميع =D

التونه من اكثر انواع الاسماك الرياضيه متعه في الصيد لقوتها و تميزها بنمط خاص بها لايقاعهاوذلك يجعل هواه صيدها يتلهفون عليها و يجوبون ورائها العالم

• صيد سمك الهامور (قبل الفجر _ قبل الغروب)

اولا . صيد التونه بستخدام الطعوم الطبيعيه

من اكثر الطرق احراز لنتائج في اصطياد التونه بالطعم الطبيعي هي طريقه التوشيح بستخدام بعض انواع الطعوم المنتشره في نفس البيئه المحيطه و اكثر هذه الطعوم شيوعا هو السردين

و بما اننا نستهدف سمكه من اسماك السطح و ليس القاع اذن يكون كل التعامل معها و التجهيز لها بالقرب من سطح الماء ولكن لا مانع من تواجد التونه في اي اعماق اخري لان طبيعه جسمها تسمح لها بمطارده فرائسها حتي في الاعماق البعيده ولكن الغلبه في تواجدها ان تكون بالقرب من السطح -تعيش التونه غالبا في المياه الدافئه نوعيا

تحديد مكان تواجد التونة

يعتبر تحديد مكان تواجد التونه من اهم المراحل في صيدها او اهمها لذلك هناك بعض انواع المراكب تجهز خصيصا بابراج لمراقبه سطح الماء

و مشاهده مناطق تواجدها عادة يكون لمن يقوم بصيدها باماكن معينه متعارف علي تواجدها في نطاقها و فصول معينه لتواجدها كمثال في الاسكندريه تتواجد التونه بكميات قليله مع بدايه فصل الشتاء و يكثر تواجدها في شهور 3 و 4 ثم تبدء في الظهور باعداد اقل و علي فترات حتي نهايه فصل الشتاء هناك

الاماكن المعروف تواجدها بها في هذه الاوقات و لكن علي عكس ذلك في دمياط التونه موجوده طوال العام بجوار ابار الغاز لانها استوطنت المكان

المختلف فقط انها في الصيف تكون علي اعماق اكبر منها في الشتاء و تكون مختلفه عن اي تونه مهاجره في قوتها المبالغ فيها اثناء الفايت

يمكن ايضا تحديد المكان عن طريق الرؤيه مايطلق عليه الفرنزي او التلطيش او حتي خروج السمكه للهواء و القفز

• وقت صيد الدنيس و الطعم المستخدم

خطوات صيد التونة

الان حددنا الموقع و نبداء التحضير للبدء في الصيد امامنا طريقتين

الاولي دريفتنج

اي تكون المركب غير راسيه علي مخطاف ولاكن تتحرك مع الهواء و التيار و يتم تحديد الطريقه حسب طبيعه المكان و نشاط الاسماك في حاله كونها متوجده في نطاق ضيق و مكان بعينه يكون الرسو اما في حاله انتشارها في مساحه واسعه و عدم توقع المكان بالتحديد يكون الدريفتنج

ولكن في كل الاحوال وذلك ناتج عن التجربه الشخصيه يفضل الدريفتنج و ذلك لسهوله ضياع السمكه في حاله الرسو او احتكاك خيط الصيد بحبل البروسي او الفتره الزمنيه من بدايه الاستريك وحتي اطلاق حبل البروسي علي شمندوره لتحرير المركب و بدايه المناوره بالمركب مع الصياد التي لاتقل اهميه عن دور الصياد مع السمكه و يكون علي الصياد توجيه الكابتن عن الاتجاهات المراد منه السير و المناور فيها

بعد تحديد المتبع في طريقه الصيد من درفتنج او رسو ياتي دور التزفير و يكون بتقطيع السردين او الطعم المراد الصيد به الي قطع مربعات صغيره وليكن السمكه من قطعتين الي ثلاث قطع حسب حجمها الي ان يتم تجميع الاسماك

الادوات المستخدمه في صيد التونة

في هذه الطريقه من الصيد يكون لدينا نوعين من المعدات احدهما رخيص في المتناول عديم المتعه بالنسبه للصياد الهاوي و الاخر متوسط السعر و متعه اكثر قليلا

بالنسبه للادوات رخيصه الثمن تكون عباره عن كميه كبيره من الخيط النايلون وليكن 140 او 160 مثلا ملفوفه علي بكره ثم مدور ذو قوه تحمل عاليه ثم ليدر طويل من نايلون او فلوروكاربون اقل سماكه يتم تحديده حسب درجه صفاء الماء

ولكن المتعارف عليه لدينا انه يكون 100 او 130 ليبره حسب الماء ولابد خصوصا الليدر ان يكون من نوع عالي الجوده لانه اكثر احتكاك بجسم السمكه او ذيلها و الفم اثناء المقاومه

اما انواع العدد متوسطه الثمن يكون بستخدام عدد كالذي نستخدمه للجر شرط ان يكون عالي الجوده و كميه خيط كبيره من نوع جيد من الخيوط و يتبع معه نفس المتبع في السابق من مدور و ليدر

الصنار علي عكس المتخيل ان التونه تحتاج الي انواع صنار ضخمه الحجم لكن ما يحدث غير ذلك بكثير

افضل الانواع في طريقه صيد التونه بالتوشيح هيه انواع صنار ليست بالاحجام المبالغ فيها كامثال اغلب الموديلات التي نستخدمها هي

heavy duty live bait hook

مثل بعض الانواع الشائعه

• GAMAKATSU HEAVY DUTY LIVE BAIT HOOKS
• OWNER Gorilla Live Bait Hook Heavy Duty
• Trokar Extreme Live Bait Heavy Duty Hook
• vmc heavy duty bait hook
• Harbor HEAVY DUTY LIVE BAIT HOOKS

علي ان تكون الاحجام من 0/4 الي 0/8 و يتم ربطه باحد الربطات المعروف عنها تحملها الشديد او استخدام منوع من الريجز او الكلبسات مخصص للنيلون المقاس المستخدم و غلقه بالاداه المخصوصه لذلك

بدايه القاء الطعم

بعد عمليه التزفير نبدا بالقاء الطعم عباره عن قطعه من نفس الزفر المستخدم بداخلها الهوك علي ان يكون غير ظاهر وسط الزفر و الانتظار في حاله الرسو يفضل استخدام بلونات الاطفال لابعاد الطعم مسافه كافيه عن المركب

في حاله عدم دخول السمك علي الطعم و الدخول علي الظفر معني ذلك انه من اللازم مراجعه سمك الليدر للاقل او حجم الصنار

الدخول علي الطعم و بدايه التعامل مع السمكه كما ذكرنا في حاله الرسو يتم القاء حبل البروسي علي شمندوره و بدايه التعامل مع السمكه في حاله الدريفتنج ليس هناك مشكله هناك طريقتين هنا

الاولى تكون بالقاء شمندوره كبيره او جركن كبير بعد مسافه كافيه من الخيط و جعل السمكه تجهد نفسها بنفسها و الاكتفاء بالمشاهده و الملاحقه من بعيد و تستخدم فقط في طريقه الصيد بستخدام ادوات رخيصه و الاخري تكون بالتعامل مع السمكه و المناوره معها بالمركب

و طبعا في كل الاحوال الامساك بالخيط في اليد فيه خطوره كبيره جدا علي الصائد فلابد من الحذر الشديد لكن ليس هناك مشكله في حاله التعامل بادوات الجر او الاوفر هيد سيتاب يفضل تجهيز هرنس من نوع جيد للسيطره و التحكم الافضل في الادوات

التعامل مع سمكة التونة عند المركب

اغلب اسماك التونه التي يحدث و تضيع يكون عند وصولها للمركب فلابد من استخدام ادوات مجهزه لها اما الرمح او اكثر من خطاف (منتب) من انواع جيده و يتم الامساك بها فور ظهورها مع الحذر ان كل عائله التونه في حاله اصطيدها تسبح بالقرب من المركب في شكل دائري و يسهل انقطاع الخيط نتيجه الاحتكاك بالمركب او الرفاص و الابتعاد عن السمكه قدر الامكان حتي تموت من الممكن فقط احداث قطع في الخياشيم و الذيل

ارجو ان تكونوا قد كونتم فكرة عن الموضوع ولكن للعلم لن تستطيعوا ان تستوعبوا الموضوع بالكامل الا بعد تجربته

The post صيد التونة من الألف الى الياء appeared first on ملوك الصيد.