كيف يتصرف السمك عقب الوقوع في الهوك

للأسماك تصرفات و أفعال تختلف حسب نوع السمك والبيئة الموجود بها عند صيدها وتفاعلها مع السنار

سمكة الشعور و الخرمى و المحسنى

• كلهم فصيلة الأمبرطور (( Emperor fish ))

طبعا بيختلفوا فى اللون و الشكل و الحجم و عفوا قبل ما انسى ينضم اليهم البنجز انما وقت الضرب او الأكل يكادوا يكونوا نفس الشىء بمعنى ضربة او اتنين جامدين فثانيتين هدوء فضرب شديد و سحب جرى

و اول ما بتشد عليها تشعر بأن السمكه بتحاول تاخدك لتحت بينما هى معرضه اصلا و عايمه بالعرض مع محاولة الأفلات من السن طبعا ممكن تطلع معاك شوية و تلاقيها بتكرر نفس الموضوع تانى و تالت لحد لما ربنا يكرمك بيها

سمكة التوين و الناجل

انت اصلا بتكون معلقله فوق الأرض ممكن بمتر او اتنين حتى و ده ما بيتفاهمش يعنى هبده و خبطه واحده و كل اللى عليك انك تفضل معلق ايدك علشان ترفع دماغها و تقدر تطلع بيها و ساعتها كأنك طالع بشوال بطاطس بدون ادنى مقاومة و لو ان الناجل ممكن يعرض فى السكه و طبعا كل الكلام ده على حسب الغرق و العمق يعنى ال20 غير ال40 فالميه الأقل المقاومه اعلى و اشد

سمكة البهار

و ده فى رأى اعفى و احلى سمكه فى شغلها لأنها ما بتتهدش بسهوله و بتضرب بدماغها اتجاه الأرض و تطلع مترين تلاته و تكرر نفس الحكاية و هكذا ممكن خمس ست مرات قبل ما تتعب

سمكة القرش

هيسحب الخيط منك زى الصاروخ و بالكاد لو قدرت تصد عليه خصوصا لو حجمه كبير بالأضافه الى انه هتلاقيه بيبرم و يلف حوالين المركب و ممكن يجيبلك الخيوط كلها فى بعض

سمكة الشراغيش :

تنقر مرة والتانية والتالتة تخش على الطعم وهي طالعة تعمل 3 دكات (وقفات أو فرملة) وتكرر ها لغاية ما تطلع

سمكة الدنيس :

يمسك العقر بالفم ويمشي بيه شوية ولما يطمأن يبتدي ياكل فلازم تشكم واحدة جامدة علشان فمة به غضاريف ، ولما يشبك في السن ويطلع معاك لكم تلكيمة أو اتنين ..وبعد وقت قصير كرر نفس الموضوع

سمكة الحلوف :

تنقر نقرة والتانية تآكل ولما تشبك معاك ملهاش أي مقاومة وممكن تحس أنها راحت منك علشان بتعوم معاك في اتجاه الشد

سمكة الغوزيلة :

تهجم على البرغوت من كترها وتخش بالعة ، وهي طالعة ترعش البوصة كان فيه كهرباء

سمكة البغبغان الاحمر :

نفر بشده لاسفل ولما يشبك يطلع تقيل جدا بشكل لا يتناسب مع حجم السمكة ، والحرص في تسليكه لان له قدرة على لف رأسة في اتجاة الاصابع وعضها عضة قوية

سمكة الوقار :

يبلع وله شده قوية لاسفل وليس له أي مقاومة وممكن دكة واحدة وبعدين يطلع زي الشوال

سمكة المورينا ..

رعشه غريبه للخيط وتشد ماتلاقيش حاجه .. لأن المورينا بتحك في الخيط بجسمها .. ولما يتكرر الأمر اسحب الخيط بسرعه معقوله .. هتلاقيها مسكت في السنار بعزم مافيها وتلف جسمها زي الكوره حوالين الخيط

سمكة الخنزيره {بلاط}

لما ألقاها بتلحس الطعم مره واتنين والبوصه تنشف لما ارفعها.. ومن مقاومتها الغبيه لما الهوك بيتعلق في سقف بقها

سمكة الشعري

بيضرب ضربتين و بعدين بيبلع و يحري و بيكون عنيف و بيهدى بسرعة و يستسلم

سمكة الاخطبوط :

شدة لاسفل وتقل غير عادي ، ورفع بصعوبة ، ومسك في الأيادي وحبر وزروطة

سمكة البطاطه

( نقر مستمر وخفيف علي الفله مع تغييب خفيف للفله تحت الماء)

سمكة المرمار

( سحبه عميقه مفاجأه)

سمكة الغلنفيش والميره

( سحب الفله علي سطح الماء للامام وتغريقها بسرعه )

سمكة البوري

( تنميل بسيط جدا للفله وغطس خفيف )

سمكة الشرغوش الكبير والتيس

( نقره قويه وسحب للفله للاعماق )

سمكة الجناشير او الشراغيش الصغيره

( شد مستمر للفله وخطفها )

سمكة الكحله

(خطف الفله بعد نزول الطعم فورا)

سمكة القاروص

سحب الفله ببطأ تحت الماء وللامام )
ضربات الأسماك بوبينج / جيجينج / ترولينج

في البوبينج جرم الباض بيضر ب البربرية علي وش الميه بعنف بتعرف انه دي جرم

التونه

بتنط علي البوبريه وبتعمل ترطيش جامد بنعرفها أنها تونه ،

سمكة الجيجنج

لما بتعمل حركه الججن ومره وحده الخيط بيجري منك بنعرف انه السمكه الي معايا ، أمبر جاك ،

في الجيحينج لما البوصه مره وحده بتقف معك يأما جرم أو تونه ،

في الترولينج بتعرف السمكه الي معاك ، لو سمكه تونه أو جرم بتعرف من رنه المكنه علي أيدك انت معاك إيه