- بما انى ناوى اشترى زودياك للصيد ياريت اى حد يقولى اى معلومات تفيدنى لانى هاصطاد بيه من منطقه الاتكه والسادات يعنى فى خليج السويس صيد خفافى تسقيط يعنى مش هنغوط جامد علشان الحاجات التقيله.
- ياريت حد يقولى معلومات لو كان ركب زودياك قبل كده واصطاد بيه :
- – حجم الزودياك وعدد الافراد اللى كانوا فيه
- – هل كنتم مستريحين فى القعده ولا لا
- – هل كنتم محتاجين fishfinder ولا بتجربوا كل شويه طرحه وتغيروا بسرعه
- – طريقه الصيد على الزودياك بحداف ولا بوصه تسقيط احسن
- – الثبات اثناء الصيد مريح ولا لا
- – سرعه الوصول للمكان المنشود قد ايه يعنى مثلا نص ساعه ساعه
- – هل مرة غامرت ونزلت مسافه كبيرة فى البحر
- – لو حد يعرف نوع كويس من الزودياك جديد يعنى
- – هل اشترى على الزودياك موتور صغير ياماها 5 او 6 حصان ولا صينى 15 حصان بارسون واخبار
- صيانه الياماها والصينى ايه يعنى سهله ولا لا وحدود التكلفه
- معلش انا عارف ان الاسئله كتيرة بس علشان الكل يستفاد
اقرأ : تأثير صوت موتور مركب الجر علي السمك المستهدف
أجابات نموذجيه بس خلي بالك ( ده مش مقياس )
هل كل زودياك محتاج ترخيص ؟
- الاجابة
طالما بدون موتور مش محتاج ترخيص فى انواع من الزودياك لها تكنة بالخلف ( مكان تركيب الموتور ) يبقي لازم تصريح ويقولك ركب موتور طيب
عايز انزل من غير تصريح للزودياك؟!!
يبقي تشتري زودياك من غير تكنة في الخلف وهذا النوع بيكون مقدمته مثل خلفيته يعني مدبب ( بوذ) يعني وهذا الزودياك يعمل بالمجاديف وممكن ينزل بيه عادى ومعاه بروسي علي اده يرميه ويثبته للصيد –
وعند اقرب شعبه او مكان كويس يقف ويرمي ويلمه لما يجي يمشي بس ممكن يضطر يستني المد علشان يرجع اسرع للشط
سؤال 1
حجم الزودياك وعدد الافراد اللى كانوا فيه 3
- الاجابة
حجم الزودياك 270سم و موتور 2 حصان ياماها عدد الافراد 3
سؤال 2
هل كنتم مستريحين فى القعده ولا لا ؟
- الاجابة
مستريحين في القعده بسبب التعاون
سؤال 3
هل كنتم محتاجين fishfinder ولا بتجربوا كل شويه طرحه وتغيروا بسرعه؟
- الاجابة
جربنا الحالتين بس بـ fishfinder كان احسن كتير جدا
سؤال 4
طريقه الصيد على الزودياك بحداف ولا بوصه تسقيط احسن؟
- الاجابة
بوصه صب صغيره 120سم احسن لأن بسبب ضيق المكان خيط الحداف هيتكعبل منك
سؤال 5
الثبات اثناء الصيد مريح ولا لا؟
- الاجابة
بالنسبه للثبات اثناء الصيد حسب الجو يعني لو مفيش موج بيبقي ممتاز و لو فيه موج متوسط بيبقي عادي بس طرطشه ميه خفيفه بتيجي عليك و لو البحر عالي يبقي تلم الهلب بسرعه و علي بره عدل
سؤال 6
سرعه الوصول للمكان المنشود قد ايه يعنى مثلا نص ساعه ساعه
- الاجابة
سرعه الوصول حسب منطقه الصيد بالنسبه لي من منطقه قبل السادات بـ4كيلو من نحيه العين السخنه
ممكن نوصل في 30 الي 45 دقيقه
في منطقه قبل بورتو السخنه ب 10 كيلو ممكن نوصل من الشط في 5 الي 15 دقايق
سؤال 7
هل مرة غامرت ونزلت مسافه كبيرة فى البحر ؟
- الاجابة
حصل مره واحده في عيد الاضحي الي فات كان البحر مغري و صافي جدا
سؤال 8
لو حد يعرف نوع كويس من الزودياك جديد يعنى
- الاجابة
اعتقد ماركه wave كويسه
سؤال 9
الموج عالى يعنى كام عقده مثلا اللى تخلينى اطلع من الميه
- الاجابة
دي حاجه تقديريه و بتختلف حسب حجم الزودياك و قدره الموتور و المسافه الي بينك و بين الشط او اقرب كنه
يعني الموضوع ده مع الممارسه هتبقي عندك الخبره الي تقدر تخليك تحدد امتي تطلع و امتي تستمر في الصيد
سؤال 10
هل اشترى على الزودياك موتور صغير ياماها 5 او 6 حصان ولا صينى 15 حصان بارسون واخبار صيانه الياماها والصينى ايه يعنى سهله ولا لا وحدود التكلفه
- الاجابة
انا بفضل المواتير الصغيره عشان الشيل تبقي خفيفه و افضل الياماها لأن موتور بارسون نفس الياماها بس اكيد خامات التصنيع مختلفه
مثلا لو عندك موتور ياماها و بتعمله صيانه و ركبت قطعه غيار صيني مش اصليه اكيد مش هتبقي متطمن من الموتور و انت في عرض البحر
طيب هتطمن ازاي وانت معاك موتور صيني كل حته فيه تقليد
و بالنسبه لصيانه الياماها سهله في اي حته بس المهم يكون الميكانيكي كويس و التكلفه بتختلف من مكان لمكان
يعني احسن مكان بعمل فيه صيانه بلد اسمها المطريه ناحيه المنزله فيها ناس ممتازه فوق الخيال و اسعار يا بلاش سواء مصنعيات او قطع غيار او مواتير
و في ناس في السويس بس اشتغاله اشتغاله
تعليق واحد