مبدأيا لازم نعرف ان مقاييس دراسه موضوع الوان خيوط الصيد بتتوقف على عوامل كتير اهمها حالة البحر و حاله الشمس بين يوم غائم او يوم مشمس
طيب نقدر نقول ان الشركات الكبرى فى مجال الصيد لما درسوا موضوع الالوان ده كانوا فاهمين حاجات مهمه و هى ان الضوء الابيض عباره عن اطياف سبعه او بمعنى اصح سبع الوان مندمجين عشان يكونو اللون الابيض
وبغياب اي لون منهم اللون الابيض عمره ما يظهر (لكن) فيه شىء مهم جدا لازم نحطه فى الاعتبار هل ده ينطبق على قرنيه الاسماك زى قرنية عين الانسان ولا لا علما بان العين البشرية ترى الضوء الذي تنحصر أطوال موجاته ضمن نطاق الرؤية، (400 – 720 نانومتر) فى حين الله اعلم الاسماك بتشوف باى اطوال موجيه
ده لو عرفنا ان الطيور بمعظم انواعها بتعرف تفرق بين 9 الوان مختلفة يعنى زياده عن العين البشريه وبكده نفهم ان اكيد الاسماك ليها مقاييس تانيه للرؤيه غير اللى بنتطبق علينا وفى الاخر وجدو ان اكبر شىء بيقدر يحلل الاطياف السبعه و يفرقهم عن بعض هو عنصر الاكسجين بواقع ذرتين و دى موجوده فى تكوين الماء فقط بدليل ان العين البشريه بتقدر تشوف الاطياف واضحه وقت المطر فى وجود ضوء مباشر اللى هى الشمس او طبعا بالمنشور الزجاجى
وبكده نتأكد ان المياه قادره بشكل مباشر فى وجود شمس مباشره انها تحلل الضوء الداخل للاعماق للسبع اطياف ولكن احنا كل ده بنتكلم من وجه النظر للعين البشريه فكان لازم يتم تجارب على الاسماك باعماق و الوان خيوط مختلفه فلقوا ان اى لون مش موجود فى العمق المناسب ليه السمك بشوفه لون من 3 الوان اما الاسود و الرمادى او النفسجى و بالتالى مش هيقرب من الخيط
- اقرأ أيضا : أنواع خيوط الصيد والفروقات بينهم
نيجي بقى لاهم جزئيه فى موضوع الالوان ايه السر فى ان كل عمق ليه لون معين بيختفى فيه :-
السر ان كل عمق ليه درجه حراره مختلفه و بالتالى بتكون مناسبه لاختفاء لون معين و ده بيقاس بوحده قياس كيلفن لان اطياف الضوء ما هى الا اشعه تحت حمراء و بالتالى بتتاثر وتتحلل بالحراره
طيب نيجي بقى لمقاس الخيط هل بيفرق مثلا خيط احمر مقاس 30 مم و خيط احمر نفس اللون مقاس 60 مم فى الرؤيه
طبعا بيفرق و لو بدرجه بسيطه جدا فى رؤية الاسماك ليه لان كل مقاس وسمك خيط ولو نفس اللون يفرق درجه لون ولو 1 % ودى طبعا تفرق مع الاسماك
لو الجو مغيم ايه العمل مع لون الخيط :-
- لحد عمق 20 متر شفاف او عسلى
- لحد عمق70 متر خيط لونه رمادى
- لحد عمق 150 متر خيط زيتى
لكن لو الجو مشمس انسب لون:-
- لحد عمق 20 الاحمر او البرتقالى الداكن او البنفسجي
- لحد عمق 70 متر خيط لونه من الاصفر الفاتح لاول درجات الاخضر
- لحد عمق 100 متر الاخضر الغامق
- بعد كده اخر درجه لون بتتحلل هى الازرق
اما بالنسبه لحالة البحر ودي مهمه جدا لو البحر عالي او الريح شديده فنفهم من كده ان العمق ال20 متر مثلا في البحر الصافي و الهادي= 40 متر في البحر العالي او الريح الشديد وعلي اساسه بنغير لون الخيط للخيط التالي بمعني اننا لو شغالين بخيط احمر ولاقينا البحر عالي والريح شديد نقدر نشتغل بخيط برتقالي او اصفر
وفيه حاله تانيه في البحر يجب مراعاتها جدا وهي اذا كانت الميه صافيه اوي او فيها اعشاب وطفيليات زي الطفيليات المسببه لحاله المرو وفي الحاله دي لازم خيط رفيع قدر الامكان وشفاف عديم اللون
عشان كده نقدر نقول ان افضل لون ينفع للسيرف هو الشفاف و العسلى و الاحمر و البرتقالى
واحب اضيف ان اول شركة اهتمت بموضوع الوان خيوط الصيد هى شركة شيمانو سنة 1994 وتبعتها دايوا بعدها بسنه
