أماكن صيد التسقيط في الإسكندرية

اولا :  ابوقير

كان (طبعا زى كل حاجه حلوه ) في الماضي من احسن اماكن الصيد و الأكثر حصيله من كل الأماكن وكانت أبو قير في الشتاء هى جنة الدنيس بالنسبة للصياد

اما اللآن و بسبب تلوث المياه و لأسباب أخري كتير اصبحت الحصيله ضعيفة إلا لو كنت مع بحار متمرس فى أوقات معينه فقط من السنه

مثلا في شهر 11 و 12 تجد الدنيس في ارض الخمسين او الحصوة او الوعرة التي يقابلها من خلف جزيرة نيلسون من ناحية البحر المفتوح

وقد يدخل عليك اسراب الشاخورة البلدي الكبيرة والتي تدخل بكميات هائلة

اما الموسم الثاني فهو تقريبا من اواخر شهر 3 الى اواخر 5 بيكون في الغرق موجود خير كتير زى الشراغيش الرشيدي والكحله و و التيوس بأحجام معقوله

• ملاحظة مهمة :

يجب ثم يجب ان تحضر الجمبري العقر الطازج لكي لا تندم وخاصة مع الدنيس فهو دواء العقر الطازج وخاصة في الأعماق

مع العلم ان الدود ليس له اي قيمة في صيد التسقيط وعن تجربة

الجمبري النطاط او البلانس يستطيع ان يخرج الوقار والعضاض من جحره ويحضره اليك على السنارة على طبق من فضة .

ثانيا : بحري

اعتقد ان بحري لا زالت تحتفظ بخيراتها وخاصة في الوعر او صيد الأثر من شهر 7 الى شهر 11

و يكون الصيد على الأثر وبصراحة هو موسم جيد جدا للشراغيش والحلابيش (صغار الوقار)

• ولكن هل تتحمل الحر ؟؟؟

هنا السؤال المهم لأن الجو يكون صعب جدا جدا في شهر 7 و 8 لذلك انا افضل النزول في شهر 9 الى شهر 4 فا من شهر 10 الى شهر 11 في بحري انا اسميه شهر الغلطات او السمك الذي نحلم به .. عضاضة كبيرة وقارة كبيرة فهو فعلا شهر ممتاز للصيد بالطرق غير التقليدية

بالسمكة الحية تأتي بسمكة حية شرغوش او موزة وتضرب السنار في لحمها بدون ان يلامس عمودها الفقري لتظل حية

وتأتي بخيط مقاس 100 او 80 ورصاصة 10 وتربط خيط السلاح بطول 2 او 3 متر حتى يصل السنار قبل الرصاصة بنصف متر

وتلقي بالسمكة الحية بشرط ان تكون جالس على اخر المركب لكي لا يتعقد خيطك مع من بجوارك فالصيد ادب واحترام

وتتوكل على الله وتسمي بأسم الله .

ثالثا : المكس

الصيد هناك على العايم غزيلة و أفضل أوقاته من نصف شهر 11 الى اواخر 5 والعمق هناك لا يقل عن 60 متر

لذلك الرصاصة او الثقل لا يقل عن 150 جرام ولا يوجد ظل والشمس تكون مباشرة على رأسك طوال الوقت

لذلك لابد أنا يكون لديك كاب للحمايه

لكن السمك هناك بأحجام وفيرة ولكني لا أستطيع ان اتكلم عن ما لم اجربه .

اما فيكون الصيد على الغزيلة او المرجان كما شرحت سابقا ولا تنسوا العقر الطازج وسوف اشرح فيما بعد طريقة تحضيره وتخزينه ليظل طازج وخاصة في الغزيلة.

The post تبسيط صيد التسقيط || صيد التسقيط في الإسكندرية || 2 appeared first on ملوك الصيد.

بالنسبة للماكينة المناسبة الفايكنج أنا شغال بيها هناك تمام

العود هيختلف على حسب نوعية السمك اللي رامي عليه

• لو هترمي على دنيس هتحتاج عود طويل 5 متر عشان تطوح بيه جوه
  
• لو هترمي على الشراغيش أو الموزة 3.5 متر هيبقى خفيف ومريح معاك
  
• لو مش هتشتري غير عود واحد بس يبقى هات 5 متر هيشتغل معاك في الناحيتين
  

العود الصب بتاع التسقيط مش هينفع لو عايز توسع جوه بالتالي هتستخدم عود شاطيء وده هيشتغل معاك سواء هتسقط بيه تحتك على طول أو هتوسع
وفقاً لميزانية 400 جنيه

مثلاً:

هتشتري عود صيني ماركة دولفين – مادنس تيلي 4.5 متر وهو ممتاز على فكرة

الماكينة الفايكنج هتعمل معاك حوالي 250 جنيه أو 300 لإني مش عارف الأسعار حالياً عاملة ازاي بعد ارتفاع الدولار بس لازم تتأكد إن الفايكنج كوري مش صيني..

• هتعرف ازاي؟

بص على دراع الماكينة اللي بيركب في العود لو لقيت محفور عليه كلمة كوريا يبقى كوري.. لو كلمة كوريا مطبوعة مش محفورة يبقى صيني ( العود هيعمل معاك 100 جنيه تقريباً )

كده احنا ظبطنا عود كويس وماكينة كويسة في حدود ميزانية متوسطة

الشعر اللي هتحطه 35 وعندك انواع كويسة كتير أنا شخصياً بفضل روكا هو شعر كوري
وبالنسبة للأرمة هتحط شعر 20 وأنا شخصياً مؤخراً بقيت احط شعر 15 بس ده محتاج تدريب عليه شوية فانت ممكن تحط 20 أو 25 عادي

نيجي بقى بالنسبة لأماكن الصيد، وبتكون عادة في البحر المفتوح

عندك الوعر اللي على أول كوبري ستانلي والوعر اللي على آخر كوبري ستانلي لو هتصطاد شراغيش

اللي شغال أحسن الفترة دي الوعر اللي ناحية نادي المهندسين مش اللي ناحية سيدي جابر

وسط الكوبري رملة ودي ممكن تشتغل فيها على المرمار لما بيبقى حاضر

أنواع الاسماك المتواجدة حاليا

الشراغيش:

هتقف على الوعر اللي قلتلك عليه.. الشراغيش الكبيرة الفترة اللي فاتت كانت موسعة مش تحت الكوبري.. وساعات بتبقى موجودة تحت الكوبري عادي بس حالياً اللي تحت الكوبري جناشير وموزة.. بالتالي هتقف على حروف الوعر مش الوعر نفسه لإن الوعر حامي قوي هناك وهتخسر رصاص كتير..

ممكن تسأل الصيادين اللي واقفين هناك حروف الوعر فين لو البحر عالي والوعر مش باين لحد ما تاخد خبرة المكان.. هتوسع على قد ما تقدر عشان ترمي بعد الوعر بحاجة بسيطة عشان الوعر.. كمان وانت بتلم سواء معاك سمكة أو لأ هتلم بسرعة قوي وده هيخليك تتفادى الوعر اللي في السكة وانت بتلم.. وسيب شوية بوش ماتخليش الشعر مشدود على الآخر عشان ماتوعرش منك..

هتحط رصاصة 4 عشان تجيب معاك المسافة دي.. ولو الشراغيش الكفافي حاضرة تحت الكوبري هتسقط تحتك على طول برصاصة 1 لو البحر مريح ورصاصة 2 لو مشخشخ ورصاصة 4 أو اكتر لو البحر عالي.. أرمة الشراغيش هناك هتعمل فرعين طوال فوق الرصاصة على صنار 10 كفتة.. وممكن تعمل سبحة لو بتصطاد الصبح وهتسقط تحت الكوبري

أما لو هتوسع او هتصطاد بالليل يبقى فرعين بس أو فرع واحد.. هتلاقي صيادين يقولوا لك الصنار ده صغير لو الشراغيش الكبيرة حاضرة.. ماتسمعش كلامهم.. 10 كفتة بيجيب أي حجم من الشراغيش الموجودة على كوبري ستانلي وميزته إن السمكة بتبلعه فمش بتعرف تفرغ منك.. أما الصنار الكبير هتشففه مش هتبلعه.. الطعم اللي هتستخدمه البرغوت والعقر لازم يبقى معاك الاتنين

الدنيس:

أحسن مكان له.. هتيجي من ناحية سابا باشا.. هتعدي من تحت البرج وتفضل ماشي لحد أول فانوس.. ده بيبقى فانوس كبير متعلق عشان الاضاءة.. ارمي هناك.. الأرمة المستخدمة شعر أساسي 35 وأرمة 30 عشان فيه دنيس هناك أحجام حلوة.. رصاصة 6 أو 8 عشان تطوح بيها بعيد على حسب حالة الميه.. هتطوح لأبعد حاجة تقدر عليها عشان الدنيس موسع قوي..

هتخلي الرصاصة حرة يعني هتحط الرصاصة في الشعر من غير ما تقفل عليها وتربط تحتها مدور وتحته فرعين 25 و30 سنتي.. وصنار 5 أو 6 كرش.. فيه برضه صنار عند محل آل فهيم في سابا باشا اسمه circle hock ده فوق الممتاز احسن من الكفتة والكرش..

• طب ليه انت بتسيب الرصاصة حرة فوق المدور مش بتربطها؟

عشان الدنيس لما يسحب الطعم مايحسش بالرصاصة لإنه بياكل ويتف ويرجع ياكل تاني.. فكده الشعر بيتسحب من غير ما يشد الرصاصة عشان ماياكلش ويتف ويحس بالرصاصة يقوم هربان منك.. والطعم اللي هتستخدمه دود بحر ده رقم 1 مع الدنيس هناك ويليه الاسماعيلاوي وهتلاقيه موجود في سوق الميدان عند الحمامصي

الموزة:

هتشتغل عليها بصنار رجل دبانة 24..  وده هتلاقيه عند السبخي..

اعمل سبحة 6 فروع عشان الموزة لما بتبقى حاضرة بتدخل اسراب..

وارمي تحتك على طول ماتوسعش جوه.. وخليك واقف في الاماكن اللي قلتلك عليها للشراغيش..

• هتعرف منين ان الموزة حاضرة في الميه؟

لما تلاقي البرغوت يطلع معاك ممصوص.. يعني تلاقي القشرة بس..

وطبعاً من طريقة الضربة بتاعته في الميه مختلفة عن ضربة الشراغيش بس الطريقة الأولى اسهل..

والطعم برغوت.. هتخلي الشعر بتاعك مشدود على الآخر واللبلوب متني شوية هتلاقي رعشة جامدة في اللبلوب اشكم واسحب في الموزة على طول

الكاليماري:

الموسم بتاعه من آخر شهر اكتوبر.. وده هتطلع له بالليل بعد المغرب.. ولازم يكون الميه حصيرة وكاشفة خالص.. ويفضل في الليالي اللي بيبقى القمر مكتمل فيها بس مش شرط.. هتشتري رابلا صيني مقاس 3.5 من النوع اللي بيبقى كله بينور مش ديله بس.. اللي هي رابلا قماش..

وهتلاقيها عند آل فهيم ومحلات الصيد عموماً.. هتشحنها بالضوء قبل ما تستخدمها.. حط فلة شمندورة وتحتها بمتر ونص اربط الرابلا بتاعتك على الشعر الأساسي اللي هو 35..

ارمي واسحب ببطء وماتغيرش من سرعة السحب بتاعك او انك تسحب وتوقف.. طبعا هترمي الرابلا موسعة جوه خالص على قد ما تقدر وتسحبها ببطء زي ماقلتلك بنفس السرعة من غير توقف وتخلي اللبلوب بتاع العود بتاعك نازل تحت ناحية الميه مش مرفوع لفوق عشان حركة الرابلا تبقى مظبوطة شبه حركة السمك في الميه..

هتلاقي فجأة وانت بتسحب فيه تقل جامد معاك.. ساعتها استنى ثواني عشان الكاليماري يمسك الرابلا كويس وبعدين اشكم جامد واسحب الكاليماري بتاعك.. وخلي بالك هو مش بيضرب زي السمك انت بس وانت بتلم بتحس بتقل جامد فجأة..

أما المكان اللي هتقف فيه فأحسن مكان للكاليماري هناك على حروف الوعر اللي موجود ناحية سيدي جابر..

بس خلي بالك عشان المكان ده بيبقى زحمة قوي لما الكاليماري بيبقى حاضر وممكن تشبك مع الشعر بتاع اللي بيصطادوا جنبك كتير لو مش مخلي بالك ومحدد اتجاه رميك كويس .

The post اساسيات الصيد علي كوبري أستانلي appeared first on ملوك الصيد.

1_القلعه و ما حولها

من اشهر مناطق الصيد بالاسكندريه لما تتمتع به من مخابئ و صخور تمتد تحت الماء لمسافه لا تقل عن مئتى متر امام القلعه مما يعد مكان مناسب لمعيشه الاسماك .

2- جزيره الارمجان

و هى فى منتصف الميناء الشرقى و هى صناعيه و يمكن الصيد امام الجزيره بالقوارب فقط دون الصعود على الجزيرة لان هذا ممنوع حاليا و الميناء الشرقى بوجه عام مستعمره البطاطا .

3- ميناء الدخيله:

من افضل المناطق و اغزرها فى كميات و احجام الاسماك و لكن تحتاج الى تصريح دخول ..

لو هتنزل بلليل الدود المشرشر سيد الموقف وبأذن الله ربنا يرزقك والعده المستخدمه بوصه 5 متر شعر القرمه 25 او 20 وفله وسط وشعر الجوز 8 او 10 تكون شعرايه نضيفه وتعمل جوز واسع وسلاح 10 او 11 موستاد

واتوكل على الله وترمي فى بطن إي رصيف وطول ما انت قاعد غير عياراتك لحد ما السمك يعلم عليك وان شاء الله ربنا يرزقك

4- السلسله:

فى الميناء الشرقيه ايضا.

5- كوبرى استانلى:

الصيد هناك ليلا يعطى نتائج جيده .

5- خليج نادى المهندسين:

يوجد به مجموعه لا باس بها من الاسماك مثل البورى و البطاطا و الترس و الموزه و المكرونه .

6- كوبرى المنتزه:

يجب قطع تذكره دخول المنتزه و المشى لمده ثلث ساعه للوصول اليه و لكن المشى فى المنتزه متعه فى حد ذاتها و يوجد هناك اسماك بيضاء جيدة .

7- خليج ابوقير:

يوجد به اسماك خشنه مثل البطاطا و المكرونه و الموزه و اسماك بيضاء مثل الميرمار و الشراغيش فهو بحق مستعمره قديمه .

8- جزيره نلسن:

فى وسط البحر على بعد نصف ساعه من ابوقير و يتم الوصول اليها بالقوارب ذات المحركات الديزل .

9- الساحل الشمالى:

يوجد به اسماك جيده جدا لصيد المكنه و لكن يجب انتقاء المكان بعنايه فكما قلت قد تذهب و تجد ان الاسماك قد ذهبت فى مشوار و تركت المنطقه .

10- مارينا:

يوجد بها كبارى ذات جوده عاليه اذا حالفك الحظ قد تعود بما لا يقل عن عشره كيلو جرامات من الاسماك .

11- لسان المندرة

تحت فندق شيراتون بوري دنيس خاصا في الليل رزقها واسع .

12- لسان العصافرة مثله .

13- اللسان في نادي القوات المسلحه 6 اكتوبر خلف حلقه السمك .

14- جزر ميامي .

15- أمام المحروسه شراغيش وزنجاريا وبوري وبطاطا .

16_ وأخيراً ماننساش المكس طبعاً .

اما الطعوم المعتادة :

الصيد فى البحر المتوسط اصعب صيد لان السمك خبير فى اساليب الصيد و الهرب من الصياد و لا ياكل اى طعم ترميه فى اى وقت من العام بمعنى ان السمك ليه مزاج … ايوه مزاج و عالى كمان ، ايام تلاقيه نفسه مفتوحه و بياكل كل حاجه و ايام تلاقيه ملهوش نفس كده غير لطعم معين مع انه نفس النوع

و نفس المكان بس اللى تغير هو المزاج ، ثم ان السمك فى الاسكندريه قليل و كثير الترحال بمعنى انه لا يستوطن مكان معين لفترات طويله و بكده ممكن تصطاد من مكان و بعدين تلاقى المكان مفيش فيه غير الرمله فى اقل من شهر .

• اساسيات الصيد علي كوبري أستانلي
• عدة التسقيط في الإسكندريه
• تفسير المعاني .. عن السبحة الأسكندراني

The post أشهر أماكن صيد الأسماك بالأسكندريه و أفضل الطعوم المستخدمة appeared first on ملوك الصيد.

يعتبر البرغوت من أشهر أنواع الطعوم في البحر المتوسط وفي المياه العذبه على السواء ، وترجع هذه الشهرة لرخص تمنة وإقبال العديد من أنواع الأسماك علية في البحر والترع

ويتم لقف البرغوت من المياه العذبة الضحلة ،وحجم البرغوت لا يتعدي عقلة الأصبع ، ويقل حجمة في الصيف ويكبر في الشتاء ويصلح لجميع انواع الأسماك بما فيها الدنيس والشاغيش والمرمار والمرجان ، والبلطي

الجمبري العقر

من أهم أنواع الطعم أيضا الجمبري العقر ويتم لقفه من البحر المتوسط بشبك الجر في مناطق معينة ، مواسم تواجده بكثرة في فصل الشتاء الا أنه موجود طول العام ، ويتم الحصول عليه من حلقة السمك ( الأنفوشي ) أو سوق الميدان

ويتم الصيد به سواء طازج بقشرة بعد قص الرأس وجزء من الذيل وهو مناسب جدا للدنيس والغوزيلة الكبيرة والوقار والعديد من الأسماك الأخرى ولكن هو الأفضل للأسماك الكبير كما يمكن الصيد به بعد تقشيرة وتمليحه وهو مناسب جدا للشراغيش والغوزيلة والسبارس والكحلة ، والميرا

ثالثا الجمبري النطاط

الجمبري النطاط يعتبرمن أغلى أنواع الطعوم في السعر ، ومواسم تواجده بكثره في الصيف ، ويتم لقفه من البحر من على حواف الصخور بشبكه على شكل مثلث ، وهو مناسب جدا للدنيس والشراغيش ، والحي منه يستخدم في صيد أسماك القاروص عن طريق شبك الطعم من الرأس في السن ويبقى النطاط حي لصيد القاروص ،

والميت من النطاط يعتبر من أهم الطعوم لصيد الغوزيلة من منطقة المكس ، ويقبل علية كذلك العديد من الاسماك ويمتاز بقوة مقاومته للنتش من الاسماك الصغيرة مجتذبا الاسماك الكبيرة

الجرايات ( الكابوريا الصغيرة )

كباب الدنيس …من أهم لأنواع الطعوم للدنيس الجامبو( 2 كيلو فيما فوق ) الكابوريا الصغيرة وتسمى الجرايات ويتم شراؤها بالواحدة أو الكيلو ( ولاأعرف سعرها كام في السوق المحلى أو الأسواق العالمية ) ويتم الامساك بها من على الصخور أو نزوحها للشاطئ في وقت الغروب وعلى الأضواء ،

ويتم الصيد بها كاملة لو كانت صغيرة وبعد نزع أرجلها ليسهل التعامل معها ولو كانت كبيره يتم نزع الغطاء العلوي لها وتقسم نصفين ويطعم بها .. وهي بطيئة في اجتذاب الاسماك ، ولا يدخل عليها الا الأسماك الكبيرة

الجلاجولة

من أشهر انواع الطعوم لصيد الدنيس الجامبو ايضا ، ويطعم بها بعد تكسير الجوجع الخارجي لها واستخراج الحيوان اللي بداخلها ونزع الدوفر الخارجي له والصيد بها كما هي ، وتشترى بكميات كبيره لأنها بتوزن ولا أعلم كيفية اصطيادها ولا اماكن تواجدها

الثعابين أو الحناش

تعتبر الثعابين من أهم أنواع الطعوم بل وأشهرها على الإطلاق في صيد أسماك اللوت (الأحجام الجمبو ) ويتم صيد هذه الثعابين من الميا العذبة ويصل حجم الثعبان من 10 إلى 15 سم ويتم التطعيم به على سن كبير وبشرط أن يحافظ علية حي وفي حالة حركة مستمره حتى يجتذب أسماك اللوت …

السردينلا

تعتبر السردينلا من أفضل الطعوم لصيد الدنيس و وخاصة في مارينا وكذلك لسمك الجرجار ، وتوجد السردينلا عند محلات بيع أدوات الصيد مجهزة ومملحة للصيد وتباع بالكيلو ..

ويتم الصيد بها بعد تقطيعها قطع صغيرة وشبكها في السن عن طريق التدكيك مرتين وذلك بإدخال السن في جزء منها ويلف حتى يصل لعصا السنارة ثم يعاد شبكه مرة أخرى لضمان عدم إنفلاته

السردين

من أشهر أنواع الطعوم في البحر المتوسط والبحر الأحمر على السواء ويتم التطعيم به بعد تمليحه بقليل من الملح وتقطيعة لقطع حجم عقلة الاصبع ويدكك بنفس طريقة السردينلا وهو مفضل جدا لأسماك الدنيس والوقار(الحلابيش) وكذلك سمك الجرجار ..

وفي البحر الأحمر يتم الصيد به كما هم دون تطقيع ولكن بعد تمليحه والتطعيم يتم بشبك السن في عين السردين مع وضع قطعة سبيط وهو جيد جدا لأسماك البحر الأجمر ( الشعور ، الناجل ، أبو لولو ، البونجز …إلخ ) وأشهر أماكن بيعة في الإسكندرية في منطقة المكس والدخيلة ..حيث اجود أنواع السرين ويتم صيده عن طريق شبك الجر

الدود الاسمعلاوي

الدود الاسمعلاى كذلك جاذب قوي لأسماك الدنيس والشراغيش الأحجام الكبيره ،والعديد من اسماك البحر المتوسط ، ولا يصلح لصيد المياه العذبة ، ويباع الدود الاسمعلاوي عند محلات بيع أدوات الصيد فى طرد به أثنين من الدود ويصل طول الدود الاسمعلاوي ل15 سم ،

وعلى حد معلوماتي انه بيحضر من الاسمعيلية في قطع خيش مبللة بماء البحر ، للمحافظة عليه صاحي أطول فترة ممكنة ، ومن الممكن الصيد به بعد تمليحة ( في حالة ما يتبقى منه لمرة قادمة ) ولكن الصيد به حي أفضل ، ويتم الصيد به بعد تقطيعه من جه الذيل ليظل حي أثناء الصيد ..ويدكك بنفس طريقة السردين والسردينلا،،

سمك المغازل

من أهم أنواع الطعوم في صيد التجرية هو سمك المغازل وبدون منازع ..فهو الطعم الأفضل لصيد الأنش والدراك عن طريق التجرية ويتم تطعيم السمكة بطريقة التسليك وهي بوضع سيخ في فم السمكة ودفعة بداخلها حتى يخرج من جه الذيل ثم يتم ربط الوير في السيخ ويتم سحب السيخ ليخرج من فم السمكة

ويظل الطرف التانى عند الذيل فيتم ربط سن كبير فيه ..والطرف الأخر يربط في سبحة التجرية ..ويرتفع سعر سمك المغازل ( في مواسم التجرية على الدراك والانش ) وخاصة في الشتاء

The post أشهر طعوم البحر المتوسط appeared first on ملوك الصيد.

حالة الطقس

لن يتطلب منك الأمر البحث عن حالة الطقس الا بسبب استهداف السمك المراد صيده بناء على حالة الطقس واتجاهات الرياح فلو كانت حالة الطقس سيئة والمقصود بسيئة هي اما دخلو نوة بحرية او شتوية او مياه صافيه فالحالتين يصبح مهم الصيد صعبا ولكن لا يمنع الصيد فالطقس الصافي يستهدف في البحر المتوسط نوعين من الأسماك .

المرمار وما يتبعه جلنفيش ميرا او تحويل مجرى الصيد من صيد البحر الى صيد العذب للبلطي فهو يحب الطقس الحار وهو ما يساوي في البحر المياه الصافية

اما العكس فلو كان البحر متوهجا بالأمواج فلا عليك سوى صيد البرك او الموانيء المغلقة او الأحواض والبرك هي المجاري المائية التي يدخل بها الماء بين البلوكات او الصخور وفي حالة النوة او البحر الهائج يتخبى فيها السمك وخاصة الكبير وخاصة البوري والشراعيش وسبق ان شرحنا هذه العملية او اللجوء الى صيد الموانيء

نوع السمك المستهدف

فكل سمك وله موسم وطمه المفضل في موسمه فلا نستطيع ان يحظى صياد عشوائي ذاهب الى الصيد فقط دون استهداف نو عين من الأسماك لأن عدم استهدافه للنوع وتاريخ الموسم يجعل عملية الصيد فاشلة

فالدنيس من شهر 9 الى اواخر 5 تقريبا وكل شهرين بطعم معين وربطة معينة والشراغيش من منتصف شهر 5 الى اواخر اكتوبر والميرا والجلانفيش وهما من الأسماك العائمة من اكتوبر الى اواخر شهر فبراير والقاروص من اوائل شهر 10 الى اواخر 5

وكل نوع من هذه الانواع له حالة بحر وطقس مينة وطعم معين تبعا لحالة البحر والصياد الناجح يلم جيدا كل وقت وله طريقة للصيد اما عملية الذهاب لرحلة صيد عشوائية لا نعلم السمك المستهدف من الصيد او الطعم او الموسم هو فشل محقق

الطعوم المستخدمة

ليس الطعوم هنا هي تنوعها في رحلة الصيد فتنوع الطوم يشتت الصياد ولكن الطعوم بمعنى الطعم الطازج اولا ثم الطعم المناسب للسمك الموجود فمثلا لا يمكن ان نعتمد على طعم يصيد فقط 10 % من الأسماك الموجودة
بمعنى ان مكان الصيد مليء بالمرمار والميرا مثلا ولكننا سمعنا ان نفس المكان يتواجد به بعض الدنيس الأمهات فنترك صيد الميرا والمرمار و لأنتظار سمكة او سمكتين من الدنيس وقد لا ياتوا اصلا ونترك السمك الأساسي ونذهب الى العصافير التي على الشجرة بل عصفور في اليد خير من الف على الشجرة مع مراعاة اختيار الطعم المناسب للموسم المناسب لنوع السمك المراد صيده

تحضير المعدات المناسبة

المقصود بالعدة المناسبة ليس عدة الصيد فقط بل كل ما يلزم رحلة الصيد لكي تجلس اكبر قدر من الوقت لن البحر متغير فكم من صياد ذهب الى الصيد ولم يجد ولا سمكة الى اخر ساعة ورزقه الله بما لم يحلم به ابدا بمعنى رحلة الصيد عبارة عن مكان مظلل او مظلة متنقلة من صنع الصياد او مباعة في المتاجر كرسي او مكان مريح للجلوس الطعام والشرب والأسعافات الولية بيتادين شاش خل + وهو الأهم ان يكون اليوم بكامله للصيد بمهنى عدم الأنشغال بمشاكل المنزل او العمل وتفريغ الوقت للصيد وكل هذه العوامل تجعل الصياد يذهب الى رحلة الصيد ليجلس اكبر وقت ممكن وهذا لمصلحته فالبحر متغير

طريقة التعامل مع المرامي (أماكن الرمي)

فكل سمك وله مرماه بمعنى الدنيس في موسم شهر اكتوبر الى شهر ديسمبر يفضل الرمال الخشنة وبعد شهر فبراير فيكون لى الوعر القاسي والقاروص في الشتاء يعيش في الجروف البحرية وهي حفر رملية بفل الأمواج والتيارات البحرية ونستطيع ان نلمسها بالنظر في الشاطيء نهارا بحيث ان الأمواج لا تنكسر عندها مثل بقية الشاطيء والشراغيش والحلاليف والبطاطا غالبا ما يفضلون الجحور الصخرية العميقة وخاصة بالصيد اليدوي

اما المرمار يفضل البقاء في الشواطيء الرملية قبل او بعد القش المدفون في الرمال ليتخبأرمن الأسماك الكبيرة والكل يعشق الماء المستور اي البحر غير الصافي .

ومثل الصيادين يقول هي ساعة رزق في كل يوم ساعة واحدة ان رزقت بها كفاك الله بالخير والله الموفق

ملحوظه

نصيحة يخطأ بها كل الصيادين اول ذهابهم الى المكان المراد الصيد فيه ما ان وجد صياد مثله حتى يسأله عن احوال الصيد في هذا اليوم وهو خطأ فادح فأنك لن تستفيد شيء من هذا السؤال سوى سوف تجرب رمية او رميتين وبمجرد عدم اكل السمك ستحبط وترجع الى المنزل زالعكس صحيح انك لو قال لك ان السمك وفير وجلست ساعتين ولم تأخذ سمكا ستكمل باقي اليوم وهذا هو الأمل نعم الأمل في الله ثم اليمان بالرزق

The post عوامل نجاح الصيد في البحر المتوسط !! appeared first on ملوك الصيد.

في إنتظار أي أضافه أو تعديل 🙂

The post قائمة الأسماك المتواجدة في البحر المتوسط appeared first on ملوك الصيد.

وجود تجمع كبير من السمك ونوع السمك ده بياكل بشراهه وفي مجموعات واحنا عايزين نجيب منه اكبر عدد في اقل وقت

وكمان نكون بنرمي على اعماق كبيرة (زي ما بيحصل مع الغزيلة) والسمك موجود باعداد فبنكون محتاجين اننا نحاول نوقع عدد اكبر من الاسماك لتوفير المجهود المبذول في كل رمية على هذا العمق الكبير

طيب لو بنرمي من الشاطئ بالماكينة بيكون الهدف منها هو نفس الهدف لاننا بنرمي مثلا على مرمار او غلانفيش وده بيدخل على شكل مجموعات كبيرة وبياخد لفه في المكان ويروح وبعد شوية يرجع تاني وهكذا فبالتالي بنحاول اننا نصطاد منه على قد مانقدر في كل لفة من لفاته

طيب لو بالبوصة والفلة او حساس بتكون لنفس الاسباب مع اضافة انها بتغطي معظم عمق المية تحت منك وده لاننا بالبوصة اليد بنرمي على اعماق صغيرة وبكده لو السمكة على اي عمق حتاكل معاك

ومن الاهداف المهمة للسبحة عموما انها مش بتحتاج انك تزفر المكان لانها تعتبر اداه لتجميع السمك وده لوجود عدد كبير من السنار وبالتالي فيه عدد كبير من الطعم

• طيب انا عمال ارغي ولسة ماقلتش اللي انا عايز اقوله ..اللي هو
  

ان نوعية الاسماك اللي بتدخل على شكل مجموعات بتكون احجامها اصغر بكتير من الاسماك اللي بتكون بشكل فردي وبالتالي اذا اكل معاك سمكتين او تلاتة او حتى السبحة كاملة ده لا يمثل اي مشكلة مع الصياد المتمرس لان في المجمل بيكون مجموع الاوزان لا يتعدى الاتنين كيلو

لكن تخيل ان سمكتين الواحدة فيهم 3 كيلو دخلوا على السبحة الموقف يكون ايه؟؟؟؟؟؟

وللسبب ده لما تحب ترمي على حلبوش او قرفص او وقارة مش بترمي بسبحة لكذا سبب

اولهم واهمهم

ان السمك ده من ساكني الوعر فبنحاول اننا نقلل فرص التوعير لاقل درجة
فلو رميت بسبحة فرصة التوعير بتكون اكبر بكتير

ثانيا :

لو رميت على السمك التقيل ده غالبا بترمي بحية على الارض لو سمك كبير فعلا وبكده مش بتحتاج سبحة لان كل اللي بتحتاجه سلاح واحد وحية واحدة وبترقد للزبون

وفين الواير من الكلام ده كله .. الواير امتى بنستخدمه ؟؟؟؟

بنستخدمه لما بنرمي على سمك بسنان
وزي ما قال قبل كده استاذي الباشريس (سامح ابو مصطفى) ربنا يديله الصحه
السمك ده زي المياس او الدراك وفي البحر الاحمر البراكوده

وخليني اتكلم على اللي اعرفه وهو البحر المتوسط

لو بنرمي على سمكة بسنان بنرمي عليها ازاي
يا اما تسويح (حية على العايم)
او ترقيد (حية على الارض او بين الميتين)
ومعروف ان السمك ده بيدخل فرداني او سمكتين

يبقى حنحتاج السبحة في ايه
اعتقد ان الهدف من استخدام السبحة منعدم ؟؟؟

ثالثاً ..

نفترض اننا بنرمي بسلاحين او تلاته
وضرب عليك سمكتين مع بعض من الاوزان المحترمة
وواحدة منهم فرغت وطبعا ده بعد ما يكون السلاح شكها
في الحالة دي شبه مستحيل ان السمكة اللي اتشكت وفرغت دي تدخل عليك تاني

ده غير انها بتفزع اي سمكة موجوده عن طريق صرختها في المية
يبقى احنا كده فقدنا احتمال اننا نجيب سمك تقيل تاني من نفس المكان

لكن لو انت شغال بسلاح واحد
وركزت على سمكة واحدة في التعامل معاها لغاية وصولها للمركب بفضل الله
حتقدر ترمي تاني علشان اختها اللي موجوده تحت

رابعاً

معظم السمك اللي بسنان سمك بيجري
اول ما تشكمه تلاقيه بيصرخ يمين او شمال
فتخيل ان معاك سمكتين من النوع اللي مش بيتفاهم واحده منهم قفلت معاها انها تروح يمين والتانية راسها والف سيف انها تروح شمال
حتسايس اي واحده فيهم
انا بقول ان احتمال ضياع السمكتين في الحالة دي ممكن يوصل ل 90 %

خامساً

طريقة الصيد نفسها وهي ان لما بترمي على سمك بسنان بتعمل الليدر واير وقبله شعر عادي بطول 5 متر او اقل بحاجة بسيطة
طيب حنعملها ازاي في السبحة ؟؟؟؟؟؟؟؟؟

اما بخصوص لون الشعر وتاثيره فرأيي الشخصي ان السمكة لو جعانة حتدخل على الطعماية ولو رامي بحبل غسيل

لكن لو مش جعانه بنحتاج اننا نتحايل عليها عن طريق الشعر الفلوروكربون او الشعر الخفيف وبيعتمد على خبرة الصياد في التعامل مع السمكة

فيه عوامل ليها تأثير على لون الشعر المستخدم اهمها
هل الصيد بالنهار او بالليل – لون المية – حالة البحر – حالة القمر
على سبيل المثال لا الحصر

انا عن نفسي باهتم جدا بلون وحجم الليدر لكن الشعر الاساسي فاهميته اقل

الخلاصة من وجهة نظري اللي بتحتمل الصواب

لازم نحدد الهدف من استخدام طريقة الصيد عن طريق العوامل اللي بتستدعي استخدامها (نوع السمك المستهدف – اسلوب السمك في الدخول على الطعم – عمق المية – طبيعة الارض – الاوزان المتوقعة في المكان وده بييجي من خبرة الريس وخبرة الصياد نفسه في نفس المكان)

ملحوظة:

برجاء عدم ذكر سمك القراض على انه من الاسماك المستهدفة في الصيد لان ممكن يكون فيه صيادين مش عارفينه وبالتالي ممكن يعتبروه من الاسماك اللي ممكن يطلع عليها

انا اسف اني طولت جدا في عرض وجهة نظري الشخصية
التي تحتمل الصواب او الخطأ واي تعديل عليها على الرحب والسعة

•  ازاى تعمل سبحة جر ..

The post تبسيط صيد التسقيط ||تفسير المعاني .. عن السبحة الأسكندراني appeared first on ملوك الصيد.

بخصوص عدة التسقيط في اسكندرية كالآتي:

1- البوصة

• من 1.50 / 1.80 / 2.10 …لبلوب طري (كورسا أو دايوا )
• ال 1.50 لصيد أسماك الوعر (شرغوش.. كحلة ..سبارس..موزة )
• البوصة مقاس 1.80 /2.10 للغوزيلة (علشان تعرف تعمل قرمة بها 15 سنارة

2- الشعر

40 أو 45 على ماكينة قوية وناعمة

3- مدور مشبك صغير يربط فيه خيط الماكينة لتركيب الوش فيه

4- السنار

• مقاس 8 و 9 كفتة لصيد الوعر
• ومقاس 6و 7 كفتة لصيد الغوزيلة الكبيرة 
• مقاس 5و6 كرش لصيد الدنيس

5- شعر الوش 25 لصيد الوعر ومقاس 30و35 لصيد الغوزيلة
6- الرصاص 50 جم للوعر و120 جم للغرق ويزيد الوزن بزيادة العمق وقوة التيار
7- رصاص حمص لحبس الرصاص الثقيل

8 -الطعم

(برغوت / عقر / نطاط ) لصيد لصيد الوعر والغوزيلة سردين وعقر للدنيس والجرار شتاءا

أما بخصوص صيد الترقيد في حالة وجود قرص من سمك كبير فالعدة المطلوبة هي

لينسة شعر 70 أو 80 + سنار 02 + رصاص خفيف 30 جرام مثلا وربط السنار في الوش على طول بحيث تكون السنارة بعيد عن الرصاص 1.5 متر تقريبا

والطعم سمكة حية ( مش شرط تكون صاحية )

نصائح عامة للصيد بالتسقيط :

– مش هتحتاج لعود أطول من 2 متر او 2 متر و نصف … و مش هتحتاج أعواد تليسكوبية …

– كن جاهز ببدائل … يعني مثلا خيط 40 علي مكنة و ممكن مكنة تانية احتياطي عليها خيط 50 .. او علي لنسة

– كن جاهز بـ “لبارة كاليماري” متركبة علي خيط جاهز … لأن وقت ما تشوف الكاليماري جنب المركب مش هايستناك علي ما تركب اللبارة في الخيط! الكاليماري عادة لا يستقر في مكانه

– كن جاهز لأي شيء و كل شيء لإن انت تحت منك بحر و متعرفش البحر فيه ايه! عشان كدا لازم يكون معك سنون من جميع الأحجام، تنويعة كبيرة من الخيوط بما يتناسب مع السنون، رصاص من جميع الأحجام، غماز .. ممكن تحتاجه، موتور هواء لإعاشة الطعم الحي، قفاز، فوطة، بنسة او زرادية و قصافة، سكين لتقطيع الطعم و مقص … الخ ..

باختصار، كن جاهزا لجميع الاحتمالات حتي و ان كان الإحتمال 1 في الألف، لعلك تصيب الـ1 و ليس الـ999 !

The post تبسيط صيد التسقيط || صيد التسقيط في الإسكندرية || 1 appeared first on ملوك الصيد.