تجهيز العدة
عود الخضار يتميز بالخفة والطول والمرونة العاليةيعنى لو عود 4,5 ويكون خفيف ومرن يباة جميل للخضار ومن افضل الانواع المرنة عود اسمة (sales star) لاكن للاسف مش موجود جديد لاكن لو لقيت واحدقديم وسليم يندفع فية اى ثمن يركب علية مكنة صغيرة وذلك لخفة الوزن لان صيد الخضار لازم تكون شايل العود على طول خيط المكنة 25 وذلك ليكون سلس فى الفك واللم
الغماز
بيكون كبير اكبر من غماز الطعم مرتين وطويل والحبسة بتعتة اسمها الراية معروفة حبسة غماز الخضار وبعدين التقل ويكون مناسب للغماز ثم نقوم بتركيب المدور او المشبك ويكون صغير بعد كدة خطوة مهمة وهى وزن الغماز برصاص لف
و هو عبارة عن ورق رقيق من الرصاص موجود عند محلات العدة نقطع منة ونلف فوق التقل ونجرب فى المية لحد ميغطس الغماز كلة ميظهرش غير الراية بعد كدة نركب الوش ويكون من خيط 20 ويكون طويل لا يقل عن 70 سم واحيانا يصل لمتر او اكثر والسنرتين يكونو مقاس صغير جدا والمسافة بين السنرتين والغماز تصل الى مترين وبكدة نكون جهزنا عدة خضار 100 100
مكان الصيد
نختار المكان المناسب ودائما يكون مكان ميتة حامية او دائمة الجريان ويسلام لو امام مردة (المردة دى فى الترع وهى المكان اللى الحريم بيغسلو فية الحلل ههههههههه ) لان امام المردة فى الغويط بيكون مجمع سمك بسبب بقايا الطعام ونطعم السنارتين
اولا نجيب خضارة طازا لونها فاتح ومش دبلانة والخضارة الحلوة لو دققت هتلاقى فيها دود صغير جدا شكل الطعم ونلفها فى خيشة مبلولة ولا نعرضها للشمس
طريقة الصيد
ناخد منها نسيلة طويلة ونلفها على السنارة بحيث تكون مدلدلة منها حوالى 15 او 20 سم ونسمى ونرمى جوة بحوالى 3 او 4 متر والرمى يكون عكس اتجاة المية ونفتح الخوزة ونسيب الغماز يسحب الخيط بقوة جريان المية ويكون فى انسيابية تامة لو حتى نناول الغماز باديناومنخليش اى حمل على الغماز اكنة حر مش متصل بحاجة والرمى عكس اتجاة المية عشان نطول مسافة مشى الغماز ونسيبة يمشى حوالى 20 متر او اكتر طبعا كل اللى باين من الغماز الراية
اول الغمز تبتدى الراية تنزل وتطلع نسيبها وبعدين تغطس وتطلع نسيبها طبعا وهية مشية بعد كدة تغرق ومتطلعش خالص فى الوقت دة بنكون حررنا الخيط يعنى قفلنا الخوذة ولمينا البوش ونضرب ضربة قوية مش شكم لا لان السمكة بعيدة الخيط مطاط فلازم الضرب بقوة
السمكة لازم تطلع من المية بالطريقة السليمة عشان متخسرهاش وتزعل
انتبة ان الوش 20 والسمكة ممكن تكون ثقيلة فلازم تكون ظابط تشريق المكنة وتسايسها لحد متجيلك مسلمة
ملحوظة التفاصيل دى كلها مهمة ومش مبالغ فيها وطناش اى حاجة منها هتفرق معال ودى خبرة مرمطة على المية
ارجو ان اكون استوفيت هذة الطريقة وعفوا على الاطالة
