هل طقس اليوم مناسب للصيد ؟
معلوم الصوت تحت الماء فهو اسرع من الصوت في الهواء باربع اضعاف = 1500 م/ث تقريبا وبرده ده يختلف من ميه لميه على حسب كثافة الميه …
ومن وجهة نظرى ان السمك عنده حب الاستطلاع يعني لما بيسمع صوت الرفاص وحركة الميه بيروح رايح وراء الصوت والميه عشان يعرف هو فيه ايه والله اعلم
ومشمش معنى ان الموتور داير يبقى الرفاص شغال ؟؟
لان لما بنحب نقف بالمركب underway او بالمصطلح الدارج (اندراوه) بنفك تعشيقة الرفاص يبقى في الحالة دي مافيش تقليب للمية تحت المركب
وبما اننا بنسقط على عمق لا يقل عن 30 قامة يبقى الصوت الصادر من الموتور مالهوش تاثير على العمق ده وبكده سمك التسقيط بنلاقيه بياكل عادي جدا
اما في حالة الجر بيكون الرفاص شغال وبيقلب المية وراه وهنا ييجي الاستفسار !!
ايه هو الطول المناسب للشعر اللي ممكن اسيبه ورايا بحيث الرابالة تاخد عمقها المطلوب
وكمان مايكونش لتقليب المية ورا المركب بفعل الرفاص تاثير سلبي على هجوم السمكة على الراباله
أنا كنت باجر من زودياك ورايا رابلا علي بعد مش أقل من 100 متر وحاجه ضربت معايا من المسافه دي بس البوصه خفيفه لسه قلت أطلع الرابيلا أبص عليها والله دراكه لا تزيد عن 2 كج دخلت علي الرابيلا من جانب الموتور بالظبط لما كلنا ضربنا كف علي كف وطلعتها قي وسط دهشتنا كلنا
لكن في اعتقادي أن زيادة طول خيط الجر عن 60 متر يؤثر سلبا على العمق والحركة المطلوبين للربالة في الماء لتبدوا طبيعية وتجذب السمك والأفضل أن يكون طول الخيط من 30 ـ 55 متر ..
أما صوت الموتور فلم ألحظ له أثر سلبي وكثيرا ما دخل سمك تسقيط أثناء دوران موتور المركب وهي واقفة
وللحديث بقية أن شاء الله
