تعريف المدور
هو مكان يلتف به جانب النهر او الترعه لتاخذ شكل نصف دائره فتهدا حركه التيار فيها ويتم استخدام سنار رقم 7 او 8 فرنساوى مع خيط 30 او 35 مع تظفير الدور بقطع صغيره جدا من العيش المبلول بكميات قليله على فترات حتى يتم جذب السمك للمكان وليس بكميات كبيره حتى لا يشبع السمك
العجين
يتم عمل العجين عن طريق عجن عيش بلدي مستوى وليس نىء بالماء عجنا مستمر مع اضافه الماء حتى تصبح عجينه مرنه ويتم وضعها على شكل كور صغيره تغطي السناره كلها فيتهافت عليها السمك الصغير اولا ثم ينجذب اليها البلطى الكبير ومبزه هذه العجينه هو تماسكها فى تيار الماء بالاضافه الى تفتت الرده من العجينه الموضوعه على السناره وانتشارها فى مكان الصيد مما يجذب مزيد من السمك
العجينه اساسا للصيد من اول ضؤ نهار الى اخر ضؤ و لو انى قد استخدمتها بالليل لصيد القراميط لنفاذ الطعم الذى كنت اصتاد بيه وعلى فكره انا كنت بصطاد بعنب بناتى وعيب الصيد بالعجينه فى الليل هو ان السمك بياكل على فترات متباعده ولكن حجم السمك كبير ولذلك لا تستطيع العجينه الصمود على السناره فترات طويله
العنب البناتي
يتم استخدام العنب البناتى في الاماكن التى يكثر فيها سمك القراميط و القرموط سمكه رمرامه تاكل اى شىء و العنب البناتى يستهويها وقد تعلمت الصيد بالعنب عندما ذهبت الى جمصه ولم اجد ما اصطاده فى البحر فاتجهت الى الترعه التى تصب فى البحر فوجدت صياد عجوز علمنى الصيد بالعنب وهى طريقه سهله
للصيد بالعنب يستخدم شعر 40 على الماكينه وشعر 35 لترميل السنون والسن المناسب للعنب هو رقم 6 او 7 فرنساوى والقراميط تفضل المياه الهادئه وليس السريعه ويجب التعامل بصبر مع السمكه حيث انها سمكه قويه و ممكن تقطع الشعر
يتم تثبيت سنارتين اسفل الرصاصه لان القرموط يتغذى من القاع bottom feeder على بعد 25 سم للسناره الاولى و 50 سم للسناره الثانيه و يتم ادخال 7 حبات عنب الى 10 حبات فى منتصف العنبه بحرص مكونه شكل حبات السبحه ويكون العنب مغطى السن وبقيت العنب مثبت فى بقيه الخيط اعلى السناره وعند جذب السمكه للطعم لا يتم جذب البوصه سريعا حيث ان القرموط بخطف حبه او اثنين من العنب ويبتعد ثم يحوم مره احرى حول نفس المكان مبتلعا للصناره وبقيه العنب وهو فى صيده ممتع حيث انها اسماك قويه
الصيد بالريم
أولاً : لو كنت عايز أصتاد بالريم فيه نوعين من الريم ( الزفر ) و (الأسواني) أما الزفر بيكون مش مغسول كويس و خشن حبتين ولونه أخضر غامق و فيه دود أحمر رفيع جداً ( الدود مش شرط) أما الأسواني فلونة أخضر زرعي و شعره طويل و نظيف جداً (وده ليه أكله و ده ليه أكله) بمعنى إنك لما تكون رايح تصداد في حتة جديدة بالريم تاخد معاك ورقتين زفر وورقتين أسواني و تحضر الدور بتاعك و تجرب الزفر ساعة و الأسواني ساعة و تشوف أنهين فيهم إلي (هتقبل) أكثر
بالنسبة لتحضير دور الريم فيه طريقتين بنعملهم
الطريقة الأول :
((ودي بستتخدم في الأدوار الضيقة)) وهية نجيب ورقة ريم (لفة ريم 50 جرام ) و ناخد قبضتين طين من الأرض و نقسم ورقة الريم إلى جزئين و نحط الريم بالطول في كل قبضة طين بحيث يكون فيه شرشوبة من النحيتين و نرميه في المية في عكس إتجاه التيار بمسافة 20 متر من المكان إللي إنته قاعد فيه و الطين هيتفتت لوحده و يخرج الريم شعرة شعرة .
الطريقة الثانية :
و تسمى البراشوت (ودي بتستخدم في الأدوار المفتوحة)) وهية بتاخد من الريم هنا مجموعة شعر بمجموعة شعر المجموعة بحيث نقسم ورقة الريم على عشرة و نربطها بخيط قطن في حجر صغير في حجم البلحة وتلقى بالعشرة في شكل نصف دايرة حولك و على مسافة 20 متر ويفضل في صيد الريم إن يكون الدور بجوار الليخة (نبات الحلفا أو البوص)
