موضوع جدال كبير جدا جداااااااااااا عن طرق الصيد ..
ببساطة شديدة جدا كلها أساليب صيد و دى هواياتك تشوف انت بتستمتع بأي طريقة و اشتغل بها
كلها وسيلة لهدف واحد انك تستمتع و تطلع السمكه من المياه
و الأكيد اللى كل الناس هتتفق معايا فى أن القاعدة الوحيدة في الصيد أنه لا قاعده له
هنتكلم عن عوامل الأمان
فى اسلوب الأمان فى العود و المكنه أعلي بكتير من اللنسه دا صح جدا .
بس بعد فترة من تعودك على اللنسه هتعرف تتعامل معاها بأحترافيه و هتبقى نسبة الإصابات أقل بس موجوده
تقدر تجيج باللنسه يعنى صح و لا غلط ؟؟😏😏😏
انا شوفت ريس بيجيج ادامى باللنسه و طلع سمكة بسم الله ما شاء الله يعنى كده ينفع
طيب صح تجيج باللنسه ؟
طيب تستخدم الطعم مثلا كذا للسمكه كذا؟
طيب ينفع اتعامل مع السمكة كذا بالشكل دا صح و لا غلط؟
الحقيقى أن الصيد مفهوش صح و غلط الصيد فى اساسيات تعتمد عليها و تأكيداً لكلامي اكتشاف طرق جديدة عن الطرق القديمة زى الجيج و الكاست و غيره
طيب الصيد باللنسه امتع و لا الصيد بالعود و المكنه امتع ؟
طيب التسقيط اروع و لا الوش؟
محدش يقدر يحكم على الموضوع دا غيرك انت كاصياد حضرتك أنهى طريقة بستمتع بها هى لانك انت اللى بتصطاد مش حد غيرك يبقى انت اللى تحكم مش حد تانى
طيب فى انواع سمك بيطلع على اللنسه و مش بيطلع على العود و المكنه؟
كل انواع السمك بتطلع بأي طريقة و دليل بسيط أن فى ناس طلعت تونه على خيط بس مش الأحجام التقيلة اووووى محتاجه معدات خاصة و ناس طلعت دراك و براكودا احجام على الخيط الفكرة هنا مين اللى بيتعامل و خبرته ايه بالاداة اللى بيتعامل بها
مثال بسيط يوضح الفكرة
هات مبتدء معاه اغلى و أقوى عده فى العالم و صيد محترف بالخيط و اتفرج فى الاخر على النتيجه
عملية القياس و الاستدال المنطقى لا تصلح إطلاقاً مع الصيد لانه رزق من الرحمن اقسم بالله فى ناس بتجيج بالمفتاح الانجليزي و طلعت سمك احجام و الفيديو على اليوتيوب تقولي قياس و أصل فلان بيقول لا مينفعش
بس كل طريقة و لها أدواتها
انا واحد من الناس اللى مش بتعرف تمسك غير خيط بس و متعتى كلها فى الطريقة دى و اول ما اتعلمت كنت بصطاد بالعود و جربت اللنسه سيبت العود و ممسكتش غير الخيط
لدرجة أنى دلوقتى مش بعرف امسك العود اصلا و عدتى كل خيوط بس لانى لقيت متعة الصيد بالنسبة ليا فى الطريقة دى أصبحت بستمتع بها انا طالع اصطاد علشان أنا اللى استمتع مش حد تانى
فى الاخر انا مش محتاج انى اقنعك أن اللنسه امتع أو احسن أو اقوى
و لا حضرتك محتاج تقنعنى أن العود و المكنه افضل
كل واحد حر بطريقته و كل الطرق حلوة و ممتعه بس بالنسبة لشخص نفسه
القاعدة الوحيدة في الصيد أنه لا قاعده له
الصيد مفهوش صح و غلط بس ليه اساسيات
استمتع بالشكل اللى انت شايفه صح
