مكونات العجينه
- 1-نصف كيلو دقيق (طحين)
- 2- ربع ك رده (نخالة القمح)
- 3- ربع ك عليقه زفره ودي بتتباع عند العلاف (تاجر الحبوب) عباره عن دشيش ذره وبادي وسمك مطحون بيتباع عليقه للبط والفراخ
- 4- اربعة فص توم
- 5- زيت علبتين تونه
- 6- ملعقه صغيره ملح
- 7-ملعقتين كبار سكر
طريقه عمل العجينه
نقوم بنقع العليقه الزفره في كوب ماء لمده ساعه واحده هاتشرب الميه نضع عليها التوم بعد فرمه والملح والسكر
وتجيب طبق واسع اوحله صغيره وتحط فيه الدقيق والرده وتعمل فيه بركه في نصه وتحط العليقه بعد مادربتهم علي بعض كويس
وتبدا تقلب علي بعض مع اضافه الماء واحده واحده الي ان تتماسك العجينه وتصبح ناعمه وتختفي فيها الاضافات الي حدا ما ثم ابدا باضافه زيت التونه وتعجن كويس كده خلصت
طريقه تحضير عجينة البلطي
حطها في كيس بلاستك ودخلها التلاجه اسفل الفريزر مش في الفريزر عشان ماتتجمدش .. ليه؟
لأن فالفريزر هاتسيح بسسب زياده ميتها وهاتلزق في ايدك وانتا بتطعم ومش هاتغيب في الميه
بعد ماتطلعها وهاتشتغل جزئها لكور مثل حجم الليمونه وكل طعمايه هاتكون بحجم حبه البسله كده مش كبيره ولا صغيره يدوب تداري السلاح وتبين السن عشان يشك في بق السمكه عند الشكم
اوقات العمل بالعجينه
من بعد الفجر حتي بدا سخونه الجو علي الساعه 9 صباحا وده وقت كافي جدا باذن الله يكون ربنا كرم بشويه سمك حلوين ممكن تروح مبسوط طيب لو عايز اكمل لو انا بيتي قريب من الدور اللي انا بصطاد فيه عادي اول مالجو يرطب عالعصر كده انزل بيها تاني لغايه بعد المغرب بنص ساعه بعدها ياتي شغل دود الارض وده معشوق البلطي ليلا رقم 1 في جميع الطعوم
العده المستخدمه
عود عادي 4 متر او 3 او 5 علي حسب بدايه الميه العميقه في الدور او عود مكنه زي ماتحب الاساسي هايكون 30 او 35 كتيره ترميل معاك من 15الي30 السلاح 9ملوي اولطش
مع وافر تحياتي بالرزق الوفير
