كل شئ عن قصبة صيد السمك

الموضوع النهارده عن الفروقات بين العيدان ( Rods ) و علي أي أساس بختار العود بتاعي .

أولاً لازم أعرف انه في أختلافين أساسين بين العيدان .

• conventional Rod
• Spining Rod

الكوفينشنال بيكون لمكن الجر و الكوفينشنل جيجينج و البيت كاست و بيتميز بعدد حلقات كتير و أول حلقه بتكون صغيره و قريبه من مكان المكينه ( reel Set ) و بيكون فيه زناد تحت مكان المكنه (هيرفق صوره ليها ).

و بيكون نقطة عزم العود عكس أتجاه الحلقان زي عيدان الجر .

النوع التاني و هوه العادي جدا و بيكون عدد حلقاته أقل و الحمل بيكون علي الحلقات و غالباً بيكون أول حلقه كبيره نسبياً ( طبعاً بتفرق علي حساب تصميم العود و الهدف منه أذا كان للجيجنج أو البوبينج مثلاً)

الأختلافات بين العيدان ( rods )

اولاً :

Cast weight

مثلاً 100-180 جرام

بمعني ان البوصه هتديك أعلي كفاءه لما تكون منظمتي من رصاصه و طعم .. اللخ من 100 الي 180 جرام لو زاد عن كده أو أقل كفاءته بتقل .

بالنسبه لبوص الجيجينج بيكون مكتوب عليها Jig Weight بدل ال cast Weight و هيه نفس الفكره . أنك تستخدم جيجات في رينج الوزن ده . بالنسبه للبوبينج و الكاستينج بيكون مكتوب عليا Lure weight و هيه هيه نفس الفكره .

ثانيا :

أكشن البوصه .

Fast – Medium – Slow

الجزء ده مهم جدا لتحديد حركة البوصه معايا و لازم اعرف أنه كل ما كان البوصه fast action ( جبره ) حمل السمكه و الجهد علي أيدايه بتزبد لكن في نفس الوقت عزمي بيزيد .

و لو كان slow action بيكون حساس جداً لنقر السمكه و عزم السمكه عليا قليل لكن في نفس الوقت في الأعماق الكبيره مع الضغط الجوي علي الرصاصه و وزن الرصاصه لكعة السمكه هتكون وحشه جدا لأن أغلبها هيكون أنثناء في العود و مط في الخيط في حالة الخيط المونو .

طول العود ..

بالنسبه بعيدان التسقيط العاديه زي ما سبق ذكره .. كل ما كان العود طويل وزن السمكه أللي انا حاسس بيه هيزيد بس عزمي عليها هيزيد و بالذات لو انت ماشي صح و بتسحب الخيط بي العود و بعد كده بتلم الخيط المسحوب بالمكنه .

عموماً هوه يفضل بالنسبه للتسقيط ميزدش طول البوصه عن 180 سم
بالنسبه لعيدان البوبينج يفضل أنها متقلش عن 210 سم .

ثالثاً :

Line rating
و معنها رينج الخيط المتوافق مع الفايبر .

مثلاً يكون مكتوب عليه line rating 50-80 LB
معناها أنه يفضل أستخدام خيط من 50 ال 80 ليبره معاه لأو زاد عن كده أداء العود هيقل و ممكن توصل في حالات الخيوط العاليه أوي أن نقطة أرتكاز العود تتغير و يكسر معايا .

الخلاصه :

1- أكشن العود أذا كان SLOW أو FAST و ده بيتحدد علي حسب الأداء المطلوب .

2- JIG WEIGHT أو LURE WEIGHT أو CAST WEIGHT
و ده بنحدد علي أساسها رينج وزن الجيج المستخدم أو الطعم الصناعي المستخدم للبوبينج أو الكاستينج .

3- line rating و ده علي أساسه بنحدد قوة الخيط المستخدم ,

أخيراً نوع مادة تصنيع العود

1- الكربون

و بيتميز بالخفه و التحمل و غالباً بتكون مادة تصنيه بوص الجيجنج و البوبينج من الكاربون و فيه بعض العيدان بتنزل بتقنيه النانو كاربون مثل Penn TRQ و بيكون أكثر أستعداداً للأنحاءات المفاجئه و طبعاً أكثر قوه و أغلي سعراً

2- الفايبر

و ده بتتصنه منه أغلب عيدان التسقيط العادي و الجر و بيكون أقل سعراً .

3- مادة تصنيع حلقات العود 

غالباً لعيدان الجيجنج و البوبينج بتكون شركتي fuji أو Alps و بتكون العيدان مصممه لمقاومة الأحتكاك مع البريد