موضوع مهم عن ازاي تستخدم الملقاف بطريقة صحيحة عشان ما تضيعش السمكة 🎣
اولا:
لازم تحاول تجيب السمكة من الرأس بإنك تنزل بالملقاف في المياه بهدوء و تحاول تخلي السمكة هي اللي تعوم لحد ما تدخل الملقاف، حتى لا تقوم السمكة بحركة مفاجأة تخليها تفلت من الهوك او الرابلة.
ثانيا:
يفضل ان الملقاف يكون مناسب لحجم السمك المستهدف، يعني لو انت عارف ان المكان فيه سمك كبير يفضل يكون معاك ملقاف واسع عشان ما تسيبش فرصة للسمكة مع اي حركة انها تخرج من الملقاف،
حاول يكون بالكتير الربع الأخير من السمكة بس هو اللي خارج برة الملقاف، لكن طبعا الأفضل ان شبكة الملقاف تاخد السمكة كلها عشان تبقى في المضمون..و ياما الواحد شاف ده بيحصل و صدقني احساس وحش اما تخسر السمكة بعد ما تكون في الملقاف 🙈😀
ثالثا:
حاول تستنى اما السمكة تقرب عشان تضمن انها تدخل الملقاف بسهولة من غير ما تنزل الملقاف المياه عشان السمكة ما تفزعش فتعمل حركة مفاجأة و تهرب، ده غير ان اوقات السمكة بتتحرك قبل ما تدخل فتلاقي الملقاف شبك في خيط السنارة
رابعا:
اول ما السمكة تكون داخل الملقاف بلاش ترفع السمكة باليد و حاول تطلع بشكل رأسي بإنك تسحب اليد واحدة واحدة و انت بتقرب ايدك من الشبكة عشان الحمل يقل على اليد و تتفادى انها تتكسر لا قدر الله، ده غير انك كده بتتقل الوزن على ايدك و تقلل التحكم
خامسا:
اختار نوع ملقاف يكون كويس و بلاش الأنواع الرديئة لأن الخامات بتفرق، في ملقاف اليد بتاعته بتكون ضعيفة و تتكسر من اي حاجة، ده غير خامة الشبكة فيها انواع نضيفة و تحسها مجلفنة عشان تقلل ان الهوك او الرابلة يشبكوا فيها و ده هيوفر عليك وقت كبير ان بعد كل سمكة تضيع وقت عشان تسلك العدة من الملقاف
ياريت لو حد عنده نصايح تانية او تعديل على اي نقطة يقول عشان كلنا نستفيد
