كلهم فصيلة الأمبرطور (( Emperor fish )) طبعا بيختلفوا فى اللون و الشكل

انما وقت الضرب او الأكل يكادوا يكونوا نفس الشىء بمعنى ضربة او اتنين جامدين فثانيتين فهدوء فضرب شديد و سحب وجرى

و اول ما بتشد عليها تشعر بأن السمكه بتحاول تاخدك لتحت بينما هى معرضه اصلا و عايمه بالعرض مع محاولة الأفلات من السن

طبعا ممكن تطلع معاك شوية و تلاقيها بتكرر نفس الموضوع تانى و تالت لحد لما ربنا يكرمك بيها

التوين و الناجل

انت اصلا بتكون معلق الطعم فوق الأرض ممكن بمتر او اتنين حتى و ده ما بيتفاهمش

يعنى هبده و خبطه واحده و كل اللى عليك انك تفضل معلق ايدك علشان ترفع دماغها علشان ماتدخلش الوعر

و تقدر تطلع بيها و ساعتها كأنك طالع بشوال بطاطس بدون ادنى مقاومة

و لو ان الناجل ممكن يعرض فى السكه

و طبعا كل الكلام ده على حسب الغزر و العمق يعنى الـ20 غير الـ40 فالميه الأقل المقاومه اعلى و اشد

البهار

نيجى للبهار و ده فى رأيى اعفى و احلى سمكه فى ضربها لأنها ما بتتهدش بسهوله و بتضرب بدماغها في اتجاه الأرض و تطلع مترين تلاته و تكرر نفس الحكاية و هكذا ممكن خمس ست مرات قبل ما تتعب

القرش

القرش هيسحب الخيط منك زى الصاروخ و بالكاد لو قدرت تصد عليه خصوصا لو حجمه كبير بالأضافه الى انه هتلاقيه بيبرم و يلف حوالين المركب و ممكن يجيبلك الخيوط كلها فى بعض

الرباج أو الفسكر أو أبو كحله :

تنقر مرة والتانية والتالتة تخش على الطعم وهي طالعة تعمل 3 دكات ( وقفات أو فرملة) وتكررها لغاية ما تطلع

المرجان

سمكه قويه و معافره جدا و انت بتطلعها

و حتعرف انك معاك مرجانه لانك حتلاقى الخيط عمال يدك منك على طول كل شويه و لا تتوقف الى ان تصل الى المركب

و فى اكلها بتاكل بالراحه جدا لحد انك ممكن متحسش بيها

فخليها تاكل منك شويه و بعدين شد عليه

البياض

بتعوم لفوق تحس ان السمكه هربت

ابو شراره

ترعش الخيط وتحس ان الخيط مسكت فيه الكهربا

The post أزاي تعرف نوع السمكة قبل ماتطلعها من البحر ؟؟ appeared first on ملوك الصيد.

كل دة بيتوقف عليه طريقة او اسلوبك فى الشكم وهل انت ماسك على ايدك ولا مريح العود ومستنى الضرب , وسلوك السمك فى اليوم الواحد ثابت ولا متغير ,

مثلا .. ممكن الدنيس يكون بالع بسيبه ياكل ومش بحتاج اشكمه وفيه اوقات بيمشى بالطعم ولو رديت فيه مش بتلاقيه

او بياكل ويجى معاك بعد ماترد عليه ويسيبك فى نصف المسافة ويخليك تشد فى شعرك 😅 وتهبد على الارض وتفزع باقى السرب ناهيك عن انه صرخ بعد الشكة ,

تحديد الهدف

انا باوصل المصيد وبسمى الله وبستهدف سمك معين وبعمل قرمتى وسلاحى المعين والطعم ايضا على فكرة بيحدد اذا كنت هاترد بسرعة ولا هاتستنى عليه وخصوصا لما تكون الطعماية خشنة لانه مش من المعقول تكون رامى بجرايه واول ماتنضرب تشكم …

انسى بكدة انت بتقول للسمكة اهربى وهناك السمك اللى بيكون بالع ونايم كل دة محتاج منى رد فعل مناسب فى الوقت المناسب وبجمع كل دة فى دماغى فى ثانية او اتنين.وبعدها ببدئ اعمل الاكشن المطلوب , ولازم علشان اتكلم يبقى اخد كل سمكة واتكلم عليها ارد فيها ازاى ,

البوري و الدنيس

انما اكتر سمكتين ممكن نتكلم عليهم هم البورى والدنيس لان البورى مهما كبر حجمة فاسلوبه فى الاكل شكله ايه؟

سمكة حذرة جدا وبتشفط فى الطعم بل بتلحس فيه علاوة عن حجم الفم الصغير وسلاحى اللى انا شغال بيه هايسعفنى ولا بتحس بيه بالرغم من انى حاسس بانها تحت طعمى وكذلك الكارب بتضرب الاول الطعم بديلها فكل ده محتاج منى ذكاء وتشغيل دماغ

والدنيس بميت حالة مرة ياكل ويبلع وينام ومرة يضربك ضربة ويسيب ومره اخرى يمسك الطعم و يمشى بيه ومرة يهبد ويخطف ومش محتاج منك اى شئ غير انك تجمع عليه وتجيب السلاج من معدته وكتير فى بداية ظهوره بيضرب ويجى معاك ويسيبك

الفعل ورد الفعل 

كل دة لازم يوضع فى الحسبان وكلها عملية حسابية مش بتاخد منك غير كسر من الثانية للقيام بالرد فعل المناسب والوسط للشكم

لو سايب العود وشوفت الضرب من الطبيعى انى فى لحظتها بمسك العود والم البوش او احرر على الخيط واجر واحدة ولقيتها معاية بلكع بالهداوة فى لحظتها وفى احوال الم البوش وهى تاخد وش العود لتحت برضه اخدها واحدة خفيفة العكس ,

غير الكاستينج دايما اللكع بيبقى على جنب علشان دايما السمكة بتضرب اللور بجنب حنكها وهكذا , يبقى الشكم غير ثابت على حال او شكل واحد وكل حالة بحالتها وكل يوم بحسب سلوك السمك بالع مشفف هاجم بيلعب وهكذا

طبيعة الطعوم وتأثيرها على عملية الشكم ؟؟

كما نعلم جميعاً تنقسم الطعوم إلى :

١-طعوم صلبه

• كابوريا بانواعها واحجامها (سليمه او مقطعه)
• سبيط
• جراجولا
• بقاليديس
• قواقع بانواعها
• قلوب فراخ
• بطارخ خرز بتاعه الرنجه

مع هذا الطعم لا تقم بالشكم او الرد من اول مرة مع اول ضربه

خلي البوصه علي ايدك ومع الضربه التانيه او التالته استفتي قلبك وصوت دقته لو قالك رد رد مش بقوة ردة خفيفه مع لم البوش بسرعه

٢- طعم الديدان

كل الديدان بانواعها مع اول ضربه رد بسرعه وقوة متوسطه لان السمكه في الغالب معلقه لان الدود بيركب علي السلاح بنفس شكل السلاح فكأنها بتاكل السلاح فاضي

٣- طعوم الجمبري

(الميت او مملح او مقشر ) يفضل اظهار سن السلاح من الجمبرايه والرد مع اول ضربه بقوه وسرعه

٤- الجمبري الحي

(شطنارة عقر برغوت جمبري صيني (زي الشطنارة بس شنبه طويل ) جمبري رابسو زي العقر بس منقط وفي ناس بتسميه اسكنش

كل الجمبري الحي بأستثناء البرغوت بتحتاج صبر وقوة ملاحظه ودقه لان السمكه بتمسك الجمبرايه وتمشي بيها واول ماتحس بأعاقه بتسيبها عشان لازم نحس انها مسكاها ومصممه عليها وهنا بلم لمه خفيفه للبوش بحس ان السمكه وخداني ولا سايبه الطعم لو وخداني ارد بقوة وسرعه مع اخذ في الاعتبار حجم السمك والدراج المفتوح لان سمك الجمبري الحي غالبا بيكون احجام والملقاف طبعا

٥- الطعوم المملحه

زي السردينيلا والسردين وغيرة بتحتاج رد وشكم قوي لانها اول ماتنزل الميه بتبوش بسبب الملح فبتكون طريه والسمكه بتكلها بسهوله

٦- طعم الشرايح

(المياس وغيرة ) شكم ورد قوي جدا مع الانتباة لفتح الدراج وطيران السمك واتجاهه ناحيه الصياد بسرعه سرعه لم وعينك علي اتجاة الشعر والسمكه

٧- الطعم الحي

السمك (بوري بساريا مكرونه جعير كبريت زنجاريا زلغانه مرمار موزة اي سمك حي )

رامي علي الارض ولا عايم محتاج تركيز عالي

اولا انت رامي علي ايه؟

• اناشي
• قاروص
• وقار
• دراك
• سكمتشه
• مياس

كل السمك رد فيه بقوة وحنيه

يعني تكون جاهز للمسايسه الا الوقار لو وعر سباق بينك وبينه هو علي الوعر وانت علي الايس بوكس لو رمله العب واتمتع

٨- الاسماك الغلبانه

زي المرمار والنقط (ال ياما سترونا )

جرجر ولم وانا بصطاد النقط بسبحه ٣ كفته بدون طعم المهم يكون بيلمع اوي

الموضوع طويل لكن كل اللى نقدر نركز عليه هو .. !!

• نوع السمكه واسلوبها
• اتجاه التيار
• اتجاه الريح
• نوع الطعم
• شكل السنار
• ليونة العود
• السمكه ماسكه ايه فى الدور سطح او بين الميتين او غاطس
• طول الرمال إللى انت شغال بيه
• شغال حداف اوفله
• نوع الطعم

The post طريقة شكم السمكة .. مدارس واساليب !! appeared first on ملوك الصيد.

والماء العذب لفترات قصيرة لان اسماك البورى تتحمل مدى ملوحة Eurysaline ( صفر – 38 جزء / الف ) ومدى حرارى Eurythermal ( 53 – 535 م ) واهم الانواع التى تتميز بكبر هذا المدى هو البورى الحر ثم يلية الطوبار اما باقى الانواع فهى تميل للنمو فى الماء الشروب عالى الملوحة او المياة المالحة .

أشهر انواع البورى فى العالم ما يلى :

• 1. البورى المخطط ( الحر ) Striped Mullet .
• 2. البورى الذهبى ( دهبان او هيلى ) Golden Mullet .
• 3. البورى ذو الشفة الرفيعة ( الطوبار ) Thinlipped Mullet .
• 4. البورى ذو الشفة الغليظة ( جباش او فحار ) Thicklipped Mullet .
• 5. البورى الرمادى Gray Mullet .
• 6. البورى ذو الانف الحادة ( جرانة ) Sharpnose Mullet .

اما بالنسبة لبعض انواع البورى الشائعة فى البحر الاحمر فمنها:

• البورى الحر
• البورى السهيلى
• البورى الجيلانى
• البورى السويسى (بوري القنال) .

سمكة البورى طويلة الجسم منضغطة من الجانبين قليلا والفم كبير نوعا ما والاسنان اما صغيرة او غائبة ويغطى الجسم قشور دائرية تمتد حتى الراس , والراس صغيرة وعريضة ومبططة من اعلى ,

الزعنفة الظهرية الامامية صغيرة ومدعمة باربع اشواك والزعنفة الشرجية مدعمة بثمانى شعاعات , لايوجد على الجسم خط جانبى كما تتميز بسرعة السباحة وتتغذى على الطحالب والقشريات ويتم تفريخها طبيعيا فى البحر فى الربيع وفى المياة الضحلة .

يتمبز البورى الحر بصغر فتحة الفم , وجود اسنان صغيرة الحجم به , كما تحمل كل قشرة حفرة او قناة قصيرة , الجفن الدهنى يغطى جزء من العين , طول الزعنفة الصدرية 2 / 3 او 3 / 4 طول الراس , وعلى جانبى الزعنفة الظهرية الامامية عند قاعدتها زائدة قشرية يدعمها 3 – 5 اشواك ,

على قاعدة الزعنفة الصدرية بقعة داكة اللون , والون العام للجسم ازرق رمادى او زيتونى رمادى من جهة الظهر ومن جهة البطن ابيض فضى , توجد قشور على شكل خطوط طولية بطول الجسم رفيعة وداكنة اللون .

دورة حياة اسماك البورى :

اسماك البورى من الاسماك المهاجرة سنويا ند بلوغها الجنسى من المياة المغلقة الى مياة البحار للبحث عن العمق المناسب ودرجة الملوحة المناسبة والتيارات المائية ,… وغيرها الى تتناسب مع وضع البيض ,

فبعد النضج الجنسى لكل من الذكور والاناث تتجمع فى صورة مجموعات وتخرج من حيز المياة لمغلقة الى البحر محدثة تموجات خفيفة على سطح المياه , اى لا يبقى فى البحيرات الا الاسماك الصغيرة غير البالغة جنسيا .

ومع الفرض اذا وجدت اسماك بالغة جنسيا ولم تتمكن من الهجرة لعدم قدرتها على الوصول الى فتحات البواغيز التى تربط بين البحر والبحيرة فان مبايض تلك الاسماك غير المهاجرة تبدا فى الاضمحلال والامتصاص .

وهجرة اسماك البورى غالبا تبدا خلال اشهر الصيف والخريف , ويختلف ميعاد الهجرة باختلاف انواع البورى , فمثلا البورى الحر يهاجر فى الفترة ما بين شهرى سبتمبر – نوفمبر , اما الطوبارة ما بين اكتوبر – ديسمبر , اما الجرانة له موسمان اما مع اسماك البورى اى فى شهر سبتمبر ونوفمبر او فى شهر مايو من كل عام .

The post معلومات تهمك عن اسماك البورى appeared first on ملوك الصيد.

الأدوات المطلوبه

بوصة يد (قصبه)/ خيط صيد اساسي وفرعي / سنار 9 او 10 او 11 ويفضل ذو الساق / شريط من الرصاص للثقل / شليط (سلاح ثلاثي ) /فلة /مدور/

الطعم .

بالنسبة للطعم حسب نوع السمك البوري خبز بالردة او قلب خبز فينو او سردين اما لصيد البطاطا غالبا خبز بالردة او عجينة متماسكة لكي لا تذوب في المياه .

الطريقه

الصيد بالربع او الربعة (المشنقه) هو لنوعين من السمك مع اختلاف الطعم نسبيا اولا هو للصيد اليدوي بالبوصة اليد وتستخدم هذه الطريقة للمبتدئين أو صيد الأسماك للمحترفين لأنهم يعلمون كيفية ربط الطريقة ولكن الصيد نفسه بهذه الطريقة ليس بالصعب ولكن يكمن الأحتراف هنا بمعرفتك لطريقة الربط وطريقة اخراج السمكة الصيد بالربعة للبطاطا والبوري وتبعا لحالة الطقس وموسم الصيد وهي غالبا للصيد الصيفي

نأتي لصيد البوري نجلب خبز بالردة ويستحسن ان يكون غير طازج ثم نبلله بالمياه قبل الصيد بيوم ثم نقوم بالأتي بعد ربط عدة الصيد الفة ثم الرصاصة ثم المدور ثم الأسلحة وهي تربط مع المدور بمسافات مختلفة في الطول

بحيث لا تزيد عن شبر ولا تقل عن ثلاثة سنانير على الأقل وفوق الرصاص بشبر تقريبا او شبر ونصف نأتي بالسنار الملحوم ونربطه فرعي من الخيط الأساسي ثم نكور الخبز المبلل بحجم كرة البنج بونج او اكثر ونلف عليها شريط الرصاص

ولا ننسى عندما نلقي بالبوصة ان نلقها بخفة وعدم العنف لأن المستهدف الآن من الصيد هو سمكة غاية في الجبن وغاية في الهروب والحساسية وهي سمكة البوري هذه اولا وثانيا الألقاء او التنزيل بلطف كي لا يقع الخبز مع مراعات فرك الخبز بالرمال والتزفير تحت موقع الصيد حتى يتجمع السمك وخاصة البوري

وعند الأحساس بالسمكة سترى الفلة او الغماس سيتحرك قليلا او يثبت وعند الرفع قد تأتي السمكة من بطنها او ظهرها او فمها ونفس الطريقة في صيد البوري اصفر الأذن ولكن بسردينة منزوع راسها ومعلقة فيشريط الرصاص صيد الأسماك للمحترفين مع مراعاة التزفير بقطع السردين الصغير المطحون بالرمال .

الربع الحديد

عبارة عن خيط طويل فى اخره رصاصة شريط مش تقيلة وتحتها عدد4سنانير رقم4 وفوقها سنارة مروحة ويوضع الزفر على الرصاصة سواء كان عيش او سردين طول السنار ميزدش عن شبر

الربع المطعوم

نفس الربع الحديد ولكن يختلف فى عدد السنار وحجمه
نضع سنارتان 10 تحت الرصاصة و واحدة مروحة ويمكن الاستغناء عن المروحة طول السنار شب

صيد البوري بالساندوتش

• الشعر الاساسي 40
• شعر الفروع 30 او 35 وده لازم لان السمك اللي بيضرب عليك سمك تقيل
• السلاح بيكون حوالي من 15 ل 25 سنارة نمرة 20 او ممكن 18
• بنربط السنانير كلها طول واحد اللي هو حوالي 15 سم
  وكلهم يتوصلو في الشعر الاساسي من نفس المكان اللي هو فوق الرصاصة بحوالي 30 سم

الطعم المستخدم

الطعم بيكون عيش بلدي اسمر بنقطع الرغيف شرايط عرضها حوالي 5 سم وبنلفه على شكل اسطوانة بحيث يكون الجزء الداخلي للرغيف هو اللي برة , ونجيب استيك عادي من بتاع الفلوس ده ونثبت بيه العيش على الشعر الاساسي جنب وصلة الفروع صيد الأسماك للمحترفين

ونجيب السنانير كلها ونغرزها في العيش بشكل عشوائي ونرمي ونسيبها , وان شاء الله حتلاقي البوصة دي بتعمل زلزال تعرف ان معاك بوراية لا تقل عن اتنين كيلو ونص او تلاتة كيلو .

لما بيكون البوري عايم في المواني وموسع مش مرتاح للبر كنا بنرميلة بالساندوتش ولما بيكون غرقان ومريح على البر بنرميله بالبالون ولو بين الميات كنا بنرميله بالزفر والفلة.

صيد البوري في النوات

نعم البوري هو اكثر سمك يصاد في النوات والبحر الهائج نسبيا ولكن ليس بدرجة الخطورة عن طريق صيده في البرك والبرك هي الممرات المائية التي بين البلوكات او الصخور الخرسانية وهو الماء الهاديء وهنا يتواجد البوري

المعدات اللازمة لصيد البوري في البرك

بوصة لا تزيد عن 3 متر + خيط صيد لا يقل عن سمك 30 ملم وفورع 20 ملم + وعدد ثلاثة سنانير مقاس 7 ذو الساق الطويل كفتة + وخبز للزفر وعجين للبوري للتطعيم + والأهم غالبا ملقاف

هذه الطريقة هي للبوري الكبير والصغير ولكنها متخصصة للكبير فالبوري يهرب من النوات والأمواج المرتفعة الى البرك صيد الأسماك للمحترفين وخاصة بعد المغرب الى الفجر

ولكن لنجاح الصيد في البرك يجب الأبتعاد عن الضوء تماما والأصوات القريبة المزعجة والصياد سيجد عند انزاله الطعم لو كانت السمكة موجودة ستاكل الطعم وبالتوفيق للجميع .

The post تقرير شامل وافي عن طرق صيد البوري appeared first on ملوك الصيد.

و يمكن صيد  سمكة البوري بثلاث طرق

الطريقه الاولي

الصيد بالعجينه البيضاء

بالبوصه اليد والفله ” الغماز”

سلاحين متر مقسومه علي اتنين

الطريقه الثانيه

الصيد بالربع او المشنقه

ببوصه قصيره بين الصلبان والبلكات
عن طريق سلاحين قصيرين تحت الرصاصه
وسلاح موازي للرصاصه اعلي الرصاصه
اسمه سلاح مروحه
وعيش مبلول مفرول بلدي ملفوف علي الرصاصه
والتسقيط حساس بين الصلبان والبلكات

الطريقه الثالثه

الصيد بالساندونش

وهي طريقه الصيد عن طريق استخدام
العيش الفينو مقسوم من البطن علي نصفين
او العيش البلدي بنفس الطريقه
مع لف الساندوتش بسبحه اسلحه ملفوقه
بطريقه دائريه علي الساندوتش عن طريق غرس
السلاح في العيش
والرمي علي العائم في نصف المياه بالفله “شمندوره”
او برصاصه خفيفه علي الارض بصيد الماكينه”

معلومات هامه عن البوري الحفار

أسماك الحفار من أفضل أنواع عائلة البورى الموجودة فى بحيرات مصر وتحتل المرتبة الثانية بعد الهليلى من ناحية الجودة والنكهة

يمكن التعرف عليها وتمييزها لغير العاملين بهذا المجال بالعلامات الآتية

• سمك الحفار على جانبيه خطوط سوداء طولية
• عيونه سوداء وعريض من الوسط
• شفته العلوية لحمية إذا تحسسناها بأصابع اليد

وهى من الأسماك البحرية وتأتى إلى البحيرات المصرية عن طريق البواغيز كزريعة وتستكمل دورة حياتها بالبحيرة حتى تصل لمرحلة البلوغ الجنسى وتحمل البطارخ ثم تعود إلى البحر المتوسط لوضع البيض وتنتظر حتى يتم التلقيح والفقس ثم تعود الأمهات مع الزريعة لتبدأ دورة أخرى

البوري الحفار هو أحد أنواع العائلة البورية والتى يوجد منها 80 ثمانين نوع فى العالم ويوجد منها 11 نوع فى بحيرات مصر

The post للمحترفين || طريقة صيد سمك البوري بأكثر من طريقة appeared first on ملوك الصيد.

 ما هي الفوارغ

الفوارغ  هي اسماك منزوع منها البطروخ (حبل البيض) وهو عبارة عن بيض اﻷسماك وبعد تجهيزه ليكون (كافيار الغلابه) ويعد اغلى سعرا من السمك ذاته والفوارغ يبدأ موسمها من بداية شهر ديسمبر حتى 15 يناير من كل عام،

ويعتبر شهري ديسمبر ويناير هم شهور تخزين البطارخ لدي جميع محلات البطارخ و أﻷسماك المملحة ويعد منها الكثير للتصدير لدول عربية وعالمية وكل نوع من البطارخ لها سعر مختلف عن اﻷخر

تكوين البطارخ

تبدأ أسماك البوري والطوبار والسهيلي تكوين البيض «البطروخ» من اول نوفمبر وحتي نهاية ديسمبر وتظهر علامات البطارخ على اناث السمك من خلال انتفاخ البطن بشكل ملحوظ، وسمك السهيلي نظرا لحجمه الصغير وبالتالي صغر حجم البطروخ لا يتم تفريغه ولكن يباع مغلق بالبطارخ،

لكن اسماك البوري والطوبار يتم فتح البطن بـ«كتر» وسحب البطروخ بعناية وفصله مع جزء من لحم بطن السمكة للحفاظ عليه، ويكمل مزروع موسم البطارخ للصنف الواحد سواء بور أو طوبار أو سهيلي يستمر حوالي 45 يوم وتتداخل مواعيد المواسم الثلاثة.

اقبال تاريخي

ويُقبل المواطنين على شراء الفوارغ بكميات كبيرة، لرخص سعرها وجودتها، خاصة ربات البيوت اللائى يعرفن أجود أنواع الفوارغ وهي القاروص والبوري صيد بحيرة البردويل والبحرين اﻷبيض واﻷحمر

طهي الفوارغ

يطهي بطرق كثيرة اولها الصياديه وهي عبارة عن شربه حمراء بتقلية البصل والسنجاري في الصواني بالتوم والبهارات في الفرن والمقلي وصينية السمك بالطماطم في الفرن وطرق كثيرة يعرفها المدن الساحلية دمياط و بورسعيد واﻷسكندرية والبرلس والعريش والسويس واﻷسماعلية كل اهالي هذه المحافظات ينتظروا شهر ديسمبر من كل عام

قديما كانت البطارخ لها أولوية الإستخدام فى معالجة الضعف الجنسى، الآن أصبح لها بدائل طبية رخيصة الثمن وكثيرة لا حصر لها،

الفوارغ و الطب

وهناك رأي طبي للدكتور فايز حسونة اكد ان نسبة المعادن الثقيلة في اسماك بحيرة المنزلة اعلي نسبة لتلوث المياه بها لكثرة الصرف الصحي والصرف الصناعي بها وتجمع المعادن الثقيلة في البطروخ بالسمكة

وهذا يضر بصحة اﻷنسان واوضح ان اسماك البحر اﻷبيض المتوسط والبحر الأحمر وقناة السويس اسماكها هي اﻷعلي جودة ونسبة المعادن الثقيلة اقل بكثير

The post الشتــــــاء .. والفـــ(البطارخ)ــوارغ !!!! appeared first on ملوك الصيد.