لما الصيد بيكون سمك كبير فى صيادين بيعملو حلين :
اما ان يتركوه يموت لوحده
او يضع ماء حلو في خياشيمه زى الجرم الكبير مبيموتش بسهوله غير لما تضع مياه حلوه داخل خياشيمه لأنه من اسماك البحر الاحمر
وده مش فى كل الأسماك لأن فى اسماك كثيرة كالسلمون وثعابين وغيرها بيعيش فى الميتين العزبة والمالحة و افضل الطرق لقتلهم هى طريقة التصفية فهى اقرب للذبح الشرعى للحيوانات.
و الصياد المحترف عارف ان السمكة اللى يتموت على طول بعد صيدها طعمها بيكون حلو لأنك لو سبنها تموت لوحدها بيجصلها زى تشنج فى العضلات و طعمها بيكون اوحش .
مثلا الغطاسين بيقتلو السمكه البورى او طوباره عفره بالضغط على راس السمكه من عند النقطه السماوى وأول مبحس بالطقه والدم يخرج من الفم يحطها جوه كيس بدون خوف من حركتها لو كانت عايشه
و عند التعامل مع بعض الأسماك زى التونه والبلاميطه بيفضل عمل ضغط للرأس حتى يحصل نزيف للسمكه ده لأنها تحتوى على دم كثير غير باقى الأسماك فبعض انواع التونة تستطيع رفع درجة حرارة جسمها عن درجة حرارة المياه.
بعض الكائنات الأخرى كالأخطبوط يقال ان تركها تموت ببطىء بيجعلها أصعب فى الطهى لأنها بتفرز مواد فى العضلات عند الموت البطىء
وفى صياد ممكن يموت السمكه بألة شبة المفك وبعد ما تطلع السمكة يروح مدخل سن المفك من الخياشيم لأعلى منتصف الراس
وبكدة تموت السمكة على طول والهدف من كدة ان السمكة تتحتفظ بالقيمة الغذائية بتاعتها وبلون لحمها الطازج.
- مثال على ما سبق :
لو اصطدت سمكة مثل الدنيس مثلا وطلعتها من الميه وحطيتها في الايس بوكس على طول
واشتري سمكة من نفس النوع من السوق وسمك السوق معروف بيطلع بالشباك وبناءا على لما السمكة تنصاد بالشباك تعافر كتير وتضل فترة طويلة على ما تموت
ثم قم بطبخهم مع بعض وقارن بينهم من حيث لون اللحم والطعم
كمان فى طريقه متعارف عليها باسم (ايكي جيمي) والتمويت بيبقي اما بسيخ او خنجر مخصص لانه بيبقي رفيع ومشرشر وحامي اوي والسنكي بتتضرب عند النقطه الزرقاء (كما موضح بالصورة) وده مكان المخ بتاع السمكه بتموت علي طول
والسبب ان السمك لما بيعمل مجهود بيفرز حمض الاكتيك في جسمها وده اللي بيسبب شد العضلات اي اللحمه بتنشف علشان كده بنموتها علي طول علشان نحافظ علي اللحم طري وده اللي بنعمله في الاخطبوط
