الصيد بالجرنجو .. الطريقه والاسلوب !!

الجرنجو أشكاله كتير جدا ودي بعض الاشكال منه وهو كله بيبقي سيليكون سهل التدكيك في السلاح وساعات بينزل بسلاح وساعات بدون

احنا بنركب سلاح في متر شعر 50 ويكون مقاس السلاح حسب السمكة اللي بصطاد عليها وحجمها يعني مثلا في معظم الاحيان سلاح مقاس 0/2 بيبقي مناسب للقاروس والميرا والمياس والوقار واللوت والدراك ومعظم سمك القرص

ولما نيجي ندكك السلاح في الجرنجو بندككه من فتحة فم الجرنجو لحد مايطلع من بطنها وبيبقي الشعر طالع من الفم

وبنعمل حلقة في طرف الشعر علشان نركبها في المشبك اللي ساند الرصاصة ومقاس الرصاصة لايزيد عن 20 جرام يعني رصاصة 2 ويبقي بين الرصاصة وبين الجرنجو حوالي متر او متر وعشرون سم ودايما نرمي بيه علي قصر من الوعر يعني اعمق مكان يكون متر مثلا او متر ونص وفيه نوع جرنجو بينزل فيه ثقل في الرأس طبعا ده مش بنحط له اي رصاص ثقل تاني يارب اكون قدرت اوصل المعلومة