النهارده هنتكلم عن انواع ديدان الصيد وطريقه الصيد بها :
1/ الدود المشرشر
الدود دا يستخدم فى صيد القاروص والدنيس والشراغيش وغيرو من الاسماك ولا يصلح للصيد بالمكنه لان الدودايه دى ضعيفه جدا وهذه الدوده تظهر فى الشتاء فقط ولا تصلح للصيد بيها فى الصيف لا تستحمل سخونه المياه
طريقة التطعيم
بتجيب العيار او اكتر على حسب شغلك وبتجيب 5 او 6 دودات وبتشكها من رسها فى السلاح لان الراس اجمد مكان فى جسمها وبتسيب باقى الدوده نازله من السلاح
طبعا اكتر من دوده ودا بيكون حى فى الميا ويستفز السمك علشان كدا السمك بيدخل عليه على طول ويفضل سلاح يكون بسلكه رفيعه علشان ميموتش الدوده
2/ الدود القراص
موجود طول العام وهيا طعمايه ممتازه جدا للسمك ويمتاز بقوه الدوده واستحمالها للتشويح بالمكنه
طريقة التطعيم
الدوده ممكن تدككها فى السلاح او ممكن تدكك نصها او على قد السلاح وتسيب الباقى نازل من السلاح فى قراص ميا وفى قراص خيش والاتنين واحد على فكره بس قراص الخيش بيكون العيار اقل شويه من الميه
3/ الدود الاسمعلاوى
معشوق الدنيس والشراغيش بردو طوال العام ويمتاز يقوه وبيكون لونه اصفر وعليه طبقه فسفوريه بتدى للحنش ضوء فى الميا بيخلى السمكه تدخل عليه على طول ويشتغل بالمكنه والبوصه اليد بس الافضل للمكنه طبعا على الدنيس والشراغيش
فى نوعين من الدود الاسمعلاوى
نوع بنجيبو من الاسماعليه ودا الاصلى او النوع الكويس وفى نوع بيجى من ابو قير والطرح وبتاع الاسماعيليه دودايه بتيجى فى خيش وبتكون ماسكه نفسها وصبغتها عاليه جدا
اما النوع التانى بتاعنا الدودايه كويسه بردو بس معظم الدود تلاقى وانت بتطعم مصارين الدوده بتطلع بس شغال احسن من مفيش وغلو الاسمعلاوى التانى وبيجيب سمك بردو
4/ ابو جراب
طعمايه ملهاش حل وتمتاز بقوه زفاره عاليه بيدخل عليها معظم انواع السمك وابو جراب دا اطلقو عليه الاسم دا علشان سبحان الله بيعمل لنفسو جراب من الطين فى المكان الى بيعيش فيه ويكون الطعم دا محتاج ماتور لو هتقعدو فتره مثلا
5/ دود النار
دوده شبيه جدا للقراص بس اطول واجمد نوعا ما وتمتاز بقوتها وملمسها الناعم لانها وانت بتطعمها بتفرز ماده لزجه لما بتحس باى شئ قرب منها بس قويه جدا وزفره وطعمايه يتلاهم عليها الصيادين الايام دى
6/ دود الوعر
دود شبه المشرشر بس اكبر شويه وبتكون الدوده تحس ان عليها فرو بسيط ودوده كويسه بس للاسف ليها ايام السمكه تكون ماسكه عليها مش زى باقى الطعم مثلا والعيار بيكون فى كيس ميا بردو شبه القراص
7 / دود الرمل
تتواجد في المناطق الغير عميقة تحت الصخور في الاماكن اللتي تتجمع فيها الحشيش والاوساخ مثل الاكياس او العجلات الكبيرة اللتي نجدها داخل الماء وخاصة الشواطئ التي تخرج فيها المجاري المائية لانها المجاري تخرج الطعوم في الماء.
