- الاسم العلمي لسمكة الدقماق هو bagrus docmac
- العائله .. SILURIFORM FISHES
1- الاسم الشائع للدقماق :
الدقماق و معروف لدي الصيادين الوافدين من خارج المحافظة (فرفور) .. والدقماق سمكة من الفصيلة الجلدية ايضا تشبة إلى حد بعيد البياض إلا ان جسمه مكتنز بالبلدي ( مدملك) ورأسه ليس مبططا كالبياضة بل ان رأسه تشبة رأس الصاروخ مخروطية الشكل لونه رمادي مسود
ويطلق الصيادون على الصغير منة إسم (جعران) ويصل حجمه من الضخامة ما يفزع إذا ضرب بذيله في الماء فمنه من يصل إلى 60 كجم لكن صيده ممتع لكنه اوشك على الإنقراض من القناطر بسبب الصيد الجائر عن صريق الكهرباء والسم يوجد في اي نوع مياة
2- الطعم المفضل لصيد الدقماق :
طعم ارض او طعم بحر ( وهو طعم موجود في النيل او في بحر يوسف او علي جوانب الترع ولكن طولة يتراوح من 20 الي 60 سم )الافضل سمك صغير مثل سمكة الانوم الصغير منها (اسمها في بني سويف سمك المز ) و القراقير الصغيرة
3- اوقات صيد سمك الدقماق :
من شهر 9 الي شهر 1 اي وقت قلة مياة النيل ( ودا هو معيار الصيد – افضل اوقات الصيد وقت الخسية اي قلة مياة النيل- ) و هي غالبا سمكة ليلية.
4- احجام سمك الدقماق :
من واحد كيلوا الي 80 كيلوا ودا كلام موثوق منه
5- اماكن صيد الدقماق التقيل :
- من اعلي كوبري بني سويف بس تكون مطعم بمزاية صغيرة (انومة صغيرة)
- – جزيرة ابو صالح – قرية اولاد الشيخ
- – اي قرية علي النيل في مركز الفشن
- – الشراهنة ( وهي جنوب بني سويف قرب المنيا)
- – زاوية الجدابي في المنيا ( كل ما تروح قبلي كل ما تلاقي سمك تقيل )
وعموماً هو بيحب الأماكن الهادئة وتعتبر منطقة نفوذ له وحدة ويكون سببا في ان (الدور يمنع) لأنه إذا ذخل الدقماق هربت جميع الأسماك حيث انه غول السمك حيث انه لا يميز بين صغير وكبير وسلوكه يشبة إلأى حد بعيد سلوك البياض إلا انه يسكن الأماكن الساكنة فهو منزوي بطبعة
6- ادوات صيد الدقماق :
عود حدف فيبر جلاس ( مثل الكولورادو – الشامبليون – باندا ……) وهي غالبا مش موجودة دلوقتي الا مع صيادين قدام او عود حدف كورىىىىىىى مش صيني – سنار زيرو واحد – رمال 60 – خيط علي المكنة 70 – شوكة لو هتصطاد من علي الجرف
ملحوظات هامه ..
1_خلي بالك الدقماق التقيل ياما كسر عيدان قوية علشان كدا خد احتياطاتك
2_ احنا بنصطاد بنلاقي الصيادين بيقولو ان الدقماق هو الذكر من سمكة البياض و هذا خطأ شائع طبعاً .
كلا من سمكة البياض و الدقماق ينحدرو من فصيلة bagrus اي من نفس الفصيلة و هذا هو السبب في التشابه الشديد بينهم .
- و الاسم العلمي لسمكة البياض هو bagrus bajad
- و الاسم العلمي لسمكة الدقماق هو bagrus docmac
كيف تفرق بين السمكتين
الدقماق لونه اسود و رأسه غير مبططة مثل البياض
اما البياض فلونه فاتح و رأسه مبططة
و هناك ايضاً يا اصحابي ناس بتقول علي الشال دقماق وناس بتقول علي القرقور سعات دقماق لما يلاقو رأسه كبيرة شوية كل دي اخطاء يا جماعة و كلام مش صحيح
طريقة صيد سمك الدقماق
هي سمكة من الفصيلة الجلدية ايضا تشبة إلى حد بعيد البياض إلا ان جسمه مكتنز بالبلدي( مدملك) ورأسه ليس مبططا كالبياضة بل ان رأسه تشبة رأس الصاروخ مخروطية الشكل لونه رمادي مسود أماكن تواجده الأماكن الهادئة وتعتبر منطقة نفوذ له وحدة ويكون سببا في ان (الدور يمنع) لأنه إذا ذخل الدقماق هربت جميع الأسماك حيث انه غول السمك
حيث انه لا يميز بين صغير وكبير وسلوكه يشبة إلأى حد بعيد سلوك البياض إلا انه يسكن الأماكن الساكنة فهو منزوي بطبعة ويطلق الصيادون على الصغير منة إسم (جعران) ويصل حجمه من الضخامة ما يفزع إذا ضرب بذيله في الماء فمنه من يصل إلى 60 كجم لكن صيده ممتع .. اوشك على الإنقراض من القناطر بسبب الصيد
فى بدايه الكلام عن الوحش ده ,,
يجب ان نعرف ان مكان تواجدة بيكون فى قاع منتصف النيل ودة بيوصل احجام رهيبه جدا انا شفت منه حوالى 80 كيلو بس سمعت انه بيوصل فوق 120 كيلو بس انا مشفتهوش للامانه
بس دة ليه طريقه صيد خاصه شويه فى الصعيد فى البدايه يجب تجهيز الطعم وهو عبارة عن (سمكه انوم ) ويجب ان تكون حيه وبكامل صحتها ويجب ان تكون البوصه من النوع الممتاز والشعر لا يقل عن 80 ( دة مقاس الشعر) نبدا رحله صيد وحش من هذه الوحوش
غالبا ما يكون الصيد باليل يعنى من بعد الساعه 9 بس اللى بيكون عاوز يصطادة بيروح بعد العصر ليه؟
علشان لازم الاول يصطاد الطعم وهو سمكه الانوم ويزعل لو طلع واحدة تكون بالعه الطعم لان بالشكل دة بعد ميسلك السناره السمكه هتموت المهم هو بيكون معاه عياشه يعنى كيس من الشبك بيحطه فى الميه ويحط فيه السمك اللى بيصطادة ليحافظ عليه حى
ويفرح جدا لو لقى سمكه السنارة جيه فى شفتها بس حتى لو مع صياد جنبه ممكن يخدها منه ويديله اللى هو عاوزة لحد كدة كويس الطعم موجود والسناره جاهزة نيجى بقى لشلك القرمه وهى بتكون عبارة عن 3 سنون مقاس رقم 1 يعنى سنارة كبيرة
طريقه وضع الطعم ( سمكه الانوم )
الثلاث سنارات بيكون محطوطين فى السمكه كالاتى واحد فى المنطقه الى ورا الرأس مباشرا والثانى بيكون فى نص السمكه من اعلى الظهر والثالث بيكون فى الديل من اعلى طبعا كل الشعر اللى فى المكنه والقرمه مقاس 80 او اكبر
وبعدين من فوق السمكه بحوالى متر او اكتر قليله بنربط قطعه من الحجر وزنها اكبر ون السمكه بس بنربطها بعقدة بسيطه وبشعر مقاس قليل جدا يعنى ممكن 10 و 15 الغرض منها انها تحافظ على مكان السمكه فى القاع وكمان تقطع مباشرا مجرد مالسمكه الكبيرة تاكل الطعم لكى تكون انتا منك للسمكه وانتا وشطارتك بقى
نيجى بقى لكيفيه وضع الطعم فى قاع النيل طبعا كدة بيكون الوزن كبيرجدا يعنى السمكه تقريبا بتكون كيلو او كيلو ونص دى الطعم والحجر لازم يكون اتقل من كدة طبعا مينفعش انى احدف كل الوزن دة بالبوصه
المهم بيكون بجانب الصيادين قارب صغير فاهم الموضوع دة بياخد السمكه والحجر ويمشى بيهم بالقارب مع الحفاظ على ان السمكه تكون فى الميه للبقاء عليها حيه اطول وقت ممكن واللى ماسك البوصه بيكون بيسيب الشعر لحد القارب ميوصل فى المنتصف تقريبا ويسيب السمكه والحجر علشان تنزل القاع ويبقى الدور بقى كدة على اللى هياكل امتى الله اعلم طبعا
الفترة بتكون كبيرة جدا ( فترة الانتظار) لذا لازم يكون معاك سنارة تانى تصطاد بيها السمك العادى علشان متملش لان العمليه ممكن تقعد للصبح وعليك ان تتخيل الطعم عبارة عن سمكه اكبر من كيلو تخيل ايه اللى ممكن يطلع حوت
ونيجى بقى للمرحله الاصعب وهى خروج هذا الوحش من الميه بتكون صعبه جدا وممكن نستعين بأصدقاء مش بصديق واحد وغالبا ما نلجأ للقاربش
