سمكة الجلخ هي احد الاسماك المؤذية اللى بتحتوى على اشواك بتسبب الام رهيبة اذا ماتم التعرض للسع منها
الجلخ
سمكة شديدة الشبه بقراميط المياه العذبة الا انها لاتتجاوز فى الحجم ٣٠ سم وبتتواجد فى القنال والبحر الاحمر
والسمكة ليها ثلاثة اشواك مؤذية اثنان على جانبى الرأس عند منطقة الخياشيم واخرى اعلى الراس والاشواك قادرة على احداث الام شديدة فى حالة الاصابة منها حتى بعد موت السمكة ..
والسمكة
من الاسماك اللى بتعيش فى مجموعات وبتتحرك باستمرار مع بعضها البعض وبتشكل فى تحركها مايشبه الكرة
وبتخرج للمياه الضحلة للبحث عن غذائها من القشريات وخلافه
ولتوخى الحذر لازم نعرف ان سمكة الجلخ بتتواجد باحجام مختلفة وسط الجمبرى اللى بيستخدمه الصيادين لصيد الاسماك وبيتم جرفها معاه بالخطأ ويجب الحذر الشديد عند مشاركة الصيادين فرز الجمبرى والاسماك لعدم التعرض للاصابة
والحمد لله انه لم يتم تسجيل اية حالة وفاة بسبب التعرض للسع من هذه السمكة الا ان التعرض لشوك الجلخ بيسبب الم شديد جدا وشفت بعينى اشخاص بكت من الالام عقب تعرضهم للسع من اشواك الجلخ 😥
ازاى نتصرف فى حالة التعرض (صيد) لاسماك الجلخ
اذا علقت سمكة بصنارة الصيد يفضل قطع الخيط وعدم محاولة تخليصها من الصنار ويتم دفن السمكة فى حفرة لتجنب ايذاء الغير
اما فى حالة التعرض الفعلى للسع (الشوك) من السمكة فيتم الأتي :
- اولا التاكد من عدم وجود بقايا للشوكة بداخل الجلد وازالتها ان وجدت
- ثانيا : الضغط بشدة على مكان الاصابة لاخراج الدم الملوث
- ثالثا : غسل مكان الاصابة بمحلول برمنجانات البوتاسيوم
ويوضع على مكان الاصابة الخل وده لان حامضية الخل بتعادل قلوية السم وبتعمل على تخفيف الالم
ويتم الاستغناء بالخل عن وصفة شعبية سخيفة توصف للتخفيف من اثر السم
وللعلم سمك الجلخ لايوجد مشكلة فى اكله وبيتم مشاهدته فى الاسواق وبيتم بيعه باسعار زهيدة
