لا تخلط أنواع الطعم التي تسبح علي سرعات مختلفة عند الصيــد

بمعني أن هناك أنواع مصممـه لتعطي احسن حركه علي سرعه تصل إلى 8-10 عقده و ربما اكثر ولكن هناك أنواع أخرى مصممه للجر علي سرعات أبطأ كثيرا .

لمعرفة السرعة المقترح لكل نوع من أنواع الطعم يمكن قراءه تعليمات و إرشادات الشركة المنتجة “إن وجدت” و لكن بالخبرة و التجربة يمكن معرفة السرعة المثلي لكل شكل ونوع من الأنواع المستعملة و ذلك أيضا بالملاحظة الجيدة و ترتيب الطعم و طول الخيط و كذا اللنش المستخدم.

إذا نظرت إلى الطعم في الماء خلف البوت و وجدت أن شكله جميل وحركته مثاليه و لا يقفز من الماء فهذه علامة حسنه .

ولمعرفة الشكل الجيد للطعم في الماء فذلك يتطلب خبره مكتسبة و قد تختلف الرؤية من صياد إلى آخر و لكن بصوره ليست كبيره علي الإطلاق و يمكن تكوين فكره جيده عن شكل الطعم في الماء بملاحظة مختلف الأسماك و هي تقفز من و إلى الماء و خاصة السمكة الطائرة فهي تقفز من و إلى الماء بشكل جميل .

هذا وكل انواع الطعم الصناعي تبدوا متشابه في السرعات العالية و لكن المنتجين يقولون إن ضبط السرعة المناسبة هو كل الفرق في الحصول علي الأداء الأفضل للطعم و هذا يتوقف أيضا علي تصميم الطعم الصناعـي . و نستطيع القول إن الفيصل في اختيار سرعه المجرور هو الهوري و كيفيه أداؤه في ظروف البحر المختلفة.

هناك دليل مؤكد بان كل بوت لهو السرعة الأحسن لكل نوع من أنواع الأسماك وهذه السرعة قد تختلف بشده بين بوت و أخر و هذه القاعدة يجب تجربتها مع كل طعم مختلف لاكتشاف السرعة الأحسن للبوت لكل نوع من أنواع الأسماك.

عند الوصول إلى احسن سرعه للبوت لكل نوع من أنواع الأسماك حسب ظروف البحر عليك باختيار الطعم المناسب لهذه السرعة و أيضا الاسماك المراد صيدها و الهدف هنا هو الحصول علي احسن حركه للطعم .

نقاط هامة لتحسين سرعه المجرور :

بعد اختيار السرعة و الطعم المناسب للسمكه المراد صيدها يجب ضبط مسافة الطعم خلف البوت للوصول إلي احسن سباحة للطعم علي هذه السرعة و يتوقف هذا أيضا علي حاله البحر و تصميم الطعم و يمكن ابعاد الطعم آو تغطيسه ثم أعاده تغيير السرعة برفق ( جزء من العقدة في كل مره ) بالزيادة أو النقص حتى يسير الطعم بانتظام .

هناك بعض التوصيات لاختيار السرعة و ذلك بوضع الطعم الأقصر مسافة من البوت في الأول ثم نصل إلى السرعة المناسبة و السابق اختيارها ثم نري كيف يسبح الطعم ثم نبدأ في الزيادة أو النقصان حتى نصل إلى السرعة المناسبة و الأحسن في هذا اليوم ثم بعد ذلك يتم تنزيل باقي الطعم فإذا كانت سباحة الطعم الأقرب صحيحة سيكون الباقي صحيح أيضا , هذا مع الآخذ في الاعتبار اختيار طعوم آبها نفس أسلوب السباحة .

يضيف بعض المنتجين نصائحهم إلى الصيادين بأنه لا مجال للخوف من تغيير السرعة بمقدار نصف عقده زيادة أو نقص و الأهم هنا هو الأداء الأمثل للطعم خلال الصيد و إذا تم الوصول آلي أن أداء الطعم حوالي 60% من وقت الصيد فأنت علي الطريق الصحيح .

• الجر على السرعات العاليه
  

The post كل شئ عن صيد الجر || Trolling appeared first on ملوك الصيد.

اقرأ : تأثير صوت موتور مركب الجر علي السمك المستهدف

أجابات نموذجيه بس خلي بالك ( ده مش مقياس )

هل كل زودياك محتاج ترخيص ؟

• الاجابة

طالما بدون موتور مش محتاج ترخيص فى انواع من الزودياك لها تكنة بالخلف ( مكان تركيب الموتور ) يبقي لازم تصريح ويقولك ركب موتور طيب

عايز انزل من غير تصريح للزودياك؟!!

يبقي تشتري زودياك من غير تكنة في الخلف وهذا النوع بيكون مقدمته مثل خلفيته يعني مدبب ( بوذ) يعني وهذا الزودياك يعمل بالمجاديف وممكن ينزل بيه عادى ومعاه بروسي علي اده يرميه ويثبته للصيد –

وعند اقرب شعبه او مكان كويس يقف ويرمي ويلمه لما يجي يمشي بس ممكن يضطر يستني المد علشان يرجع اسرع للشط

سؤال 1

حجم الزودياك وعدد الافراد اللى كانوا فيه 3

• الاجابة

 حجم الزودياك 270سم و موتور 2 حصان ياماها عدد الافراد 3

سؤال 2

هل كنتم مستريحين فى القعده ولا لا ؟

• الاجابة

مستريحين في القعده بسبب التعاون

سؤال 3

هل كنتم محتاجين fishfinder ولا بتجربوا كل شويه طرحه وتغيروا بسرعه؟

• الاجابة

جربنا الحالتين بس بـ fishfinder كان احسن كتير جدا

سؤال 4

طريقه الصيد على الزودياك بحداف ولا بوصه تسقيط احسن؟

• الاجابة

بوصه صب صغيره 120سم احسن لأن بسبب ضيق المكان خيط الحداف هيتكعبل منك

سؤال 5

الثبات اثناء الصيد مريح ولا لا؟

• الاجابة

بالنسبه للثبات اثناء الصيد حسب الجو يعني لو مفيش موج بيبقي ممتاز و لو فيه موج متوسط بيبقي عادي بس طرطشه ميه خفيفه بتيجي عليك و لو البحر عالي يبقي تلم الهلب بسرعه و علي بره عدل

سؤال 6

سرعه الوصول للمكان المنشود قد ايه يعنى مثلا نص ساعه ساعه

• الاجابة

سرعه الوصول حسب منطقه الصيد بالنسبه لي من منطقه قبل السادات بـ4كيلو من نحيه العين السخنه

ممكن نوصل في 30 الي 45 دقيقه

في منطقه قبل بورتو السخنه ب 10 كيلو ممكن نوصل من الشط في 5 الي 15 دقايق

سؤال 7

هل مرة غامرت ونزلت مسافه كبيرة فى البحر ؟

• الاجابة

حصل مره واحده في عيد الاضحي الي فات كان البحر مغري و صافي جدا

سؤال 8

لو حد يعرف نوع كويس من الزودياك جديد يعنى

• الاجابة

اعتقد ماركه wave كويسه

سؤال 9

الموج عالى يعنى كام عقده مثلا اللى تخلينى اطلع من الميه

• الاجابة

دي حاجه تقديريه و بتختلف حسب حجم الزودياك و قدره الموتور و المسافه الي بينك و بين الشط او اقرب كنه

يعني الموضوع ده مع الممارسه هتبقي عندك الخبره الي تقدر تخليك تحدد امتي تطلع و امتي تستمر في الصيد

سؤال 10

هل اشترى على الزودياك موتور صغير ياماها 5 او 6 حصان ولا صينى 15 حصان بارسون واخبار صيانه الياماها والصينى ايه يعنى سهله ولا لا وحدود التكلفه

• الاجابة

انا بفضل المواتير الصغيره عشان الشيل تبقي خفيفه و افضل الياماها لأن موتور بارسون نفس الياماها بس اكيد خامات التصنيع مختلفه

مثلا لو عندك موتور ياماها و بتعمله صيانه و ركبت قطعه غيار صيني مش اصليه اكيد مش هتبقي متطمن من الموتور و انت في عرض البحر

طيب هتطمن ازاي وانت معاك موتور صيني كل حته فيه تقليد

و بالنسبه لصيانه الياماها سهله في اي حته بس المهم يكون الميكانيكي كويس و التكلفه بتختلف من مكان لمكان

يعني احسن مكان بعمل فيه صيانه بلد اسمها المطريه ناحيه المنزله فيها ناس ممتازه فوق الخيال و اسعار يا بلاش سواء مصنعيات او قطع غيار او مواتير

و في ناس في السويس بس اشتغاله اشتغاله

The post الصيد بالزودياك .. سؤال و جواب appeared first on ملوك الصيد.

السمك المستهدف قشر البياض و البياض دول اكتر نوعين مهاجمين للاسماك خاصة قشر البياض

اماكن تواجد قشر البياض

• فى الاماكن العميقة
• فى الاماكن اللى فيها تيار مياة قوى
• بالقرب من محطات المياة

دى الاماكن المفروض يتواجد فيها ولاكن ممكن تجرب فى اى مكان عادى الموضوع عايز تجارب واستمرارية يعنى لو جربت مره او اتنين او اكتر وماتوفقتش ماتيأسش وتقول مش هاينفع

• اقرأ : طرق الصيد بالجيجنج || الكاستنج || الترقيد || البوبنج

طريقة الكاست

كاست من البر ويكون اللم للمكنه منتظم غالبا مع الثبات أحجامها من صغير لمتوسط حوالى من ٥ ك الى ٦ك المعتاد فى أكبر من كدا بكتير فى مناطق معينه ودائما بطعم حى

الكلاب تحتاج لم سريع غير منتظم ويفضل تركيب سلك واير لان أسنانها تقطع اى خيط لو السمار شكم من جوه

موسم الساموس يبدا من شهر ٤ حتي نهاية يونيو…

أفضل مناطق صيدة هي منطقة جرف حسين.. حوالي ٧٠ ك من السد

عن نفسى جربت كتير جدا على ماربنا كرمنى بسمك ..

بيكتر نشاطه من اول شهر 5 لحد شهر 10 والايام الحر فى شهر 11 و 12

الربلات المستخدمه :

ياريت تكون بتغطس 2 او 3 متر او لحد 5 متر حسب المكان انا استخدمت رابلة جر ! يازورى 12 سم وكانت كويسة

بالنسبة لسمكة كلب الملوحة او التيجر فيش يفضل استخدام المعالق ذات اللمعة العالية وبتكاست بسرعة لانها سمكة مهاجمة بسرعة عالية

الالوان:

خليك فى الالوان الفاتحة زى الفضى والدهبى و الاصفر والبرتقالى و الاخضر

وينفع برده الجارينجو او الجيلى المقاسات الصغيرة منه تنفع للبياض 5 و 7 سم

والكبيرة تنفع مع القشر 12 او 15سم

العود

ياريت يكون كاربون او اى عود خفيف الكاست C.W من ٢٠ الى ٦٠

الطول 2.4 او 3 متر او 4.20

الماكينة

ياريت ماتكونش تقيلة يعنى مقاس 4000 او 6000 معقول اوى وياريت تكون الفرامل مظبوطه لان القشر بياض قوى جدا

الخيط

ياريت يكون بريدد 30 ليبره 0.28مم مع ليدر 40 او 45 مم

او خيط مونو نايليون عادى 40 او 45 يكون نوع نضيف انا بفضل البريدد على شان رفيع وقوى وسهل فى الحدف

The post الكاستنج في المياه العذبة || صيد سمك قشر البياض appeared first on ملوك الصيد.

هتصرف فى حدود 1800 جم .. أولا تتصل بمعهد تدريب الموانئ باب 27 الجمرك فى القبارى الاسكندريه يعنى فى المنطقه الجمركيه تبع الاكاديميه العربيه للعلوم والتكنولوجيا وارقامهم :

• 03/4833144
• 03/4843859

وتعرف ميعاد الدورة وهيه كل شهر مرة 3 ايام .

تروح فى اول يوم وتدفع 1500 جم بس وتحضر 3 ايام.

بعد 21 يوم بتاخد من عندهم شهاده باتمام الدورة الثلاثه ايام .

وبتحضر الاتى :

1 – فيش وتشبيه باسم الهيئه المصريه لسلامه الملاحه البحريه ( وده للرخصه المهنى فقط ) .

2 – كشف طبى باطنه ونظر مختوم بختم النسر من مستشفى حكومى

3 – صورة شخصيه

4 – صورة شهاده الميلاد

5 – صورة شهاده التجنيد

6 – صورة شهاده الدورة تعليم قياده العائمه

7 – جواب من التامينات( للرخص المهنيه فقط وليست الخاصه)

8 – مبلغ 25 جم

وبعد تجهيز المطلوب تروح على باب 22 تطلع تصريح دخول الميناء فى نص ساعه وبعدين تطلع على باب 1 تدفع الـ25 جم وتطلع الرخصه .

بس المهم تروح بدرى لان التفتيش بيفتح 9 ويقفل تقريبا 12.5 ظهرا

• اقرأ : الصيد بالزودياك .. سؤال و جواب

ثانى خطوة :

1- الزودياك طوله 3.50 متر ومعاة منفاخ قدم واتنين مجداف ووحده تصليح وله ارينا نفخ وارضيه خشب مش الومنيوم بس مدهونه كويس بمواد عازله للماء بالنسبه للسعر تقريبا فى حدود 4200 جم

2- – الموتور ياماها من التوكيل – 9.9 حصان 2 ستروك 2بحوالى 14800 جم أو البارسون 15 حصان 4 ستروك بحوالى بعشرة الاف بس ممكن تعمله زياده فى الترسه بتاعه الزودياك علشان يقلل الطول .

– الموتور لازم يكون معاة افراج جمركى وفاتوره

– الزودياك اذا كان بفاتورة بس مينفعش فى التفتيش البحرى للترخيص لازم شهاده منشا يااما تخلى الشركه المصنعه تعملها يا اما تشتريها

ثالث خطوة (ترخيص الزودياك ) :

1- بتخلص تقريبا فى يومين يوم للتسجيل ويوم للمعاينه بس يكون الورق جاهز وهو

– رخصه القياده الخاصه وصورتها .

– اصل فاتورة الموتور مع الافراج الجمركى .

– الافراج الجمركى للزودياك لو مستورد او شهاده منشا لو محلى او مستعمل .
والمصاريف كالاتى :

• 90 جم مصاريف تسجيل اول مرة
• 30 جم تامين اجبارى لكل فرد على المركبه البحريه
• 50 جم م معاينه
• 50 شهاده طفايه ولو عاوز تشترى الطفايه من عندهم بحوالى 120جم.
• 30 جم عوائد سنويه

وطبعا اعمل حسابك ان فى اكراميه للمهندس بتاع المعاينه وطبعا تضبط معاة علشان يوم المعاينه يعنى

قبل ماتشيل الزودياك والموتور وطبعا لازم يكون فيه لايف جاكت على قد عدد الافراد وارقام تفتيش السويس 062/3191359 , 062/3912275 .

وكمان علشان الزودياك 3.50متر أحيانا المهندس بيتنشن ويخليه 3 افراد بس لانهم بيقولوا فرد لكل متر طول

رابعا خطوة (حرس الحدود)

تجهز صور تسع اوراق فى 3 دوسيهات منفصله :

1- صورة الزودياك فوتوغرافيا وعليه اسم الزودياك اللى انت هاتسميه فى شهاده المنشا .

2- صورة فاتورة الزودياك مع الافراج الجمركى .

3- صورة شهاده منشا الزودياك او الافراج الجمركى بتاعه .

4- صورة رخصه القياده .

5- فيش باسم (مكتب مخابرات حرس الحدود) .

6- صورة البطاقه .

7- 3 اوراق خاصين برخصه الزودياك .

8- عدد اتنين دفتر .

9- استلم الرخصه

10ـ مبروك عليك 🙂

ملحوظه هامه

البوست عمره سنتين يعني الاسعار قد تكون أختلفت بعض الشيئ أو لا .. للعلم فقط

The post خطوات شراء زودياك فى مصر وترخيصه خطوة خطوة appeared first on ملوك الصيد.

صيد الجيجنج

صيد الجيجنج هو طريقة صيد رأسي من علي مركب او بارجات بترول وهو يحتاج الأتي :

اولا

مكنة حديثة قوية انتي ريفرس يكون وزنها خفيف وقوية ونحط عليها بريد حوالي ٣٠٠ متر وفي نهايته حوالي ٢ متر ليدر مقاس ٨٠ او ٧٠ اصلي علشان يساعد علي عمل سوستة اثناء شد السمكة

ثانيا

علشان لون النايلون مايلفتش نظر السمكة نيجي بقي للجيجات اللي هي اساس الصيد بتبقي الجيجاية وزنها من ١٠٠ جرام الي ٣٠٠ جرام وممكن اكثر وبتتربط ربطة معينة بحلقات مخصصة ليها وبيبقي نازل من عند راسها سلاحين مقاس 0/9 مثلا او اصغر بطريقة معينة

بنربط الحلقة اعلي الجيجاية في نهاية طرف الليدر وبندأ الصيد بنسقط الجيجاية لاسفل القاع ونلم بطريقة معينة ننتش ونسيب وطبعا بنكون فاتحين الدراج بتاع المكنة علي حسب قوة البوصة والبريد ونفضل ننتش ونلم بحيث تكون حركة الجيجاية زي سمكة طالعة من القاع الي اعلي

اول مانحس بأننا مسكنا في سمكة نبدأ نتعامل معاها بطريقة صحيحة وده طبعا شرح اولي ومبسط وفيه خبرا في الجيج كتير ممكن يوضحوا زيادة عني

صيد الكاستنج

الكاستنج هو المخايلة واتسمي مخايلة لان شغل الكاستنج كله بيعتمد علي مخايلة السمك ولفت انتباهه لحركة اللور

الكاستنج وهو طريقة صيد بالسمك الصناعي بطريقة افقية

بمعني اولا يكون معاك بوصة خفيفة وقوية طولها من ٣متر الي ٤ونص وممكن ٥ حسب المرمي والبلوكات اللي انت واقف عليها

المكنة تكون قوية وخفيفة مقاس ٤٠٠٠ او اقل او اكثر المهم تكون خفيفة وعليها بريد من مقاس ١٨ الي مقاس ٢٨ حسب موسم السمك

في نهاية البريد بيبقي فيه ليدر حوالي متر ونص وفي نهايته مدور مشبك لسهولة تعليق اللور وتغييره

نبدا نرمي لابعد مسافة ونلم بطريقة مناسبة للكاستنج بحيث حركة اللور تشابه حركة الاسماك وطبعا مقاس اللور بيبقي من ٥سم حسب نوع السمك

لو قاروص صغير يبقي اللور ٥سم و٧و٩و١١سم

لو موسم مياس صغير يبقي من٩سم الي ١١سم

لو مياس كبير يبقي اللور من ١١سم الي ١٨سم

لو المكان اللي بنصطاد في عميق بتستخدم رباللات غاطسة

لو المكان مش عميق بنستخد رباللات عايمة

طبعا الشرح بيطول اكتر من كدة بكتير سواء في طرق الجيج او طرق الكاستنج ولكني اختصرت الكلام

صيد الترقيد

الترقيد ده ممكن يبقي في البحر وممكن يبقي في العزب والنيل لان كلمة ترقيد يعني برمي الطعم وبسيبه يعمي ارقده لحد مايشده سمك

طبعا ده بيعتمد علي عود قوي جدا مش مهم وزنه لاني كدة كدة برقده ومكنة قوية كبيرة عليها خيط من ٥٠ الي ٨٠ حسب نوع وحجم السمك المستهدف

لو السمك اسنانه حامية زي المياس بنحط بعد الثقل ٢٥سم واير مربوط فيه سلاح مناسب لحجم السمك مقاس من 0/4 الي 0/9

ونطعم سمك ممكن حية وممكن ميتة وساعات بيسموه تسليك علشان كان زمان بدل الواير سلك صلب بيتربط فيه السلاح ولو في النيل ممكن كركور حي او بلطية او كتكتوت حسب المكان والسمك المستهدف

الصيد بالبوبنج

البوبنج أيضا صيد افقي ولكن شكل اللور بيختلف بيبقي اللور اوزان مختلفة من ١٠ جرام الي ٦٠ جرام مقاسات من ٧سم الي ٣٠سم حسب نوع السمك المستهدف

شكل البوبرات بيختلف عن الرباللات وبيبقي كله عايم

يعتمد صيد البوبنج علي لفت انتباه السمك الهجام بالطرطشة علي الماء مع اكشن حركة البوبرات زي السمكة الدايخة بالضبط

بيحتاج مكنة تكون خفيفة وقوية وعليها بريد مقاس من ٢٥ الي ٤٠

الجير ريشيو بتاعها يكون اعلي من مكنة الكاست علشان تكون سريعة وعود يكون طول من ٢٧٠سم متر الي ٣٦٠سم ويكون قوي وخفيف

نختار مكان للصيد بالبوبرات عالاسماك العايمة مثل المياس والقاروص وجرم البياض والتونة وغيرهم من الاسماك العايمة

غالبا بيكون جنب جزيرة او صخور عالية وفيها رغوة وتقليب موج ونبدأ نرمي ونلم بدون توقف لحد ماتتمسك البوبراية وابدا اعشق الهوكات فيها بطريقة النتش بالعود

و اسف عالاطالة ويارب اكون وصلت للسائلين المعلومات المستعلم عنها

The post معني طرق الصيد بالجيجنج || الكاستنج || الترقيد || البوبنج appeared first on ملوك الصيد.

The post تأثير صوت موتور مركب الجر علي السمك المستهدف ؟ appeared first on ملوك الصيد.

الدراك من اشهر اسماك الجر في البحر المتوسط و الاسكندريه و هو موجود بكثر طوال العام انتشر في البحر المتوسط بعد حفر قناه السويس من الاسماك القويه الممتعه في الصيد

الدراك من الاسماك السطحيه الي حد ما حيث انه يغلب تواجده قريب من سطح الماء و في اماكن تدرج الاعماق و حول الشعب و الصخور وهو من الاسماك السريعه .

طرق صيد الدراك :

باستخدام ربلات متوسطه العمق 20 او 15 قدم او سبحه خفيفه من 2 الي 3 كيلو سرعه البوت من 6 الي 10 كيلو في الساعه و في الاسكندريه يفضل الربلات زات الالوان الملحوظه او المعالق الفضيه.

ثانياْ : الانش Amberjack

الانش من الاسماك الموسميه التي لاتوجد باستمرار علي السواحل المصريه او في الاسكندريه اكثر تواجد لها في شهر 11 و 12 من الاسماك الرياضيه و ذلك لقوتها و احجمها الثقيله .

الانش يوجد قريب من الاعماق و يكثر تواجده حول السفن و المراكب الغارقه .

طرق صيد الانش :

الانش من اسماك القاع اذن فهو يحتاج الي الجر بالقرب من القاع اذا كان المنطقه التي تقوم بالجر فيها اقل من 15 متر لا مشكله تستخدم الربلات زات الاعماق الكبيره 25 او 30 قدم اما لو الاعماق اكبر وهذا الشائع في الاسكندريه يستخدم الديفنج بورد والمقاس حسب العمق و يستخدم معه معلقه او حبار صناعي او تستخدم السبح ذات الاوزان الكبيره وقد تصل الي 10 و 12 كيلو او الدونريجر سرعه الجر من 4 الي 8 كيلو في الساعه.

 ثالثاْ :المياس Bluefish

المياس من الاسماك المتجوله المهجره و اكثر تواجد لها في المتوسط و الاسكندريه في الربيع و الصيف وهي من الاسمك التي اعدادها في تناقص مستمر .

توجد سمكه المياس بالقرب من الشواطئ لمهاجه اسراب السردين و الاسماك الصغيره في اعماق بين 2 و 10 متر و بالقرب من مداخل المواني

طرق صيد المياس :

تستخدم الطعوم الطبيعيه المسيخه او الريش و سرعه جر بطيئه و المشي بجوار الحياد و حواجز المواني وقت الغروب او الفجر.

رابعاْ : الامبوكه او الحصان Dolphin Fish

من الاسماك الممتعه جداْ و خصوصا في صيدها نظراْ للونها الغريب و هي ايضا موسميه تبدا في الظهور في البحر المتوسط في شهر 11 الي شهر 2 .

توجد الامبوكه علي السطح لدرجه انها يمكن رؤيتها بالعين و هي تعيش في اسراب و تنجذب الي اي شئ علي السطح كا المراكب و منصات البترول و اي شئ مميز و الاخشاب الطافيه و القمامه.

طرق صيد الأمبوكه :

الامبوكه او الحصان سمكه سطحيه تستخدم في صيدها الرابلات اقل من 15 قدم او المعالق بتقل خفيف او بدون و الحبارات المطاطيه ولاكناحسن طريقه بستخدام سبحه خفيفه جداْ او معلقه بدون رصاص.

خامساْ : البلاميطه

البلاميطه هي سمكه من عائله التونه ولاكنها قليله القيمه الاقتصاديه و هي توجد اغلب اوقات العام ولاكن يكثر تواجدها في الشتاء و تصل في الاسكندريه الي احجام ضخمه و تتميز بقوتها اثناء الصيد .

وتوجد هذه السمكه علي السطح او بالقرب من سطح الماء و توجد ايما وجدت اثراب الاسماك الصغيره و طيور النورس .

طرق صيد البلاميطه :

باستخدام الربلات متوسطه العمق مثلاْ 20 قدم او 15 قدم في حاله وجودها قرب السطح اما في حاله وجودها علي سطح الماء فتستخدم الطياره او الريش

سادساْ : التونه Tuna

و هي من اندر الاسماك علي السواحل المصريه للبحر المتوسط و هي سمكه مهاجره و يهاجر ورائها عشقيها من الصيادين من امتع الاسماك في الصيد مرتفعه القيمه تمر من امام سواحل الاسكندريه في شهر 11 وهي في طريقها الي المياه الدافئه ولاكنها تكون بعيده جدا عن الشواطئ.

توجد التونه قريبه ايضان من سطح الماء او علي السطح و بجوار تجمعات الاسماك الصغيره للغذاء و يستدل علي وجودها من وجود طعامها من طيور النورس وتكون في مجموعات كبيره جدا و تصل الي احجام كبيره جداْ.

طرق صيد التونة :

هناك مؤلفات كثيره لطرق صيد التونه لما لها من شعبيه كبيره و يقوم محبيها لتجهيز سفنهم خصيصا لها و لاكن يمكن صيدها بالطريقه المعتاده للجر بالقرب من السطح او علي السطح باستخدام ربلات 15 او 20 قدم او بالريش المخصص لها و سرعه البوت عاليه من تصل الي 20 كيلو في الساعه او اقل .

سابعاْ : الوقار Grouper

الوقار من اكثر الاسماك تواجد علي ساحل الاسكندريه و الساحل الشمالي وهو من الاسماك التي توجد علي مدار العام و من اشهر انواعه في الاسكندريه الوقار 111 .
يوجد الوقار في قاع البحر و يسكن الكهوف و الشقوق .

طرق صيد الوقار :

من طرق صيد الوقار كبير الحجم الجر و يتم ذلك بالداونريجر للوصول الي القاع او السبح السقيله او الديفنج بورد ويمكن استخدام الربلات في الاعماق القليله التي تستطيع فيها الربلا الوصول الي القاع.

The post الاسماك يمكنك صيدها ” بطريقه الجر ” في الاسكندرية appeared first on ملوك الصيد.

شراء الزودياك (ودي أسهل مرحلة 🙂 بعدها تيجي مرحلة التفكير في تجهيز الزودياك بمستلزماته وأوراقه وشرحها جاي

• اقرأ : خطوات شراء زودياك فى مصر وترخيصه خطوة خطوة

المرحلة الثانية

وهي استخراج رخصه قياده عائمة بحريه ودي مهمه جدا علشان تصريح المخابرات

وكمان علشان تتعلم قياده الزودياك ودي تكلفتها 4000 جنيه

عندك مكتب المرحوم محمد موسي ومديرة المكتب  علي الفيس وهي الاستاذه هند وصفحتها اسمها حلم عمري

أو الأستاذ عبد الخالق في نادي يخت القاهره خلف محكمه هيئه قضايا الدوله قبل شيراتون القاهره علي النيل

المرحلة الثالثة

مرحله شراء المحرك ويفضل ياماها قدرة من 15 حصان حتي 25 حصان

وأفضل الـ15 حصان حيث أن اعطاله بسيطه وصيانته وقطع غياره رخيصة

توجه الي المطريه المنزلة حيث أن الأسعار متفاوتة وتبدأ من 13 الف حتي 16 الف ده بالنسبه لمحرك قدره 15 حصان

المرحلة الرابعة

مرحله ترخيص الزودياك ودي تكلفتها 3600 جنيه شامله فاتوره الزودياك وفاتوره المحرك

حيث أن الفواتير يجب أن تكون من شركه معتمده من التفتيش البحري وكل التراخيص بتتعمل من اسكندريه لكي تكون الرخصه جميع الشواطئ في وقت حوالي شهر تقريبا يعني لو عملتو الرخصتين القياده والزودياك مع بعض يكون أفضل بالنسبه للوقت لغاية كده تمام

المرحله الخامسه

وهي شراء حبل البروسي وده سعره من 40 الي 50 جنيه للكيلو هات ابو 50 جنيه

أفضل هتشتري اللفه كامله حوالي 12 كيلو يعني انت معاك 215 متر علشان لو فيه مكان غزير

مقاس الحبال فيه 10 مم وفيه 12 مم يفضل ال 10 مم لأنه طري ومناسب وهات الحبال بلاستيك احسن من الحرير لأن الحرير بشيل مياة ويبقي تقيل وهو طالع إنما البلاستيك بيبقي خفيف وهو طالع

المرحلة السادسة

البروسي أو الهلب ياريت يكون معاك 2 بروسي واحد 7 كيلو وواحد 10 كيلو

فيه 6 ازرع قابلين للفرد علشان لو البروسي وعر مش هتقدر تطلعه زي المراكب ما بتعمل وبتربط الحبل وبتمشي بالمركب لغاية ما يطلع البروسي دون مراعاه للشعب المرجانيه وما تسببه من دمار للبيئة

المرحلة السابعة

بعد ما تخلص اوراقك مما سبق ووضحناه تقوم بتصوير شهاده القيد ودي هتستلمها مع تصريح الملاحة (الرخصه ) وشهادة التأمين الإجباري وصور الفواتير بتاعه الزودياك والمحرك كما سبق واشرنا اليها

وتقوم بعمل فيش وتشبيه لصاحب الرخصه الي انتو هتختاروه لأن رخصه الزودياك ورخصه القياده هتكون باسم شخص واحد من الفريق

وتصور كل مستند 3 صور وتتوجه الي المنطقه المركزية الي انت عاوز تنزل فيها وتقدم الأوراق دي الأصل للاطلاع عليه

والصور لاستخراج التصريح لمده 3 شهور بتكلفة تقريبا 250 جنيه

المهم أن الفريق يكون مكون من 4 أفراد أو 5 أفراد علشان التكلفه كلها هتوزع علي المجموعه كلها أهم حاجه تكون المجموعة متفاهمه وأصدقاء يكون أفضل واتمني لكم الاستمتاع بالصيد

• اقرأ : الصيد بالزودياك .. سؤال و جواب

نصيحه من أخ أكبر لكم

فيه ناس هحاول تحبطك وتقولك يعني هو انت بتفهم في البحر !!

أحب اقول ان اشطر رؤسة البحر خدوها بالممارسة يعني متخافش انت مش داخل في عرض البحر انت يادوب حوالي من 500 حتي كيلو واحد داخل المياه مش كمياء يعني

ومتنساش تشتري للمجموعة جاكت لايف من عند بدر ستار لأنه أرخص واحد بيبيع جاكت لايف وده للأمان

واختار الأيام الي الهواء فيها قليل وكل ما تطلع للجنوب هتلاقي الهواء قليل .

The post تجهيز ” الزودياك ” لصيد السمك من البداية للنهاية !! appeared first on ملوك الصيد.

الصيد فى البحر الاحمر خصوصا الشاطىء مختلف بشكل كبير جدا عن البحر المتوسط من حيث العده المستخدمه وشكل الترميل و السمك المستهدف وان كان قريب بعض الشىء من البحر المتوسط فى انواع الطعوم

اولا :- العده المستخدمه

قبل ما نتكلم عن العده المستخدمه لازم ناخد بالنا من نقطه مهمه جدا وهى طبيعه المكان اللى هقف اصطاد منه هل هى شعب مرجانيه ولا صخور ولا ارض رمليه …

طيب كده احنا اتكلمنا عن شكل القاع

برضه لازم نعرف هل معامل المد والجزر بياثر بشكل مباشر على المكان اللى انا واقف فيه ولا لا لان فيه بعض المناطق بنلاقى ارتفاع البحر فى المد عند الشاطىء متر ونص مثلا واثناء الجزر بنلاقى قاع الارض ظهر قدامنا على مسافه ممكن تصل ل 300 متر

طيب انا كده استفدت ايه ؟؟؟؟؟

اقولك انا ..نستفيد ان لو المد و الجزر بياثر بشكل مباشر وان العمق متساوى لمسافه 300 متر مثلا حوه البحر يبقا لما اشوح على بعد 50 هىهى زى لما اشوح 200 متر لانه نفس العمق …اذا طول العود ممكن يقصر شويه ويبقا 360 متر مثلا..

اما لو الغرق قريب من الشاطىء وكل خطوه لجوه هتفرق فى العمق يبقا اشتغل باطول عود اقدر اتعامل معاه ونقول مثلا 450 متر لان ال 5 متر السيطره عليه بتبقا صعبه شويه اثناء التشويح

بالنسبه لشكل القاع بيفرق معايا اذا كان صخور او شعب او رملى فى شكل وقوه المكنه المستخدمه وطبعا ما يليها اللى هو الخيط والرصاص

طيب نقدر بعد الكلام الكتير ده كله ان العده بتكون 

ارض عمقها قليل وقاعها وعر:-

عود 360 مثلا كاست ويت من 30-80 جرام لاننا منقدر نزود وزن رصاص اكتر من كده عشان الوعر وكل ما الوعر يبقا كتير كل ما بضطر اقلل وزن الرصاصه وبستخدم رصاص بلحه رفيع عشان نسبه وعره قليله
مكنه سبيننج حله طويله ومش شرط تكون حجمها كبير لانك بتتكلم عن عمق اسر يعنى مش كبير

خيط من 30-40 اساسي ويفضل يكون مضاد للاحتكاك anti abrasion

طبعا السن حسب السمك المستهدف لكن انا عن نفسي بفضل مقاسات بين ال 5-8
شكل القرمه سهل جدا وهو رصاصه حره وتحتها مدور وخيط رمال اقل فى التخانه طبعا طوله 70 سم والسن

او مدور ثلاثى ونركب عين فى الخيط الاساسي وليكن 40 مم وعين نركب فيها رمال طوله 30 سم ويكون اقل من الاساسي 25 مم ويركب فيه الرصاصه والعين الاخيره للمدور نركب فيها رمال طوله 70 سم ويكون 30 مم للسن

والفكره هنا ان معظم التوعير بيكون سببه الرصاصه ولو صادف ووعرت منك وانت معاك سمكه لو شديت بزياده اول حاجه هتقطع هو خيط الرصاصه بحكم انه كده اضعفهم وبكده السمكه مش هتروح منك

واخر فكره دى قصتها طويله شويه واننا بنعمل قرمه عاديه جدا زى الاولى لكن بنركب سوسته قبل الرصاصه بحيث لو الرصاصه وعرت نعمل ايه .. نشد الخيط شده بسيطه ونسيب هنلاقى السوسته بعدت الرصاصه لوحدها عن الوعر

طيب ولو ارض عمقها كبير وقاعها وعر :-

كده ممكن نزود فى طول العود شويه عشان نقدر نوصل لاقصى عمق ممكن ونزود حجم المكنه لان السمك المستهدف هيبقا احجامه اكبر

ممكن نعمل اى قرمه من اللى شرحناهم وهنزود عليهم شكل اخير وهو اننا نركب الدور زى ما الصيادين المخضرمين بيقولو … طيب ازاى ؟؟

نركب فله حجمها كبير شويتين وتحتها مباشرة رصاصه 30 جرام مثلا او اكبر حسب ما الفله تقدر تشيل ونشوف العمق قد ايه ولو هو مثلا 5 متر نعمل وش تحت الرصاصه 4 متر مثلا بالسن بتاعنا بحيث لو اى سمكه اكلت نلاحظ احنا من الفله قبل هى ما تلحق تاخد الطعم وتدخل الوعر

احب اضيف اننا فى البحر الاحمر ممكن جدا نستخدم البريد فى التشويح لسببين هما ان البحر الاحمر تياراته وامواجه اقل بكتير من المتوسط والسبب التانى ان الريح بتكون اقل سرعه عن البحر المتوسط وبالتالى نسبة الكعبله للبريد او wind knots اقل

وبكده قدرنا نطلع بمعلومه مهمه جدا وهى ان الكاست ويت للعود مختلف تماما عن المستخدم فى البحر المتوسط بحكم ان البحر الاحمر معروف بكثرة الوعر والشعب المرجانيه

وان المكنه مش لازم تكون حجمها ضخم فى المقاس وان اهم شىء انها تكون قويه لان الله اعلم طبعا حجم السمك اللى ممكن يطلع

انواع الطعوم فى البحر الاحمر متشابهه بشكل كبير مع البحر المتوسط لكن بيزيد عليها ان الكاليمارى وهو ملك الطعوم فى البحر الاحمر وبيستخدم فى البحر المتوسط كطعم لكن ملوش شعبيه البحر الاحمر بين الاسماك

• بقلم كابتن / Eslam Aiop

The post معدات صيد الشاطئ في البحر الأحمر appeared first on ملوك الصيد.

وهذا الصيد مضمون باذن الله بمعنى انك اذا اتبعت الطريقه الصحيحه سوف تتعب من كثرة الصيد

1 – تحديد مكان الصيد المناسب

وهذا امر سهل جدا لاصحاب القوارب المزوده بجهاز اعماق .

على صاحب القارب او المركب ان يبحث عن (الحروف) داخل البحر

والحرف هو عباره عن انحدار او تغير مفاجئ في العمق بمعنى اذاكان العمق لديه مثلا 70متر وفجأه صار العمق 140 هذا نسميه حرف وهو افضل مكان للصيد

2- طريقة ترسية القارب في الحرف او العمق المطلوب يجب ان يكون لديك حبل لايقل عن 200 متر ..

طريقتين لتثبيت القارب او المركب

الطريقه الاولى

وهي ان يتم رمي المرساه في عمق 70 وترك القارب يعود للعمق المطلوب وهو :

• 120
• او 130
• او 140
• او 150

مع مراعاة اتجاه الريح وكلها اعماق مناسبه جدا للصيد وصدقوني سوف تنبهرو بكمية الصيد ..

الطريقه الثانيه

وهي ربط بلوكه كبيره أو طوبه كبيره تزن فوق 30 كيلو بحبل نايلون يمكن قطعه بقوة دفع المكائن

عند الانتهاء من الصيد وهذا الحبل اللذي ثبتنا الطوبه به يربط في الحبل الاساسي للقارب وعند الوصول للعمق المطلوب تقذف الطوبه في البحر

وعند الانتهاء من الصيد يقوم صاحب القارب بالانطلاق سريعا بالقارب حتى يتم قطع الطوبه وتركها بالاسفل حيث انه من غير المعقول رفع طوبه من عمق 120 متر ..

اذا حددنا المكان وقمنا بترسية القارب في المكان المطلوب نكون انهينا تسعين في الميه من التعب

3- تجهيز خيوط الصيد و الطعم

• الطعم المستخدم سردين طازج
• خيط الصيد مقاس 140مم

وارجو ان لاتستخدموا خيط صيد اقل من 120 أو 140 لانك ممكن تصيد اكثر من سمكة في المره الواحده أو سمكه كبيره وتقطع معك الخيط

السناره مقاس 5 أو 6 و يفضل نوع موستاد نرويجى أو ياباني

تربط ثلاث او اربع سنانير بالخيط بين كل واحده والثانيه حوالي 30 سم

وفي الاخر ثقل مقاس 10 (وذلك للنزول السريع ويفضل استخدام اليد بدل من قصبات الصيد)

4- طريقة الصيد

لان هذا النوع من الصيد غريب شوي على الغالبيه من الناس لكن له طريقه مختلفه …

يفضل تقطيع او طحن قليل من السردين (كيلو مثلا) و وضعه بكيس أشبه بكيس البصل ووضع بعض الحجاره بداخله ويتم ربطه ورميه تحت القارب لتجميع السمك …

• معلومه مهمه جدا جدا جدا

لانك تصيد في عمق 120 لاتنتظر الى ان تقوم السمكه بسحب الخيط (لأن هذا لن يحدث!!!) و لكن عند احساسك بأي دق خفيف او نقر على الخيط يجب عليك شك السمكه بقوه وبسرعه

وثق تماما انك سوف تصيد اسماك كبيرة الحجم ومن الممكن بل غالبا سوف تمسك بأكثر من سمكه في المره الواحده

5- السمك الموجود بالقاع هو سمك:

• الصرع
• الهامور
• النفاره
• ابو بصيل

مع اختلاف المسميات من منطقه لاخرى وان شاء الله اقوم بتنزيل صور لهذه الاسماك

6-الصيد العنيف الكبير

هذا الصيد يكون فوق القاع بعشره باع والباع هو فرد اليدين على الاخر تقريبا الباع متر ونص ويتم تحديده بعد نزول الخيط للقاع برفع الخيط عشره باع ووضع علامه او اشاره على الخيط ..

وطريقة الصيد هنا تختلف قليلا حيث اننا نستخدم سناره واحده فقط بنهاية الخيط

واسمحوا لي هنا ان افصل قليلا …

احنا قلنا الخيط يجب ان يكون 120 مم ومافوق

ولان نوعية السمك المستهدف حذره يجب تقليل من سماكة الخيط فنقوم بالتالي:

ناتي بثقل مقاس 8 او 10 شبيه البلحه بها خرم ندخل الخيط مقاس 120 مم بداخلها

ونربط دوار او مدور

ونربط في الجهه الثانيه للدوار خيط مقاس 90 او 100 مم طوله مترين بنهايته السناره مقاس 4 او 5 ( يعني يكون كالتالي :

الخيط مقاس 120مم الثقل المدور او الدوار الوصله الاخيره مقاس 90 او 100 مربوطه بالدوار والطرف الاخير السناره …

يوضع بالسناره اكثر من سردينه مع مراعاة اخفاء السناره بالطعم قدر المستطاع

انزال الخيط الى العمق المطلوب وهو فوق القاع بعشره باع

مع العلم انك سوف تصيد اسماك كبير جدا مثل:

• التونه
• ابو خنجر
• الثمد
• الفارس

وهذا الاخير متواجد بكثره ولايقوم بسحب الخيط بل يمسك الطعم بحذر ..

نرجع و نقول تاني ..  اي احساس بسيط باي حركه بالخيط يجب عليك ان تسحب بقوه حتى تغرز السناره بالسمكة

The post صيد الغزير والسمك الثقيل .. تفاصيل الصيد المتعب الممتع appeared first on ملوك الصيد.