كل شئ عن ديدان الصيد {بأنواعها }

(1) الطعم ” الدود “

التعريف : تُعد الديدان من أشهر الطعوم الحية المستخدمة في صيد الأسماك بالعالم على الإطلاق.

وهي أنواع عديدة أهمها دودة الأرض (Earth Worm)، وتستخدم في الصيد من الماء العذب.

وتقبل عليها أسماك البلطي، القراميط، والبياض بشراهة.

بينما تُعد دودة الدم (Bloodworm) من أشهر أنواع الديدان المستخدمة في صيد البحر إذ تقبل عليها أسماك النقط (Spot fish)، وأسماك النعاب الأرقط (Croaker Fish)، بشراهة غريبة.

يعيش دود الارض على حواف الانهار ( والترع – والرشاح ) وفى الاماكن الرطبه ويكثر اثناء انخفاض المياه .

ويوجد فى الاراضى الزراعيه التى تكثر من الرى على بعد حوالي 70 سم من سطح التربه.يصعب تربيته والحصول علية لذلك يصل سعر الكيلو منه اثناء موسم الصيد ( الصيف ) يصل الى 80 جنية وللعلم ..جميع انواع السمك النهري والبحري تغرم بالدود .

انواع دود الصيد :

دود ارض بلدى:

وهو يستخرج من الاراضى الزراعية التى تستخدم السماد العضوي وبيكون لونه احمر ومتوفر بمحلات الصيد

النطاط:

وهو يستخرج من حدائق الفاكهة خاصة الموز وهو كثير الحركة ” بيتنطط ” ومتماسك ولا يعيش خارج التربه الخاصة به لونه اسود من فوق واحمر من تحت وفية خط بعد راسة

الطعم الافرنجى :

يستخرج من حواف الترع والمصارف وهوه كبير الحجم ويلقب بالطعم الزفر لانه ذو رائحه نفاذه الدود

الاسمعيلاوي:

الدود الإسماعيلاوي قد يصل طولها إلى متر و نصف و يقوم البائع بتقطيعها إلى عشرة أو أكثر قطعة حسب طولها ليقسمها على أكبر عدد من الطرود بعد أن يضعها في قطعة خيش في حجم طابع البريد و يلفها في ورق الجرائد ليقلل من المصروفات و يكثر من الربحية

الدود القراص:

هي الدودة الي لها أرجل كثيرة وطول الدودة من 7 إلى 10

دود مشرشر:

الدود المشرشر يباع في اكياس بلاستيك مملوءة بماء البحر لتظل حية

دود السبلة

التعريف :

دود ابيض صغير و هو عباره عن يرقات وهو بيستعمل كتير جدا في اوروبا وفي الارياف بس قليل

اماكن تواجدة :

يوجد في روث الماشية او اي مكان فيه قمامه و بقايا اكل مرميه لفتره ولعياذ بالله

الاسماك الاكله له :

هو مغرى للبلطى اكتر من دود الأرض لأنه دائم الحركه خاصة الاحجام الكبيرة

وقت الصيد :

في اي وقت

طريقه الحصول عليه :

اولا يوضع الروث على فرشه فى الشمس و يقلب حتى يجف قليلا ثم تضع الحصيله الجافه فى شىء كبير و تقف فى مكان به بعض الرياح وتبدا من اعلى تدلق الحصيله فى الهوا سيتطاير القش و خلافه و يسقط الدود الابيض الرفيع على الفرش الاخر فى الارض اسفل يدك مباشرهتعاد الكره مرتين اوتلاته للتنقيه

طريقه الصيد به :

الصيد بالسبله طعم دودتان عن طريق تعليقهم بالسن من منتصف الدودة وترك الطرفين حرين يستخدم سن 8 او 9 و تنزل على غماز خفيف فوق الدور المتزفر من نفس الدودة

اوقات الصيد :

افضل وقت بالليل وبلا منازع و غالباً مش هايشتغل معاك الصبح بمعنى انك مش هاتطلع الا شر بلطى وعبودى

اماكن الصيد :

حبذا لو مكان فيه حجارة بس يكون بقالها فترة طويلة مرمية فى الماية او بالقرب من الحشائش والخوص او في وسط المياة ( حداف ) .

طرق الصيد به :

شعر 40 على المكنه ورمل ب 30 او 35 واعمل وش طويل يفضل 1.5 متر ودة حسب العمق يعنى لو ما فيش عمق قلل الوش وسن (6 او 7)وطعم الطعماية صاحية افضل و تكون مدلدله من السن للحركه واغراء السمك وممكن تستخدم احدي الطرق في تركيب الدودة فى السن:

• الصيد بالحداف:

عن طريق وضع الرصاصة المناسبه لشدة التيار لانها لو صغيرة هتتجرف فى القاع ويقع منها الطعم بسرعه ويفضل ان تكون تقيله 150 جرام او اكثر وتحدف وتتوكل على الله

في ناس بتفكر انك لما بترمي بعيد ده يبأى احسن دي معلومه غلط لان السمك ممكن يكون تحتك على طول وانت بتدور عليه بعيد المهم تحدف وبعد ما الحداف يسقط فى المية ويستقر تلم الخيط على المكنه بحيث يكون مشدود وتعرف دة من ان اللبلوب يكون متني تنيه بسيطه وانتظر هزة اللبلوب واضرب او اشكم السمكه وبعد كدة تلم والرازق هو الله

• الصيد يالفلة :

عن طريق غماز وسط ورصاصة توزنه بس مايكنش على الشعرة عشان السمك هايغمز كتير ويشد ويسيب ويلعب بالطعم واحسن حاجه انك تسرح الفله عن طريق عمل الخرزه واستخدم غماز كبير غماز تسريح وكام رصاصة توزنه ” 

ولو غمزت لا تستعجل عليها بل اسحب منها الطعم بهدوء واتركه مره اخرى وعاود الكره ولكن بهدوء شديد ولكن فى النهايه تشد منك بقوه فاضرب عليها .لو ما طلعتش شد وظبط طعمك وارمي تانى.وما تنساش الفسفور .

الديدان الصناعية (Plastic Worms)

تستخدم في الصيد من الماء المالح والعذب على حد سواء، وهي تصنع من البلاستيك أو المطاط بمختلف الألوان الزاهية وتتراوح أحجامها ما بين 7 إلى 25 سم،

وغالباً ما تستخدم في الصيد بالإلقاء (حيث تستخدم غالباً في الصيد بإلقائها في الماء فتستقر فيه، وعند سحب الخيط ببطء تنزلق الدودة وتقفز ببطء في القاع الأمر الذي يؤدي إلى استثارة الأسماك)..