النهارده هنتكلم في موضوع مهم جدا وهوالفرق بين سمك البحر والمزارع
اسماك المزارع الي عندنا في مصر (البوري والقاروص والدنيس واللوط والجمبري ومنها النهري زي البلطي ) ودي الانواع الي عندنا في مصر بتتعمل مزارع وبيقع ضحيتها الكثير من الناس ويشتروها على انها سمك بحر مش مزارع
اولا 99 من محلات الاسماك لا تشتري الاصناف الي احنا قولناها بحريه نظرا لارتفاع سعرها فهو يجيب سمك مزارع ويبيعوا بسعر سمك البحر يعني مثلا سمك القاروص او الدنيس المزارع من(70:90) يشتريه ويبيعوا بسعر (120:140) فمعدل الربح في الكيلو(30:50) لوجاب بقي سمك قاروص بحر وسعره من (100:130) فهيكسب 10:20في الكيلو
دا ينطبق على البوري والدنيس واللوط فمعظم محلات الاسماك لا تشتري سمك البحر اما سمك المزارع في مصر فاللاسف حاجة تمرض، اولا بيكون عايش في مياه ملوثه اغلبها جيه من الصرف الزراعي الملوث بالمبيدات الحشرية، ده طبعا غيير انها بتاكل زباله مزارع ومجازر ومحلات الفراخ و اسوأ انواع الاعلاف ده لو اكلوه علف اساسا،
طبعا في مزارع سمك محترمه بس دي نسبه قليله جدا وانت كمستهلك ماتضمنش طبعا ده جاي من مكان نظيف ولا لا اما سمك البحر فيعيش في بيئته الطبيعية ودرجه الحراره اللي مناسبه ليه وبياكل غذائه الطبيعي من اسماك اخري وجمبري وكابوريا واعشاب بحريه وصدفيات وبالتالي بتكون قيمته الغذائيه افضل كتيييير جدا وانظف وغير ضار
وعن كيفيه التفريق بين المزارع والسمك البحر البلدي، دي للامانه عاوزه حد فاهم جدا في نوع السمك وعين ثاقبه ومواصفات كل سمكه بس هقولك علي الزتونه واسهل طريقة 😃
سمك البحر ريحته يود مش زفاره، الزفاره دي بتكون جايه من الزباله اللي سمك المزارع بياكلها لكن سمك البحر رحته هي ريحته البحر واليود السمك اللي رحته وحشه جدا وملفته اوي متكولش منه،
كمان سمك البحر بيكون احجام مختلفه مش حجم واحد،
يعني لو لقيت مثلا بوري او دنيس كل السمك شكل واحد ومقاس واحد ومواصفات وحده بالظبط كأنهم توائم اعرف علي طول ان ده مزارع
السمك البلدي هتلاقي واحده كبيره وواحده صغيره وواحده غامقه وواحده فاتحه …واحده الخطوط والبقع والالوان اللي فيها غامقه وواحده فاتحه وكده .
علامات سمك المزارع ..
الحجم متطابق لكل الاسماك لأنه (زريعه) وحالياً يتم خلط الكبير والصغير معاً
يتواجد فى غير الموسم
السعر منخفض
راس السمكه اكبر من سمك الصيد البحري
اللحم طرى و غير متماسك
الطعم اقل جوده من الصيد
بطن السمكه كبير و ممتلئ غالبا بالدهن ( إطعام السمك قبل إستخراجه من المزرعه حتى يوزن عند الميزان)
احيانا البطن عليها طين اذا ارض المزرعه طين
علامات سمك البحر .
السمك صايم او بطنه صغيره بحر .
يتواجد فقط فى الموسم .
سعره عاده اعلى .
راس السمكه اصغر مقارنه بالمزارع
اللحم متماسك و لا يتلف بسرعه .
الطعم جيد
الرائحه مميزه
قد تجد فى بطنه بعض من طعامه جرايات مثلا
القشور قويه و متماسكه
