طرق صيد القاروص كالمحترفين

كثيرا من الصيادين المبتدئين يستبعدون صيد سمكة القاروص نظرا لما يسمعوه عنها وعن سمعتها وهي صعوبة دخولها الا على الطعم الطازج الحي او الصيد بالطعم الصناعي

وفي الحالتين السمكة موجودة في موسمها بكثرة ولكن قبل الأقدام على الرغبة في صيد سمكة القاروص هناك عوامل يجب ان نتبعها جيدا وهي ( أسرار صيد سمكة القاروص )

ولصيد سمكة القاروص (السيباس) يجب اتباع عدة امور وحسبانها جيدا :

• نوع السنار
• والطعم
• والموسم
• والأهم هو حالة البحر

القاروص يحب البحر المرتفع نسبيا ولو كان الصيد ليلا القاروص يفضل ضوء القمر وخاصة في حالة صيده بالطعم الصناعي .

مواسم تواجد سمك القاروص

سمك القاروص موجود من شهر 7 الى اواخر 3 تقريبا

اي ما يعادل ستة شهور من السنة ويكثر

ويزيد صيده مع أزدياد برودة المياه في نوفمبر وديسمبر فبراير ويناير

ولكن هناك قوانين لصيده في موسم تكاثر القاروص من اكتوبر الى فبراير

وفي هذا الوقت تميل السمكة الى أكل الطعم الطري مثل:

• الدود الأسمعلاوي
• الدود المشرشر
• القراص

حتى لا تؤذي البيض الذي في داخلها

لذلك عند الصيد بالجمبري الخشابي يقوم الصيادين الخبرا في هذا الوقت من السنة بكسر شوكة الروبيان حتى تقبل عليها انثى القاروص

ولكي لا تؤذي بيضها ثم طعم الجندوفلي وعو المفضل لسمك القاروص الا ان أغلبية الصيادين يهملون هذا الطعم وخاصة مع صعوبة تطعينه في السنار .

أسرار صيد سمكة القاروص

معرفة الوقت المناسب لصيد القاروس والمياه التي يميل لها ودرجة ملوحتها

الوقت المناسب لصيد القاروص هو المساء حيث ينشط ليلا في الليالي القمرية اكثر من الصباح

ويميل الى المياه قليلة الملوحة مثل مصبات مياه النيل في البحر

وفي مصر دمياط و المعدية هي افضل اماكن صيد القاروص

والساحل الشمالي وسنقول لماذا الساحل

ثم درجة البحر القاروص يحب البحر النافخ الذي تتقلب امواجه

 القاروص يعيش في الجروف وهي اماكن تقلب الموج

لأن الجروف هي حفر من امواج البحر رملية يذهب فيها القاروص ليبحث عن غذاءه فالقاروص لا يدخل للقاع بل يعيش في المياه المتوسطة العمق المتحركة مثل مكان تقلب الأمواج وخاصة الرمال الخشنة

وهذا سبب تواجده بكثرة في الساحل ليبحث عن الديدان والجندوفلي في هذه الرمال الخشنة

والقاروص يحب الليالي القمرية واي اضاءة او كشافات

القاروص سمك حذر جدا لذلك الخيط لا يزيد سمكه عن 25 ويفضل ان يقل عن هذه السماكة

افضل وقت لاصطياد القاروس صيده هو البوستاشي وهو حالة تفريغ البحر بعد النوة مباشرة القي الطعم في مكان الرغوة او تقلب الموجة

وأحسن وقت في اليوم لصيد سمك القاروص من الفجر الى بداية تعامد الشمس او من العصر الى منتصف الليل

طرق صيد سمك القاروس ( مجربة )

القاروص ليه طرق كتيرة جدا لصيدها علشان كده انا حتكلم عن اللي انا متمرس فيه واستخدمته

ياللا بينا نبتدي على بركة الله

اولا لازم نعرف شوية معلومات عن سمكة القاروص

سمكة القاروص من الاسماك اكلة الاسماك مش معنى كده انها بتاكل سمك بس ولكن بتحب الاسماك

ولازم نعرف معلومة مهمة جدا ان القاروص ممكن يضرب على طعمك حتى لو انت مش بترمي عليه وده كتير بيحصل وأنت ورزقك فخد بالك من النقطة دي كويس.

مواسم القاروص

القاروص ليه موسمين

• الاول : من اول يوليو حتى نهاية سبتمبر (بيكون ضعيف واحجامه صغيرة )
• الثاني: من اواخر اكتوبر لاواخر يناير

طرق صيد القاروص

القصبة اليدوي _بدون ماكينه (طريقة الترييش)

• الشعر الاساسي نمرة 40
• الصيد من غير فلة
• الرصاصة بلية صغيرة جدا
  محدش يستغرب لانك حتصطاد من غير طعم ولا سنانير (اللي حتصطاد بيه ريشة) ايوة ريشة (علشان كده الطريقة دي اسمها الترييش )

زي ما قلنا الشعر الاساسي 40

وتركب الرصاصة وتحتها الريشة ودي بتكون ريشة فراخ عادية وبنختارها تكون من الريش الداخلي يعني المتغطي

بنجيب الريشة ونربط معاها سلاح نمرة 01 وبعد كده نربط سلاح تاني ونسيب شعر حوالي 2 او 3 سم

ونربطة معاهم ونيجي على مكان ربط الشعر ونلف عليه شعر حرير (دور واحد ) وفوقهم شيكرتون

ونلاحظ اننا واحنا بنربط السلاح التاني نخلي حتة شعر طويلة ونعملها خية لان منها حنوصلها في الشعر الاساسي

وكمان يكون اتجاه الريشة مع اتجاه السلاح بمعنى ان الجزء اللي فيه الريش يكون مع دوران السلاح

جهزنا البوصة والسلاح يبقى مش فاضل غير السمك

القاروص سمكة عايمة بتدخل مع الموج يبقى كده احنا عايزين موج.

نختار مكان يكون فيه موج عالي ونقدر نقف فيه وكل ما عليك انك ترمي في الموجه وتسحب ايدك معاها .. ولازم وانت بتسحب ايدك توقفها كل شوية علشان تخايل السمكة وتشوف الريشة وهي بتتحرك بتلاقي (لو ليك نصيب طبعا) عيل صغير بيسحب منك البوصة اتعامل معاه بقى

بس الطريقة دي مفيش ناس كتير بتستخدمها لانك لازم تنزل تقف في المية في عز الشتا وتخيل بقى شتا ومية ساقعة وموج عالي بس سمكتها بتنسيك كل ده 🙂

• اقرأ : فوائد لا تعلمها عن سمك القاروس

الصيد بالبوصة الماكينة

القاروص بالماكينة ليه طرق اشكال وألوان بس برضة ارجع واقول ان القاروس بيضرب على اي طعم طول ما هو موجود في المية فلو انت بتصطاد الصبح يبقى ارمي للقاروس بالراباللا .. ده طبعا جنب الطعم

يعني لو رميت بالطعم الصبح عادي حيضرب عليك بس مش زي الراباللا.

والصيد بالراباللا سهل كل ما عليك انك تركبها في الشعر وترمي وتجر بسرعة متوسطة السمكة حتضرب عليها كأنها سمكة بتجري.

لو بتصطاد بالليل يبقى حترمي بالطعم عادي ولو موجود في المية قاروص حيضرب عليك

وحاول تستخدم سلاح كبير يعني نمرة 01 او 02 او 03

وتعمل سلاحين واحد فوق الرصاصة والتاني تحتها ويكون طولة كبير يعني متر الا ربع تقريبا

ولازم تخلي بالك واوعى تسيب البوصة وتستنى السمكة لما تضرب

لازم تفضل ماسكها لان القاروص من السمك اللي بيجر يعني يحط الطعم في بقة ويجري

• اقرأ : صيد القاروص بالمعالق Spoons

للطعم المفضل للقاروص

• الجمبري ( نطاط – عقر – بلانص – شطنارة )
• الدود (قراص – قراص صخر)
• حنش الطين (بيستخدم في الطرح )
• دود بحر (اسمعلاوي)
• السردين

اقرأ : أفضل طعم لصيد القاروص  Sea Bass

أشهر أماكن صيد القاروص فى بورسعيد

• كوبرى الجميل
• شرق التفريعه (الحجر الشرقى)
• داخل ميناء بورسعيد (رصيف الحاويات)

اقرأ : أماكن صيد القاروص في السويس و طرق صيده

فيه سمك من عيلة القاروص بس مش بيكبر اكبر حجم ليه قد الكف اسمة نقط بضم النون

وهو شبه القاروص بالظبط بس فية نقط على ضهره وده بتصطادة بكثره من أسفل كوبرى الجميل فى طريق بورسعيد دمياط،، وكوبرى الكرنتينه ببورفؤاد