صيد الكاستنج ابهرنى جدا عندما رأيته اول مره … بس دا كان فى فرنسا على موقع من مواقع الصيد والذى ابهرنى وادهشنى ان الهواه هناك ينزلون الى المياه الجارية بملابس مضادة للبلل
وكم ادهشنى احجام سمك القاروس الذى تم صيده من اماكن وعرة ومياه جارية شديدة الجريان …. ولم اكن حينها اتصور ان القاروس فى تلك الاماكن يمكن صيده بمنتهى السهولة ودون عناء
اما لدينا فى مصر ومدننا الساحلية فان القاروس له سلوكيات خاصة ومزاج عالى ومتدلع على الاخر ( جمبرى حى ومش اى جمبرى )
اما بخصوص الاسكندرانية فهم عشاق صيد القاروس ولكن مش فى كل الاماكن يتم الصيد بهذا النظام وكما تعلم فان غالبية شواطىء الاسكندرية شواطىء وعرة وبها حواجر تكسير الامواج وهذا هو المكان المناسب لتواجد القاروس
واول اشخاص جربوا البايت كاستينج عالقاروص بالذات الاسكندرانيه واقتعنوا بيه جدا
حد يقولي طب ايه السبب !!!
ده لأ نهم كان بيشوفو القاروص بيلعب في الميه واوزانو حلوه جدا ومبيرضاش ياكل هوا طبعا معروف انه سمكه مهاجمه مع بحثهم في المواقع الاجنبيه عن صيد القاروص اتلقو انهم بيصطادوه بالربيله والمعالق فجربوا
لان بصراحه لما تشوف قاروصه فيها اتنين كيلو او 3 ومتاكلش بتبقي هاين تجري وراها في قلب الميه :)) المهم جربو مع الاول حسو انه اختراع فاشل لكن اهم حاجه انك تحرك الرابله اكنها سمكه مضروبه او هربانه من سرب
ولما هوا يشوف سمكه بتلوذ بالفرار بطريقه غريبه بيكون رد فعله عدم المقاومه ولما علم عليهم القاروص انتشرت في انحاء مصر مع انها كانت موجوده الطريقه دي في بحيرة ناصر
والغريب أنهم بيصيدوا القاروس بالمعالق spoons واظن ان احنا بنشوفها كتير عند محلات أدوات الصيد .. والاطوال المناسبه للمعالق عشان القاروص من 6سم ل 9سم وممكن يخش علي اكبر من كدا بس علشان لو في انواع تانيه كبيره تخش عليك برضه
الطريقه
يتم المخايله بيها بالتجريه بسرعات مختلفه ؟؟يعني لم بالراحه ثم اسرع ثم سريع ثم وقف وهكذا ….
ملحوظه
الطريقه السابقه دي انا جربتها في معالق وزنها خفيف جدا
وعلشان تتحدف بتربط متر ونص شعر في المعلقه وبعدين تيجي لشعر الماكينه الاساسي تحط من 4 ل 6 رصاصات بلي صغيرين وزن الواحده 5 جرام تقريبا وتربط مدور بدون مشبك في الشعر وتربط المعلقه فيه وحجم المدو ر نص صابع تقريبا
ونصيحه هات مدور نحاسي لان ممكن المدور الفضي السمكه تتخايل بيه وتهجم عليه وهتقطع الشعر ازا كان ليها اسنان
الاسماك الي بتخش عالمعالق :
القاروص – المياس
وفي ناس قالت ان الوقار بيخش عليها بس طبعا حسب خبرة الصياد في المياه
تعليق واحد