تعريف الكاستينج :
هو الصيد بالطعوم الصناعية
- الربالات
- السوفت بيت ( السيلكون )
- البوبر
- اي طعم صناعي
الكاستينج بعكس الصيد بالطريقة العادية .. ازااااي ؟
الصيد بالطريقة العادية انت بترمي الطعم وتستني السمكة تاكله وبعد كده تسحب ..
في الكاستينج انت بترمي اللور او الطعم وبتلم الخيط مع بعض الحركات اللي تقدر بيها تستفز السمكة وتخليها تضرب علي الطعم بتاعك كده يبقي انتهينا من تعريف الكاستينج في اختصار نروح لعدة الكاستينج
عدة الكاستنج
ازاي اشتري عدة كاستينج
فيه كذا فئة بأوزان واطوال مختلفة بتبدأ من :
( الترا ليت اللي هوا الطعم بتاعها ٣ و ٥ جرام لحد الاكسترا هيفي اللي الطعم بتاعها بيوصل ٨٠ جرام )
علشان ما تدخلش في تفاصيل كتير خليك في خير الامور الوسط اللي هوا المديم ( اللي بتكون جراماته بحد اقصي ٣٠ جرام )
الطول المناسب لقصبة الكاستينج مش اقل من ٢٤٠ ومش اكتر من ٣ متر وافضلهم ٢٧٠
المكينة في الكستينج اهم حاجه فيها الخفة والسرعة مكن الكاستينج بتلاقي ٥٠٠٠ فيه مصغر مش زي المكن العادي ٥٠٠٠ فيه بتعمل ٦٠٠/٧٠٠ جرام لا دي ٥٠٠٠ الكاستينج بتبقي مرموز ليها LT
يعني ليت مصغرة او خفيفة بتعمل كم جرام دي بحد اقصي ٣٥٠ جرام انسب حجم من ٢٥٠٠ الي ٥٠٠٠
الخيط بيكون بحد اقصي ٢٠مم بريد طبعا من نوعيه ممتازه علشان يديك قوة مع صغر السماكة
ينفع الصيد كاستينج بعدة صيد عاديه ينفع مش هتقول لا مع مراعاة وزن الطعم للقصبة
بس المشاكل اللي هتقابلك هنا كتير منها تقل العدة هترمي كم رميه وهتلاقي دراعك مش حاسس بيه الحاجه التانية الاكشن مش هيطلع بالنتيجة المرضيه زي العدة المخصصة للكستينج
لو عايز ماكينة كاستينج ممتازة وسعر معقول
- Daiwa Fuego Lt
- Shimano nasci
عن تجربة المكاين دول عن تجربة اكتر من ممتازة
علي فكرة انا مش بعمل دعايه لاي شركة ولا انا تاجر بس حابب اشاركم تجربتي مع الكستينج
ودمتم سالمين
