وادي الريان من المناطق السياحيه الجميله 💞 والتي من الله عليها بالمناظر الطبيعيه الجميله والشلالات الطبيعيه الساحره التي ينساب منها الماء وتبعث على الروح بالسكينه وتأخذ معها القلوب 💞
ويوجد بها بحيرتين صناعيه وهي تعتبر من الأماكن التي تجذب إليها الصيادين من كل مكان
🔴 يبدأ الصيد غالبا من بدايه شهر نوفمبر… ( 11 )
ويستمر حتى شهر فبراير… ( 2 ) حتى تبدأ السمكه في التحميل ثم يعود في أواخر شهر مارس… ( 3 )
كلما كان الجو سقعه كان أفضل لصيد القاروص
🔴 طرق الصيد في وادي الريان :-
هناك 3 طرق للصيد في وادي الريان 👌
1 _ الصيد من الشاطئ
عن طريق الحداف… او الغماز ونحتاج فيها عود لا يقل عن 4.5 متر وكلما كان العود طويل كان افضل وغالبا ما نستخدم الطعم الحي او الزفر
وافضلهم على الإطلاق الجمبري الحي او العقر او البرغوت وممكن الصيد عن طريق دود الأرض و المصران او عن طريق الماكريل ويقطع الي قطع صغيره
وفي بعض الأحيان يلجأ بعض الصيادين الي صيد ابو نقط ومن ثم الصيد به هناك وذلك الي جانب الصيد بالبساريا وهي محببه للقاروص
السنار المستخدم لا يقل عن 6 ويتم عمل جوز واسع ويفضل الرصاص يكون خفيف او على حسب الريح
لابد من وجود معك مغراز لتثبيت العود فيه
كرسي علشان تستريح جانب العود 😂😂
من الممكن الصيد من الشاطئ بطريقة الكاست او المخايله وبتكون عن طريق استخدام الطعم الصناعي اوالمعالق ودي هنتكلم عليها لاحقا 👌
٢ _ الصيد من داخل الماء : _
وهنا حضرتك قدامك حاجه من الاتنين 😂
اولا تكون معاك بدلة للميه ودي مخصصه لنزول الميه والدخول فيها لاعماق قد تصل لمتر لأنها بتكون عازله وتمنع تسرب الميه وبتحميك تماما
او
او
او…… تشمر البنطلون او تقلعه وتنزل لحد ماااااااتطول وتتحمل
وفيها ممكن تجرب انواع الصيد السابقه في الطريقه السابقه ☝️
3 : _ الصيد بالمركب : _
ويتم عن طريق تاجير مركب من هناك ودي بتدخل بيك لجوه ومن الممكن اشتراك فردين فيها
وهنا انا بكون محتاج عده خاصه
اولا عود كاست او عود محترم ما يكونش طويل وبحد أقصى 2 متر
بحتاج يكون معايا اكتر من نوع ولون للطعوم الصناعيه علشان اجرب اكتر من حاجه ويفضل يكون الطعم الأقرب للطبيعه من حيث الشكل والحجم وان كان الجرينجو الريد هيد بيعمل شغل كويس
لابد اراعي حركة الميه والهوا لانه لما يكون فيه هوا اغير وانزل بالمعلقه ويفضل اللون الذهبي لان لما بيكون في هوا السمكه بتنزل شويه لتحت قرب القاع
وخلي بالك من حركه الاكشن بتاعة الطعم وانت بتلم…. لازم اجرب اكتر من طريقه.. سريع.. بطئ… متوسط مع حركة العود يمين وشمال لان سمكة القاروص سمكه ذكيه جدا ولو الميه صافيه ومكشوفه فانها تقبل اولا على الطعم الي متعوده عليه
استخدم الخيط البريد لانه بيسهل عملية التشريح والرمي لمسافات بعيده ولازم اركب ليدر وغالبا يكون من الفلورو كاربون الغير مرئي
- 🔴 احسن وقت للصيد بداية من الفجر ومع دخول المغرب
- 🔴 القاروص يطلق عليه نمر البحر نظرا لحدة بصره وذكائه وعلشان كده لازم اخلي بالي من طريقة حركة الطعم انها تكون اشبه بطريقة حركه السمكة الطبيعيه
