يعني إيه توشيح .. يعني أن يتم تسريح اورمي الطعم في الميه
وان يمشي الطعم بالصناره مع التيار بدون توقف مع مراعاه اتجاهه التيار وشدته ومعاده
أولا اتجاهه التيار يكون من الشمال إلى الجنوب مهم جدا جدا
موعد بدأ الصيد بطريقة الوش
الميعاد اوالوقت بعد الفجر لطلوع الشمس وبعد العصر لغايه العشاء وممكن بعد كدا إذا لم يتغير الاتجاه أو القوه
قوه اوشده التيار يكون مناسب للسمكه المستهدفة لاضعيف ولاشديد متوسط يدوب ماشى بالخيط ومرفوع عن الأرض
الطعم المستخدم
الطعم يكون فريش فريش يعني طازه جدا جدا لاغراء السمكه بزيادة
وشكله يكون مثلاً قطعت شروي طويلة (بلاميطه) في حدود ١٢سنتي وشكلها حلو مثل الجكايه ومعاها وحده سردين فرش مشكوكه من عنيها أو بغايه صغيره فرش وبنقول فرش اوقطعه كليماري طويلة فقط اووحده صبيط لوحدها فقط بردو فريش
الخيط المستخدم
الخيط نايلون وزن ٥٠ او٦٠ او٧٠ او٨٠ حسب السمكه المستهدفة ويكون ليس به هرش اوعقده اومدور اومشبك
الرصاص بيكون قشره وزنها على حسب شده التيار
طريقة الصيد
اولا نرمي من غير رصاص ونشوف شدته لو التيار شديد نتقل الرصاص حته صغيره لوالخيط حسيناه بيجري نتقل شويه شويه لغايه ما نظبط الخيط بين الميتين (يعني لاهو فوق وش الميه ولا قريب جمب القاع) يعني لوالخيط لامس وش الميه على بعد من المركب بزيادة يبقى نتقل الرصاص
لوحسيت في نقر سمك صغير في الطعم أو وعرت يبقا نخف الرصاص شويه لغايه مانظبط الخيط فى نص العمق بقدرمايمكن
لوسمك عائم مثل البياض اوالبركودا اوالدراك يبقا عايم شويه يعني لو العمق ٤٠متر يبقا الطعم على ١٥متر او٢٠متر من وش الميه بالتقدير*
مثلاً لوبتوشح على بهارمثل يبقا لازم خيط ٧٠او٨٠ولازم يكون التيار شديد والطعم كبير و السن كبير شويه الطعم ربع جنب شرويه بطولها
أما المحسني والشعور خيط٥٠او٦٠ وشريحة شروي وسردينه من عينيها والسن زيرو ٤
ملحوظه هامه جدا
سيب الخيط يجري مع التيار واوعا تمسك عليه أو تشده عليك كل شويه خليه ماشي مع التيار على طووووول
ولما تحس ان السمكه بتاكل طولها متر علشان تبلع الطعم وبعدين الكع وشد بسرعه وخدوادي للسمكه وحده وحده علشان ما تقطعش الخيط ولا تفلت منك
رمي الزفر عكس التيار اوبالثقل بين الميتين في الوقت المناسب وده شغل الطاقم مهم جدا جدا
يجب ان يكون المركب واقف صح يعني مش بيشط يمين وشمال يعني ثابت
وفي الاخر الأرزاق على الله ولكل مجتهد نصيب
