من اشهر اسماك الشواطىء فى البحر الاحمر ..وتعتبر من فصيله الاسبور اللى بتضم الدنيس والمرمار وغيرهم وبتنتمى لرتبه الفرخيات و تتواجد الأسماك دى في قيعان المياه الضحلة المعتدلة والإستوائية او بمعنى اصح فى العمق الاثر سواء كان حوالين الشعب المرجانيه او الصخور
ومعظم أنواع الفصيله دى ليها أسنان طاحنة شبيهة بالأضراس (والمقصود بالأضراس الطواحن الأسنان الخلفية للإنسان)
سمكة الحفارة ( القرقفان في الخليج العربي ) من أجود أنواع الأسماك من حيث طعم لحمها وقيمته الغذائية ، وهي تنافس من حيث السعر سمكة الشعور بل وتزيد عليها في بعض الاوقات .
وتتميز بلونها الفضي اللامع وبحجمها الصغير، حيث قد تصل أحيانا وزن سمكة الحفار إلى ما يزيد على نصف كيلو جرام .
وتعتبر من اكثر الاسماك شبه للدنيس زى ما بيقول عليه البعض (ابن عم الدنيس)
وده لان جسمه واخد نفس انسيابيه الدنس ونفس فكره الاسنان الشبيه بالضروس
– بيتواجد على الشواطىء معظم شهور السنه ويعتبر من اكتر الاسماك المسليه للصياد من حيث اكشنها فى الصيد وكثرتها
– دايما بيعيش فى اسراب وصعب تلاقي منه حاجات فرديه وممكن نلاقى السرب الواحد بيتعدى ال 20 سمكه
– بيتنقل دايما من مرعى للتانى على مدار اليوم وصعب انه يثبت فى مكان واحد وعشان كده دايما صياد الحفار بيضطر كل ساعه انه يغير مكانه بحثا عن المكان اللى راحله السرب
– موسمها دايما بيكون من شهر سبتمبر الى نص شهر فبراير
أماكن تواجد سمك الحفار
دايما بنلاقيها متواجده جنب الشعب لو الشعب قريبه من الشط والصخور لو فيه صخور كبير لكن السمكه دى بتحب تعيش حوالين الصخور اكتر لانها بتاخدها ملاذ للهرب من اى اسماك مهاجمه
واحنا دايما لما نيجي نستهدفها نلاحظ شكل القاع قصادنا الاول ونشوف الاماكن اللى لونها غامق لان دى فى الاغلب بتكون اماكن الوعر ونرمى جنبها مش عليها
العده اللازمه لصيد الحفار
طبعا هتكون عده السيرف الطبيعيه بتاعتنا اللى بتكون عود طوله من 390-450 سم
اما الكاست ويت هيكون بين الـ 50 – 100 جرام وده لاننا مش بنحتاج نكبر الرصاصه اوى بسبب الوعر
الماكينه بتكون حسب استخدامك سواء كان حجمها كبير او صغير ده بيرجع لطبيعة المكان المستهدف اذا كان بعيد او قريب
السلاح بيكون مقاس بين ال 6-8 ويفضل انه يكون الساق طويل او بمعنى اصح سلاح كفته
لان فم الحفار زيه ي الدنيس زى ما عرفنا وبيحتاج سنار ساقه طويل عشان يعدى الضروس الموجوده
الارمه المطلوبه لصيد الحفار
– للتشويح العادى بنعمل فرد رمال واحد تحت الرصاصه وتكون الرصاصه حره والرمال طوله بين 30-40 سم بالكتير لو المكان فيه شويه وعر وده عشان مديلوش فرصه يهرب على الصخور
– ممكن برضه نشتغل عليه بفله عايمه او بالفله المجنونه فى حاله ان الوعر شديد او شعب كتير وبتكون الفله مقاس كبير وتحتها رصاصه حسب حجم الفله وفرد رمال واحد وطبعا طول الارمه بيكون حسب العمق الموجود وفى كل احوال شكل الارمه لازم نعمل نقطه ضعف تقطع منها الارمه فى حاله التوعير
الطعوم المناسبه لصيد الحفار
الحفار بيعشق جميع انواع اللحوم البحريه سواء كان كاليمارى او سبيط مقطع قطع صغير على قد السن او جمبري ميت او حتى مصارين فراخ مملحه وفى حال عدم وجود اى حاجه من الطعوم دى بنصطاد اى صدفيات موجوده فى المكان ونفتحها ناخد اللحم او الكائن اللى فيها ونصطاد بيه
وطريقة تناول سمكة الحفارة للطعم تكون بأكل القشريات وخاصة الجمبري من على قاع البحر ، فقليلاً ما تأكل ما هو عالق أو يسبح في مياه البحر ومن المعروف عن هذه السمكة أنها حذرة جدا وتأكل الطعم بعد تردد وقد تضعه في فمها ثم تقوم بإخراجه مرة أخرى .
أما عن طريقة صيدها بالسنارة بقصبة أو بحداف
الطريقة الأولى
طريق وضع سنارة أسفل الثقل ، وهي طريقة تناسب الصيد من على القارب فقط ( التسقيط) ، وتكون بوضع سنارة أو سنارتين مقاس 3 أو 4 أو5 تحت الثقل
وترمي الخيط حتى ينزل الثقل على قاع البحر وتحرص أن يكون الخيط مشدودا دائما ، ثم تنتبه جيدا لأي حركة في السنارة
وإذا شعرت بالسمكة تأكل الطعم فاجذب الخيط جذبة واحدة ، فإن علقت السمكة اسحبها بسرعة ثابتة
الطريقة الثانية
طريقة وضع السنارة فوق الثقل ، وهي تناسب الصيد من على الشاطئ أو الصيد من على القارب ولكن ترمي الخيط بعيدا عن القارب مسافة أربع أو خمسة أمتار .
وفي هذه الطريقة تربط سنارتين أو ثلاثة من المقاس 3 أو 4 أو 5 ( يفضل السنارة ذات السن الملوي ) وترمي الخيط ولكن تجعله غير مشدود ، بل يكون مرخياً حتى يلامس الطعم قاع البحر ،
وهذه الطريقة تعتبر أكثر راحة من الطريقة الأولى ، فأنت هنا لا تظل متنبها للسمكة ، بل تنتظر حتى تأخذ السمكة الطعم وتبتلعه ،
وقد لا تشعر بها وهي تأكله ولكن عليك أن تقوم كل 20-30 ثانية تقريبا بتحريك الخيط وجذبه قليلا حتى تعرف إن كان يوجد في السنارة سمكة أم لا
