بالنسبة لموضوع الرياح فهو موضوع كبير و شائك بالنسبة للصيد وسرعة الرياح
احنا بنراقب حالة الرياح علشان نعرف حالة البحر (عالى او مناسب) و بالتالى نعرف حيكون الجو مناسب لركوب البحر او لأ
انما متقدرش تحكم من سرعة الرياح بالنسبة لموضوع السمك حيكون واكل ولا لأ….
لأن الموضوع ده داخل فيه عوامل كتير جدا و الى الان معظمها غير معلوم للأنسان الى الأن…
و على سبيل المثال لا الحصر …
- درجة الحرارة
- اتجاه و قوة التيارات البحرية
- الموسم
- الرياح
- حالة القمر و
- المد و الجزر..
اما بالنسبه للريح فكما هو معروف ان معظم الريح الغربى و الشمالى الغربى الى الشمالى جيد بالنسبة للصيد
يعتبر ثبات بالريح اى اتجاهه فى اى من الأتجاهات التى ذكرتها سابقا مع السرعه المعتدله هو الوضع المثالى للصيد
و لكن بمراقبة باب الريح نجد انه من المهم جدا مراقبة الأتجاه و السرعه على مدى الأيام السابقه للرحلة
فهذا قد يعطى مؤشرا لحالة الماء سواء من ناحية كونه صافيا او عكرا و هو ما يؤثر ايضا بالسلب او الأيجاب على الصيد بشكل كبير
فى حالة ما اذا كانت الريح قبلى و شديد ستجد ان البحر حدث به عكارة نتيجة ان الريح يأتى محملا بأتربة
والريح الشرقى يسبب حاله من صفاء الماء الزائد و هو ايضا غير مرغوب فيه مع الصيد مثله مثل العكره الشديده
… اذن فالريح يؤثر على الصفاء و العكرة و بالتالى يؤثر على الأكل
ظاهرة الفوران و تقليب الغذاء
ثم ظاهرة الفوران و تقليب الغذاء نتيجة الريح الغربى و الشمالى و ما يستتبعها من طفو الغذاء من العمق الى الاسطح و ارتفاع الماء البارد ليحل محل الماء الساخن الذى يزاح بفعل الريح فيما يعرف بظاهرة الـ upwelling
و هى ظاهرة بحرية علمية و مدروسة أيضا تساعد على ملائمة أحوال الريح و البحر و تزايد فرص الأكل .
فدوران الريح و كثرة تغير الاتجاهات يؤثر بالسلب على اكل السمك و هذا ما يلاحظ مثلا فى النوات بالأضافه الى عدم ثبات السرعه ايضا يحدث ارتباك فى الصيد.
علاوة على ذلك ما يستتبع كل هذا من تاثير على حركة النقص والزياده فى البحر اى المد و الجزر
و هذا ما يمكن ملاحظته بوضوح شديد فى اماكن لصيد ذات طبيعة المياه الجارية بسرعه حيث تجد ان سرعة و اتجاه الريح يؤثر مثلا فى حالة الأتجاه الشمالى العالى بارتفاع سريع فى المد و
مدة المد تكون اعلى من مدة الجزر و سرعة الجزر بطيئة جدا و كذلك مدته نتيجة دفع الريح الشمالى للماء اتجاه الشاطىء بينما الماء يريد الأنحسار
لكن زى ما بنقول الريح معاكس فبالتالى عدم ثبات عمر و المده الزمنية للمد و الجزر يساوى فرص اقل فى الصيد و هذا ما يمكن ايضا ان يؤثر على جدول الحمل و الفساد تأثيرا مباشرا
فهو ليس جدول ثابت و مسلم به لأنه يحكم على المدة الزمنية للمده الزمنية للمد و الجزر و ارتباطهما بحركة القمر و لكن من وجهة نظرى تجاهل سرعة و اتجاه الريح التى من الممكن ان تذهب بهذا الجدول ايضا مع الريح
اذن فالسرعه وحدها ليست مقياسا لنجاح عملية الصيد من عدمه انما كما ذكرت لك اتجاه الريح ايضا و ثبات الأتجاه من عدمه بالاضافه لدرجة حرارة الماء و المواسم طبعا و قبل هذا كله الرزق و لتوفيق من عند الله سبحانه و تعالى
الرياح في الأسكندريه
بالنسبه للريح ان كان شرقى او غربى او شمالى …. السمكة ممكن تكون فى مكان ما بتاكل على الريح الشرقى او الريح الشديد ….
و ممكن فى اماكن تانيه ما تاكلش و العكس برضو بالنسبه للريح الغربى ….
يعنى اتجاه الريح مالوش مقياس فى كميه السمك لكنه له مقياس فى تحديد اسلوبك انت فى الصيد …..
ولكن سرعه الريح هى اللى بتحدد انك هتصطاد من عدمه …..
لكن افضل الرياح على العموم فى احوال الصيد عموما ( البحرى الخفيف الثابت ) البوستاشيه كما يطلق عليه وهو لا يزيد عن 10 الى 18 ك فى الساعه شمالى
ولا يفضل العدل مثلا من 3 الى 11 ك فى الساعه سوى فى التسقيط و الغطس ….
الميه بقى و عكرها او صفائها ده بخليك تحدد نوع المرامى و نوع الطعم …. يعنى مثلا لو الميه صافيه تحتيك يبقى الدود و البرغوت على الساحل وعلى الشطوط هيتضرب حلو جدا …
لكن لو الميه فيها ( ترمه ) عكره بيضاء شبه الجير كده بيبقى الأكل ضعيف و لازم حاجه زفره جدا زى الجندوفلى الأحمر او السردنيلا و بالعافيه تاخد لك كام سمكه ….
لو الميه لونها زيتونى ومش كاشفه دى افضل المياه بالنسبه للصيد و يا سلام بقى لو معاها ريح بحرى ( شمالى ) و ثابت و سرعته معقوله يبقى توقع تاخد سمك زى منت عاوز….
الميه الحمراء ( المطحنه ) بيكون فيها سمك بس لازم تراعى ان الطعمه تبقى صغيره و ترد على اى نقره عشان السمك بيكون بياكل بخبث وتراعى فى الميه الحمراء بالليل وجود ( المرو )
فلازم تراعى انك تصغر الطعم و تستخدم رصاص فقط بدون مداور بتملع و الشعر ما يتحركش كتير فى الميه و تستخدم جوز واسع جدا و شعر رفيع …
ويا رب ما أكون نسيت حاجه .. ولو فيه اى سهو فى الموضوع ممكن اى حد من اخوانى يكمل
وأخيراً ماهى سرعة الرياح المناسبه لنزول البحر من وجهة نظرك اسف للاطاله
